حكايه بنات

*في بيت باين عليه البساطه* *عهد كانت قاعده بتفكر ازاي هتسدد المصاريف والديون اللي عليها رغم أن مليكه عرضت عليها كتير انها تساعدها بس هي كانت بترفض لقت حنان داخله عليها كالعاده بإبتسامه هاديه* -حنان بإبتسامه هاديه: صباح الخير ي ست البنات -عهد بإبتسامه: صباح النور ي حبيبتي عامله اي دلوقتي ؟ -حنان: الحمد لله علي كل حال ي بنتي مش هتروحي الكليه النهارده ؟ -عهد: محاضراتي متأخره شويه -حنان: ماشي ي حبيبتي -عهد بتساؤل: ف حاجه ي ماما ؟ -حنان بتوتر: لا ي بنتي مفيش -عهد: ماما قولي ف اي ؟ علاجك ناقص منه حاجه ؟ -حنان: مش عايزه ازود عليكي همك ي حبيبتي كفايه اللي انتي فيه -عهد بهدوء: قوليلي بس اي اللي ناقص وانا هجيبهولك وانا راجعه من الكليه بس اوعي تأخري العلاج او تبطلي تاخديه انا مقدرش استغني عنك ي جميل -حنان بإبتسامه: متحرمش منك ابدا ي حبيبتي ربنا يفرح قلبك -عهد: اومال محمد وعلا فين ؟ -حنان: ف مدارسهم -عهد: ربنا معاهم طب ي حبيبتي حضريلنا الفطار ب ايد*كي الحلوه دي علي م البس -حنان: ماشي ي حبيبتي *بعد ما حنان خرجت حست ان الحِمل زاد عليها علاج والدتها كل اسبوعين لازم ييجي عشان حالتها متأخره وفي نفس الوقت مش قادره تقبل مساعده من حد طلعها من تفكيرها صوت تليفونها وكانت خلود* -عهد: ي اهلا ي اهلا -خلود: وحشتيني ي دودو -عهد: اومال لو مكناش متجمعين امبارح ؟ -خلود: وماله وحشتيني برده -عهد: عايزه اي ي خلود اتصالك دا وراه حاجه ؟ -خلود: بصراحه اه -عهد: خير يارب ؟ -خلود: مش قادره اطلع امجد من دماغي ابدا ي عهد مش عارفه اعمل اي انا حبيته من قلبي وكنت حاسه لا كنت متأكده ان هو كمان بيحبني بس معرفش هو لي عمل كدا انا تعبت ي عهد تعبت من كتر التفكير -عهد: ي حبيبتي هو احنا مش اتفقنا ان دا غلط ؟ م**مه توجعي قلبك لي ي خلود ؟ -خلود بعياط: غصب عني ان قلبي محبش غيره ومش قادره اكرهه حتي بعد اللي حصل -عهد بحزن: طب هدي نفسك لحد م نتقابل انا عندي برزينتيشن ف الكليه هخلصه واكلمك نتقابل -خلود: هستناكي ف البيت لاني مش هقدر اطلع -عهد: ماشي ي حبيبتي مش هتأخر عليكي *خلود لما بتتكلم مع عهد بتحس براحه كبيره رغم ان هما شله خمس بنات لكن عهد اكتر واحده مريحه فيهم بعد ما امجد بعد عن خلود بحجه الظروف مفيش واحده فيهم سابتها هي متنكرش كدا لكن عهد كانت اقرب واحده فيهم ليها وقدرت تخفف عنها كتير وكل ما تحس انها تعبانه مش بتكلم حد غيرها،قطعها من افكارها دخول أحمد* -احمد بحنيه: مالك ي حبيبتي ؟ -خلود: مفيش حاجه ي بابا انا كويسه -احمد: طب متطلعتيش تفطري معايا لي ؟ -خلود: معلش ي حبيبي لسه صاحيه هغسل وشي وانزل وراك علي طول -احمد: خلود لو ف حاجه مزعلاكي قوليلي ي بنتي انا ابوكي برده -خلود بإبتسامه: متقلقيش عليا والله انا زي الفل -احمد: ع العموم انا موجود ف اي وقت لو حابه تحكي واه الفيزا بتاعتك اتشحنت النهارده -خلود: متحرمش منك ابدا يارب -احمد: ولا منك ي حبيبتي *من وقت ما مامتها ماتت ووالدها مش مخليها محتاجه حاجه حتي طريقته اتغيرت معاها وبقا حنين بيحاول يعوضها فراق مامتها لكن للاسف محدش يقدر يعوض دفا حضنها وانها وحشتها* *مليكه كل يوم تصحي علي صوت احن انسانه في الدنيا لكن النهارده لقت والدتها ووالدها داخلين الاتنين* -ماجده: مليكه ملوكه ؟ -مليكه بهدوء: صباح الورد -ماجده بإبتسامه: صباح النور ي حبيبه ماما -مليكه بمرح: اي ي ابو خليل واقف كدا لي ؟ -ابراهيم بضحكه: بشوف اميرتي الحلوه وهي لسه صاحيه -مليكه بغمزه: زي القمر صح ؟ -ابراهيم: صح طبعا حد يقدر يقول غير كدا -ماجده: قومي ي حبيبتي يلا عشان الكليه بتاعتك -ابراهيم: عهد عامله اي ي مليكه ؟ -مليكه: والله ي بابا هي كويسه او دا اللي بتحاول تبينه لكن هي مش راضيه تقبل مني اي مساعده -ماجده: طب م تحاولوا تساعدوها بطريقه غير مباشره -مليكه: ازاي ؟ -ماجده: يعني تبعتوا فلوس مع شخص ف ظرف او تبعتوهم عن طريق البريد ويتكتب ف الرساله فاعل خير -مليكه: هي فكره حلوه بس هي مش هتهدي غير لما تعرف مين اللي بعت -ابراهيم: انا بفكر اوظفها عندي في شركه الادويه محتاج دكاتره كويسين -مليكه بفرحه: صح كدا وهي كدا مش هيبقي عندها سبب للرفض -ابراهيم: افتحي معاها الموضوع النهارده وعرفيني ردها -مليكه: حاضر شكراً ي بابا بجد *بعد ما هما الاتنين خرجوا مليكة فرحت عهد تستاهل كل خير بجد ولولا انها رافضه مساعدتها مكنش دا بقا حالها لكن هي مش عارفة تتصرف في دماغها العنيد بس فكره إبراهيم جات في وقتها هي اكيد محتاجه تشتري علاج مامتها الحمد لله يارب توافق بقا* *شهد النهارده عندها اجازه من الكليه عشان كدا نازله شغلها وطبعاً تفكير البنت الناضجه اللي زيها ب ان الشغل والدراسه اهم كتير من الجواز هو دا اللي بيمشي اليومين دول* -شهد بحماس: صباح الخير ي رائد -رائد: صباح الخير ي عيون رائد عامله اي ؟ -شهد: الحمد لله -رائد: شايفك متحمسه كدا رايحه الشغل ؟ -شهد بإبتسامه: اه ادعيلي بقا -رائد: ربنا معاكي ي حبيبه اخوكي محتاجه فلوس ؟ -شهد بغرور: يبني انا دلوقتي واحده عندي كارير وبشتغل بقالي سنتين يعني خلي فلوسك معاك ي حبيبي اكيد مراتك اولي بيها صحيح هي فين ؟ -رائد: بتشتري شويه طلبات مع الداده وجايه -شهد: ماشي ابقي سلملي عليها اشوفك بليل -رائد: خارجه مع صحابك النهارده كمان ؟ -شهد: اه انت مش تايه بقا المفروض تكون حفظت دا احنا بقالنا 15 سنه -رائد بضحكه: ربنا يديم لمتكم ي حبيبتي خلي بالك من نفسك *اول ما خرجت من البيت اتصلت علي ميرنا حالها مش عاجبنها بقالها كام يوم وحاسه انها متغيره وفي حاجه مش مظبوطه فيها* *ميرنا كانت زي كل يوم بتصحي جسمها مت**ر ومش شايفه قدامها وبتداري تعبها وكل دا بالميكب لكن لحد امتا هتفضل في الدوامه دي طلعنها من افكارها صوت تليفونها وكانت شهد* -شهد: صباح الكروان -ميرنا بتعب: صباح النور -شهد: زي كل يوم بكلمك صوتك تعبان ولما اجي اشوفك اخر اليوم بتكوني كويسه مالك ي ميرنا تعبانه ؟ اجي اخدك ونروح ل دكتور ؟ -ميرنا: لا مش مستاهله دكتور انا بس من كتر السهر علي اللاب عشان المشاريع بتاع الكليه -شهد: ميرنا مش عليا الكلام دا انتي بقالك فتره مش بتروحي الكليه اصلا وبالعافيه اقنعناكي امبارح عشان الامتحانات ف اي ؟ -ميرنا بعصبيه: يووه ي شهد كل يوم نفس الحوار ع الصبح اي مش بتزهقي قولتلك خلاص مفيش حاجه -شهد: انا عارفه مين اللي هيتصرف معاكي ي ميرنا -ميرنا بسرعه: بلاش تقولي ل عهد حاجه ي شهد -شهد: طلعتي بتعمليلها حساب بس وضعك معتش يعجب حد ولازم نشوف حل النهارده هخلص شغلي واعدي عليكي عشان هنتقابل سلام *بعد ما قفلت خافت من طريقه كلامها هي لو قالت ل عهد حاجه مش هتسكت ميرنا عارفه ان عهد بتحبها وبتخاف عليها لكن هي مش ملاحظه اي حاجه ولو عرفت مش هتتكلم معاها تاني وهي مش هتقدر علي زعلها ميرنا مبقتش عارفة تعمل اي وتصلح المشكله دي ازاي؟* -دي بس كانت مجرد بدايه بسيطه للحكايه كل بنت فيهم عندها مشكله ي تري هيقدروا يحلوها ؟ -اي السبب اللي مخلي ميرنا كدا ولي خايفه من عهد ؟ -ي تري مين امجد وعمل اي ل خلود ؟ -ي تري عهد هتقبل بالعرض بتاع مليكه ولا لا ؟