Sabay kaming naglalakad ni Jerahmeel palapit sa tirahan nina Cassiel. Habang humahakbang ang mga paa niya ay ang unti-unting paglawak ng ngiti niya sa kaniyang labi.
Mukhang sabik na sabik na talaga siyang makita ang matandang 'yon.
"Gustong-gusto ko na siyang makita," nakangisi niyang sambit habang nakatingin sa isang bahay. Ilang hakbang na lang at tuluyan na namin itong mararating.
Rinig na rinig ko ang malakas na pagtibok ng puso niya at kung paano siya kabahan. Sunod-sunod ang paglundag na para bang isang bola.
Napahinto kaming dalawa nang lumabas ang matanda at kitang-kita ko sa kanilang dalawa ang kasiyahan. Pareho silang nakangiti at hindi maipaliwanag ang sayang nadarama
"Cora." Napako siya sa kaniyang kinatatayuan at para bang hindi na siya makaaalis pa sa puwesto niya. N
