“Ito ang pamasahe niyo,” natigilan ako at napatitig sa isang libong inabot sa amin ni Aleng Hera. “Sige na mga anak, kunin niyo na ‘to at pumunta na ng ospital.” Nag-alinlangan akong tanggapin ‘yon kaya si Jarren na ang kumuha.
“Maraming salamat po dito Aleng Hera, aalis na po kami.” Tulala ako nang hatakin ako ng kapatid ko palabas ng bahay.
Sa totoo lang, nahihiya na ako kay Aleng Hera. Ito pa lang na pagpapakain niya sa amin ay malaking tulong na tapos ito na naman siya. Hindi ko alam kung paano ko masusuklian ang kabutihan niya sa amin.
Mabilis kong pinahid ang luhang tumulo sa aking pisngi. “Maraming-maraming salamat po,” pahabol kong bigkas na siyang tinanguan niya habang may maliit na ngiti sa labi. “Babawi po ako.”
Nang makalabas kami ng gate, pumara ng tricycle si Jarren. “Sa
