"Anong mag-uusap na naman?" naguguluhan kong tanong kay Kazimir.
Gabi na pero nandito pa rin kami sa Camp John Hay. Kanina pa kami nag-uusap-usap dito at nagkakasiyahan. Bumili kasi ng alak ang mga kaibigan ko bago pumunta rito at heto sila ngayon, tumatawa kahit wala namang nakakatawa.
Nasa paligid lang din ang mga bodyguard ko kaya hindi kami takot uminom. Nandito rin iyong mga kaibigan na sinasabi ni Kazimir at hindi ako sigurado kung miyembro ba ng mafia organization ang mga ito.
Ang pamilyar lang sa akin ay si Gabriel Aziel Fontanilla pero iyong tatlong kaibigan niyang lalaki na kaibigan din ni Kazimir ay hindi ko kilala. Pilit ko ring iniiwasan ang mga mata nila kasi iyon ang bilin sa akin ni Kazimir noon. Kaya sinusunod ko. Mahirap nang mapahamak pa nang sobra lalo na ngayon na k
