BINUKSAN ni Catherine ang fridge para maghalungkat ng pwede niyang kainin. Nagising na naman kasi siya ng hatinggabi na kumakalam ang sikmura dahil sa nararamdamang gutom. Kumakain naman siya ng dinner pero hindi talaga niya maiwasan ang magising ng hatinggabi na kumakalam ang sikmura.
Alam naman ni Catherine na normal lang iyon dahil nga sa pagbubuntis niya. Nabasa na niya iyon sa mga articles na laging binabasa niya tungkol sa pagbubuntis. Normal iyon dahil nasa unang trimester lang siya pero kapag nalagpasan na daw niya iyon ay magiging smooth na daw ang pagbubuntis niya. Sinabi nga din iyon ng Mama niya nang magkita sila ng makabalik ang mga ito galing sa pagbabakasyon.
Muli niyang iginala ang tingin sa loob ng fridge hanggang sa tumuon ang tingin niya sa mga chocolate na binili ni
