KIER’S P.O.V.
“ANONG NANGYARI? ANONG iniisip ni Mr. Esteban at bakit niya hinayaan na makaalis si Maqi?” bulong ni Bien.
Napatingin ako kay Mr. Esteban na kaharap si Mrs. Walters at Xena na kanina pa todo kapit na parang tuko kay Mr. Esteban. Narito kami sa mansyon ni Mrs. Walters. Hindi na namin sinundan si Maqi gaya ng utos ni Mr. Esteban.
Kung si Bien ay naguguluhan sa ginagawa ni Mr. Esteban, kami rin. Nakakapagtaka na agad niyang pinaniwalaan na si Xena ang nawawala niyang kababata na si Maria.
At nakakapagtaka na hinayaan niya na makaalis si Maqi na wala man lang nagbabantay.
“Maria anak, hindi mo ba ako naalala?” tanong Mrs. Walters.
“Hindi, dahil wala naman akong maalala sa kabataan ko noon. Hindi na mahalaga ang nakaraan ko, ang mahalaga ay ako si Maria at kababata ko pala
