“Napakasinungaling mo talaga, Sofia…” mariin niyang bulong. “Ilang beses na kitang pinagbawalan pero paulit-ulit mo pa rin akong tinatarantado…”
“A-Aray! Archie, ano ba?! Bitiwan mo nga ako!”
Parang hindi siya narinig ng galit na galit na asawa. Ilang beses akong sumilip, naghihintay na bitawan niya si Madame Sofia pero habang tumatagal ay parang mas lalo lang humihigpit ang kaniyang hawak. Nanlaki ang mga mata ko nang umakyat ang kaniyang kamay at humawak naman sa buhok nito!
“Archie! Archie, masakit sabi!” Nang hindi pa rin ito bumitaw ay napatili na si Madame Sofia. “T-Tulong... Tulong!”
Umurong ang sikmura ko. Isang kurap ay sina Madame Sofia at Archie ang nakita ko. Isang kurap pa ay sina Mama at Papa na.
“Sa
