NASA biyahe na ngayon sina Giana at Louie patungo sa bahay ng magulang ni Louie. Maaga silang gumising kahit pa madaling-araw na silang nakatulog dahil nagtungo pa sila sa bahay ng mga magulang niya para magpaalam at ibilin si Juana sa mga ito. Nagtaka nga si Giana kung bakit pinapaiwan ni Louie si Juana pero sa palagay niya ay may kinalaman si Henry dahil sa pag-uusap ni Louie at Henry kanina at binilinan pa ang kapatid niya ni Louie na huwag gagawa ng kalokohan.
Nakahinto ang kotse nila dahil may traffic sa daan nang inabot si Louie sa kaniya habang nakatingin sa bintana na ikinagulat niya. Litrato iyon ng isang batang babae na ikinalaki ng mga mata niya at hindi napigilang tumulo ang mga luha niya.
Kamukhang-kamukha ni Louie ang batang babae na sa tingin niya ay nasa isang taon pabab
