Ang lamig ng umaga sa Tagaytay ay pumasok sa silid nang dahan-dahang gumalaw ang kurtina dahil sa hangin. Nakadapa ako sa malambot na kama, nakatalukbong ng makapal na kumot hanggang balikat. Pagbaba ng tingin ko sa sahig, nakita ko ang nagkalat na piraso ng aking kremang knit dress at ang itim na turtleneck sweater ni Lander at mga piping saksi sa marahas ngunit maalab na pagsasama namin kagabi. Sa bawat haplos niya, tila ba sinusubukan niyang burahin ang natitirang takot sa aking sistema, ngunit habang tumatagal, napagtatanto ko na ang bawat yakap niya ay may kasamang bigat na hindi ko kayang ipaliwanag.
Gumalaw ang mabigat na braso sa aking baywang. Hinila ako ni Lander pabalik sa kanyang dibdib, dahilan upang mapadikit ang hubad kong likod sa kanyang mainit na balat. Idinilat ko ang a
