May mga boses na nanggagaling doon pero hindi ko masyadong marinig. Ilang segundo pa akong nanatili sa harapan ng pinto bago napagpasyahang idikit doon ang tainga.
“E kung bakit ka naman kasi naglasing? Buti ay walang nangyari sa’yo.” Boses iyon ni Madame Sofia.
“I’m not that drunk, Sofia. Kilala mo naman ako. Hindi ako nagpapakalasing nang todo…” Kay Archie naman iyon.
“Kahit na. Dapat ay hinintay mo muna ako bago ka umuwi nang ganiyan ang itsura mo. Pansin ko lang ha, mukhang gustong-gusto mong inaalagaan ka ng tsimay mo.”
“Huwag mong pagsalitaan nang ganiyan si Clara.”
“Oh, bakit? Masama ba? Sinasabi ko lang naman ang mga nakikita ko. Aba, daig pa ako kung makapaghanda ng baon mo sa umaga e.”
“Hin
