NANG matapos makapagbihis nila Giana at Louie ay naisipan nilang dalawa na lumabas ng kwarto at sinabihan ni Giana na ipasyal siya ng asawa sa buong bahay subalit nakita nila ang ina ni Louie at tiyahin sa hardin kaya niyaya sila nitong umupo doon at makipag-usap. Pinaalis pa si Louie dahil usapang pangbabae raw ang pag-uusapan nila at kahit ayaw ng asawa niya ay napilitan na rin dahil sinabihan niyang sundin na lang ang gusto ng ina nito kaya hindi naglaon ay umalis na lang din si Louie at hindi alam ni Giana kung saan ito nagpunta.
“Gusto ko lang sanang humingi sa’yo ng tawad sa inasta kaninang umaga ni Sabrina,” umpisa ng Mama ni Louie kay Giana.
“A-ayos lang po iyon, M-Ma’am,” kaagad niyang tugon.
“You're not comfortable with me. You can't even call me Mama,” pansin ng Mama ni Louie
