Paglabas ko ay una kong nakita si Tita Addie… naka-dark trench coat, may scarf pa, halatang galing sa mahabang biyahe. Kasunod niya si Uncle Marco, very handsome as always, pero kita ang bigat at pag-aalala sa mga mata.
“Vielle!” mabilis na lumapit si Tita Addie, halos mahulog ang handbag niya sa pagmamadali. Agad niyang hinawakan ang kamay ko na halatang nanginginig pa. “How is he? Nasaan siya? Oh my God, ang anak ko…” bulong niya, bago tuluyang napaluha.
Hinawakan siya ni Uncle Marco sa balikat, pinipilit manatiling matatag. “Kumusta na siya, hija?” seryoso at mababa ang tonong tanong nito, diretso ang tingin sa akin.
Medyo garalgal ang boses ko nang sumagot, “Kanina lang po siya dinala dito. Nag-collapse siya sa labas ng apartment ko… sobrang taas ng lagnat niya, halos 41. Naka-oxyge
