Ngunit pagkatapos din ng halik na iyon ay humingi ng tawad si Archie. Iyon ay dahil, kahit hindi ko isiping mabuti, alam naming pareho na wala siyang ibang taong minahal at mamahalin kung hindi ang asawa. Hindi na magbabago pa iyon, kahit malabo o malinaw, kahit may giyera o payapa. Tingin ko ay isa iyon sa mga bagay na pinakahinahangaan ko kay Archie – ang manatiling umiibig nang tapat sa kabila ng mga problema.
Ang sumunod namang umatake sa isipan ko ay iyong pagkapuna ni Madame Sofia sa pagsisilbi ko sa kaniyang asawa. Hindi ko makakalimutan iyon dahil iyon mismo ang kanilang pinag-uusapang mag-asawa kahit na... nasa kama na. Kung hindi ko lang kilala si Madame Sofia ay iisipin kong nagseselos siya sa akin pero… hindi naman dapat.
Kahit masarap at m
