“ANG ganda rito!” masayang bulalas ni Giana nang makarating sila sa beach resort sa Cebu kung saan ay doon sila magbabakasyon ni Louie.
Napuno ng paghanga ang mga mata ni Giana habang nakatayo sa buhanginan ng resort matapos nilang bumaba sa isang yate na sinakyan nila papuntang isla. Una nilang sinakyan ay eroplano kaya mabilis silang nakarating sa Cebu at sumunod naman ay nagbiyahe sila gamit ng kotse na sumundo sa kanila hanggang sa nakarating sila sa isang port at sumakay ng yate na sila lang din dalawa ang pasahero.
First time ni Giana ang lahat ng nangyari sa kaniya ngayong araw subalit alam niyang tanging sa alaala niya lang iyon ngayon at sigurado siya na palagi na siyang nakakasakay sa eroplano, yate at barko pero iba pa rin ang sayang nararamdaman niya at pakiramdam niya ang un
