"Gusto kitang makausap." Tiningnan niya lang ako sa aking mga mata na para bang wala siyang kaalam-alam sa aking mga pinagsasabi.
"Ang sabi ko, gusto kitang makausap. Hindi ka man lang ba sasagot?" Bumuntong hininga siya at tumingin kung saan. Hindi pa rin siya nagsalita at nanatili lang siyang walang imik. Hindi ko alam kung ano'ng mali sa kaniya at kung ano ba ang problema niya.
"Ah, ayaw mong sumagot. Hindi ka papayag?" Humarang ako sa direksyon na tinititigan niya at umiwas siyang muli. Napangiti ako nang palihim dahil sa inaasta niya. May kung ano sa dibdib ko na kumikiliti na labis na nagbibigay sa akin ng ligaya.
"Hindi ka talaga sasagot?" pangungulit ko pa ngunit hindi siya nagpapatinag. Walang emosyon ang itsura niya at hindi man lang gumuguhit ang ngiti sa labi niya.
Naging
