Nanlaki ang mga mata ko. Lumuwag ang yakap ni Sir Archie at hinawakan ang aking panga. Hindi pa ako nakakabawi nang lumapat ang kaniyang mga labi sa akin. Maingat, mainit, amoy alak.
Parang binuhusan ako ng malamig na tubig. Nagyelo na lang din ang katawan ko. Si Sir Archie na rin mismo ang humiwalay, kung gaano karahan humawak ay ganoon din kaharan inalis. Sing banayad ng alapaap ang kaniyang halik pero ramdam ko pa rin sa aking mga labi.
Napakurap ako nang panoorin siyang umayos ng upo. Tumikhim si Sir Archie at sa wakas ay ibinukas din ang mga mata. Mapungay ang mga ito na nakipagtagpo sa akin.
“Shit... I’m sorry,” minamalat niyang bulong. “I’m sorry, Clara.”
Hindi ako nakasagot. Paano ba ang dapat na sagot? Kusang umakyat
