NAHIHIRAPAN si Catherine na isara ang zipper ng suot na maternity dress. Hindi kasi niya iyon maabot sa kanyang likod. At nang hindi talaga niya maabot ay lumabas siya ng walk in closet para humingi na ng tulong. Nakita naman niya si Travis sa labas ng walk in closet, nakita niya itong sinusuot nito ang necktie na inihanda niya para dito kanina.
"Travis..." tawag naman niya sa atensiyon nito.
Nag-angat naman ito ng tingin ng marinig nito ang boses niya. "Hmm?"
Saglit siyang tumitig dito bago bumuka ang bibig para magsalita. "Pwede bang pasuyo? Hindi ko kasi maisara iyong zipper sa likod ko," wika niya dito.
"Okay," mabilis na sagot nito sa kanya.
At akmang lalapit siya kay Travis ng mapatigil siya ng humakbang din ito palapit sa kanya. Nanatili lang naman siya sa kinatatayuan han
