C H A N
Pagkatapos naming pag-usapan ang process para maampon na namin ng tuluyan si Gabriel ay agad kaming lumabas ni Miguel sa office ng Head Sister nila rito. Hindi na ito sumama pa dahil marami pa siyang gagawin kaya kami lang ni Miguel ang muling naglakad sa mahabang hallway papunta sa malawak na sala kanina.
Nakangiti ako habang naglalakad at napansin kong nakatingin sa akin si Miguel. Tumigil ako nang nasa tapat kami ng isang nakasaradong kuwarto at tumigil din si Miguel dahil sa pagtataka.
"Salamat," sabi ko sa kaniya at niyakap siya nang mahigpit. Ipinadama ko kung gaano ako kasaya ngayon na sa wakas ay magkakaroon kami ng isang bata sa condo.
"Anything for you, Chan. Gagawin ko ang lahat nang makakapagpasaya sa 'yo," bulong nito at naramdaman kong hinalikan niya ako sa aking
