NAPATIGIL si Travis sa akmang pagsubo nito sa kanya ng mainit na sabaw na dala nina Lily nang makarinig sila ng mahinang katok na nanggaling sa labas ng pinto ng private room sa ospital kung saan siya na-admit.
Nang magpunta sina Lily sa ospital para dalhin ang mga gamit na inutos ni Travis ay may dala din ang mga ito na mainit na sabaw. Pinagluto siya ng mga ito. Maganda daw kasing humigop ang may sakit na mainit na sabaw. At nang sabihin iyon ni Lily kay Travis ay agad nga nitong pinakain iyon sa kanya habang mainit-init pa.
Sabay nga din silang napatingin sa gawi ng pinto ng maramdaman nila ang pagbukas niyon. At mayamaya ay pumasok si Tita Grace at ang Mama niya sa loob ng kwarto.
Napaawang naman ang labi niya nang makita ang mga ito. Wala siyang ideya kung paano nalaman ng mga i
