Huminga ako nang malalim at inis na napahilamos ng aking mukha. Hanggang ngayon kasi ay naaalala ko pa rin ang sinabi ni Kazimir.
Akala ko dati ay nabibiro lamang siya na babawiin niya ako pero mukhang nagkamali ako. Kasi kung ano ang binitawan niyang salita, gagawin niya.
Matapos ang pag-uusap namin sa bahay na iyon ay mabilis akong umalis. Ramdam ko namang nakasunod ang mga bodyguard ko pero hindi ako nagsalita.
Alam kong alam na nilang babalik na ako sa bahay dahil mukhang nasabihan na sila ni Kazimir na kung aalis ako ay dapat hindi nila ako pipigilan.
Kung tutuusin ay wala naman silang ginawang masama sa akin. Nag-usap lang kami at mabilis akong kinalagan ni Kazimir.
Napangiti naman ako nang mapait dahil hanggang ngayon ay gumagawa siya ng paraan para ipaglaban ang pagmamahalan n
