"Tama na!" sigaw ko habang tumatakbo papunta sa kanila. Gulat na gulat ako dahil hindi tumitigil sa pagsuntok si Luke kay Charles.
Muntikan pa 'kong madapa dahil sa heels ko pero nagpatuloy pa rin ako sa pagtakbo. Anong nangyari? Bakit 'to nangyayari?
Mas napasigaw pa 'ko nang gumanti ng suntok si Charles kay Luke. "Tama na!" sigaw ko muli. Narinig ko naman ang mga yapak ni Ruby sa tabi ko.
"You're such a liar! Paasa ka! Hindi mo ba alam na masasaktan si Kiss dahil sa mga pinaplano mo?!" Dahil mas malapit na 'ko sa kanila, naririnig ko na ang pinag-aawayan nila. Agad akong napatigil nang narinig ko ang pangalan ko.
"You're a selfish asshole! You don't deserve her!" galit na sabi ni Luke at sumuntok na naman. Ngunit hindi na 'ko makagalaw ngayon. Hindi na 'ko makasigaw. May kung anong b
