BUBUKA sana ang bibig ni Catherine para magsalita ng mapatigil siya nang biglang nagsalita ang anak ni Lianne na si Tyler.
"Papa!"
Mabilis itong umalis sa tabi ni Calvin at patakbo itong lumapit kay Travis. At nang makalapit ay agad itong yumakap sa ama nito.
Hindi naman napigilan ni Catherine ang mapatingin sa anak na si Calvin. Nakita niyang nakatitig ito sa dalawa bago ito yumuko, napansin nga din niya ang pagkagat nito ng ibabang labi na para bang pinipigilan nito ang mapaiyak.
At nang makita iyon ay parang may malaking kamay na sumakal sa puso niya dahil hindi siya makahinga, nasasaktan kasi siya para sa anak. Alam kasi niyang naiinggit ito kay Tyler dahil kay Travis.
Humugot naman siya ng malalim na buntong-hininga. Pagkatapos niyon ay humakbang siya palapit kay Calvin. Hin
