"MOMMY!"
Sumilay ang ngiti sa labi ni Catherine nang marinig niya ang pagtawag sa kanya ni Calvin nang makalabas ito ng classroom nito.
At nang makita niya ang pagtakbo nito ay agad niyang sinalubong ang anak. "Mommy," wika ni Calvin nang yakapin nito ang binti niya nang tuluyan itong makalapit. Pagkatapos niyon ay nag-angat ito ng tingin para magpantay ang paningin nilang dalawa.
Napansin nga niya ang ngiti na nakapaskil sa labi nito nang sandaling iyon. "Mommy, look po," mayamaya ay wika ni Calvim sabay pakita sa kamay nito. "Bigay po ako ng star ni teacher dahil very good daw po ako kanina," wika nito sa kanya.
Bumaba nga din ang tingin niya sa kamay nito. At mula doon ay nakita nga niya ang tatlong star sa kamay nito.
"Ang galing naman ng anak ko," masayang turam niya sa anak.
