البارت الثاني

2061 Words

*عهد بعد ما خرجت من البيت عدت علي الصيدليه وكانت بتقدم خطوه وترجع عشر خطوات تاني ل ورا لكن عشان علاج حنان دخلت ووكلت امرها لله* -عهد بهدوء: السلام عليكم -الدكتور بإبتسامه: وعليكم السلام ورحمه الله وبركاته ي دكتوره عهد ازيك ؟ -عهد: الحمد لله بخير -الدكتور: مش ناويه برده تنزلي تدريب معانا ؟ -عهد: اخلص امتحانات بس وهنزل ان شاء الله -الدكتور بإبتسامه: اتفقنا اؤمريني ي دكتورتنا ؟ -عهد بتوتر: الامر لله انا جايه محروجه والله ومش عارفه اقول ل حضرتك اي -الدكتور بسرعه: بس بس علاج مامتك خلص ؟ -عهد بحزن: لولا ان حالتها متأخره زي م حضرتك عارف مكنتش جيت خدته غير وانا معايا فلوس والله -الدكتور: متقوليش كدا ي عهد انتي زي بنتي علاج مامتك هيوصلها البيت دلوقتي حالا المهم انتي ركزي ف دراستك عايزين امتياز كدا -عهد: بجد شكراً ي دكتور مش عارفه اشكرك ازاي واول م يبقي معايا فلوس هدفعها ل حضرتك علي طول -الدكتور: متشغليش بالك بالفلوس ي عهد الصيدليه بتاعتك تعالي ف اي وقت -عهد بإبتسامه: تسلم ي دكتور عن اذنك *خرجت من الصيدليه وهي بتدعيله بقاله فتره بيحاول يساعدها لو بالعلاج حتي ومشت وهي الي حد ما مرتاحه لكن التفكير في كل اللي بيحصل وازاي هتجيب الفلوس مش بيروح من بالها ابدا* *شهد دخلت الشركه النهارده كأنها اول مره مع ان بقالها سنتين بتشتغل فيها لكن خدت فتره كبيره تدريب ورجعت فتره اجازه عشان وفاه والدها صاحب الشركه رغم انه شاب 28 سنه بس مخليها ناجحه وبقت من اكبر شركات اسكندريه* -عبير: صباح الورد ي ورد -شهد بإبتسامه: صباح الفل -عبير: مش عارفه مين داعيلك ف ساعه استجابه المدير عايزك وسامعه انه اداكي مكافأه تلت شهور -شهد بفرحه: انا ؟ -عبير بضحكه: اه انتي روحي يلا بسرعه -شهد بفرحه: دا احلي صباح ف الدنيا عمر كان قاعد في مكتبه ومركز في الورق فجأه حس ان ض*بات قلبه زادت كأنها قربت منه سمع صوت خبط علي الباب وبعدين دخلت طلتها عليه باللون الجملي اللي كانت لابساه بيخلي وشها منور وابتسامه هاديه وكان باين فرحتها في عينيها* -شهد بإبتسامه: صباح الخير ي بشمهندس -عمر بهدوء: صباح النور -شهد: قالولي ان حضرتك عاوزني -عمر: اتفضلي اقعدي -شهد: خير ي بشمهندس ؟ -عمر بإبتسامه جانبيه: من وقت م دخلتي الشركه وهي اتنقلت ف مكان تاني خالص بسبب مشاريعك ومشاركتك ف التصاميم اثبتي انك هتكوني مهندسه شاطره جدا وانتي لسه بتدرسي انتي كدا هتنافسيني ف السوق -شهد بضحكه: العفو ي بشمهندس لولا حضرتك بعد ربنا مكنتش وصلت لكل دا -عمر بإبتسامه هاديه: تقدري تعدي علي الحسابات ليكي مكافأه هناك -شهد بإبتسامه: تمام ي بشمهندس شكراً -عمر: اتفضلي *بعد ما خرجت حس ان قلبه خرج معاها ميعرفش هو حبها امتا ولا ازاي بس حب ذكائها وروحها الخفيفه شدوه ليها قدرت تخ*فه من غير م تحس وكأن قلبه مكتوب عليه يتعذب معاها شويه* *شهد تفكيرها أن اسلوبه متغير النهارده وطريقه تعامله غريبه مع ان طبعه دايما هادي بس النهارده هدوءه كان زايد والابتسامه مفارقتش وشه حست بحاجه غريبه وقررت ان ملهاش دعوة هي اللي ليها المكافأة الحلوه دي هي كدا هتضطر تعزم شله المتاعيس النهارده هي كدا كدا خربانه اصلا* *خلود كانت قاعده زهقانه ومش عارفه تعمل اي قررت تكلم ميرنا لانها زيها مكنش عندها كليه لكن مليكه كانت في كليتها زي عهد وكمان شهد في شغلها ومفيش غير ميرنا اللي قاعده فاضيه لقت صوتها كان تعبان ع** ما بيشوفوها* -خلود بمرح: صباح الكروان -ميرنا ب**ل: صباح النور -خلود: انتي لسه نايمه ؟ -ميرنا: لا صاحيه من ساعتها خير ف حاجه ؟ -خلود: ف اي ي ميرنا انتي اول مره تكلميني كدا ؟ -ميرنا: معلش ي خلود لسه مفوقتش ومزاجي مش حلو -خلود: طب اجيلك لحد م البنات يخلصوا لاني قاعده زهقانه ومش عارفه اعمل اي ؟ -ميرنا: مستنيه مني اقولك لا متجيش قومي يلا هستناكي -خلود بفرحه: حمامه واكون عندك باي *ميرنا شافت ان كلهم بقوا ملاحظين عليها انها مش كويسه وعصبيتها زايده مع انها مكنتش كدا وبالذات خلود دلوعه الشله مينفعش حد فيهم يزعلها ابدا كانت بتحاول تمسك اعصابها علي قد ما تقدر نص ساعه ولقتها عندها* -خلود بإستغراب: اي ي بنتي اللي انتي عايشه فيه دا ؟ شقتك عامله كدا لي ؟ -ميرنا بتعب: بقالي كتير مش قادره اظبطها -خلود: طب نروح ل دكتور ؟ -ميرنا: لا هما شويه دوخه بس -خلود: فطرتي طيب ولا اعملك حاجه ؟ -ميرنا: مليش نفس للاكل -خلود: ميرنا متأكده ان مفيش حاجه ؟ -ميرنا: اه تعالي ندخل اوضتي *اول ما دخلوا اوضتها ميرنا نفسها استغربت من منظرها عباره عن كراكيب شافت ملامح استغراب علي وش خلود وكانت مستعده لسؤالها الجاي* -خلود: كدا مش طبيعي انتي عايشه فيها ازاي ؟ -ميرنا: هنعملها سوا دلوقتي -خلود: انا مش هخليكي تعملي حاجه بشكلك دا اقعدي ارتاحي وانا هظبطها اقعدي *هي عشان عارفه ان خلود متربيه في بيت فيه خدامات وباباها مدلعها استغربت من رد فعلها وانها تقدر تخلي الشقه كأنها لسه جديده وحصل اللي كانت خايفه منه* *خلود شافت حاله الشقه مكنتش طبيعيه كأن محدش عايش فيها بعد ما خلصت وفاضل اوضه ميرنا بس لقت في درج المكتب صدمه عمرها* -خلود بصدمه: اي دا ي ميرنا ؟ -ميرنا بتوتر: دا -خلود بصوت عالي: دا اي انطقي ؟ -ميرنا بعياط: عشان خاطري وطي صوتك انا مصدعه ومش حاسه بنفسي مش مستحمله صوت عالي -خلود: يعني اي ؟ يعني اي مش مستحمله انتي ازاي ؟ من امتا وانتي بتتعاطي الق*ف دا ؟ ولي اصلا ي ميرنا ؟ -ميرنا: من تلت شهور -خلود بصدمه: تلت شهور ؟ السم دا ف جسمك من تلت شهور وساكته ؟ حد من البنات يعرف ؟ -ميرنا بخوف: ابوس ايدك ي خلود بلاش حد فيهم يعرف شهد شاكه ان انا فيا حاجه وعايزه تحكي ل عهد عشان خاطري بلاش تقولي حاجه -خلود: انتي اتجننتي ي ميرنا مقولش ازاي لازم نساعدك احنا مش هنسيبك لحد م تموتي مننا بسبب الق*ف دا -ميرنا: عهد لو عرفت هتزعل مني وانتي عارفه زعل عهد عامل ازاي -خلود: مش هتزعل منك ف موقف زي دا بالع** دي هتساعدك انا هكلمهم ييجوا علي هنا ولازم تتعالجي *بعتت مسدج ل شهد ومليكه وعهد عرفتهم ييجوا علي شقه ميرنا ضروري هي عارفه ان رد فعلهم هيبقي صعب وبالاخص عهد لكن مينفعش يسكتوا* *شهد كانت قاعده في مكتبها بتخلص اخر اوراق لقت مسدج من خلود انها لازم تروح شقه ميرنا ضروري بدأ شكها يبقي في محله وان ميرنا فيها حاجه وبقت تتمني يطلع تفكيرها غلط قفلت الملف اللي قدامها وخدت شنطتها وقامت جات تطلع من الشركه لقت عمر خارج* -عمر بإبتسامه: خلصتي بسرعه كدا ؟ -شهد: الشغل كان بسيط النهارده -عمر: تحبي اوصلك في مكان ؟ -شهد بإبتسامه: شكراً ي بشمهندس معايا عربيتي -عمر: انا اسف كنت حابب اساعد بس اتفضلي -شهد: شكراً عن اذنك *شهد بقت تفكر ان عمر بجد فيه حاجه غريب وبقت تتمني ميكونش اللي في بالها برده عشان هي اهم حاجه دراستها وشغلها وبس ركبت عربيتها وراحت شقه ميرنا* *مليكه بعد ما خلصت السكاشن اللي عندها قابلت عهد عند بوابه الجامعه وجالهم مسدج في نفس الوقت من خلود ان لازم يروحوا شقه ميرنا ضروري* -مليكه: ي تري اي اللي حصل ؟ -عهد: ميرنا بقالها فتره مش طبيعيه ي مليكه وحاسه أن فيها حاجه مش مظبوطه -مليكه: زي اي يعني ؟ -عهد: هنعرف لما نروح يلا -مليكه: عهد ؟ -عهد بهدوء: نعم ؟ -مليكه: طنط حنان عامله اي ؟ -عهد: بقت كويسه الحمد لله -مليكه: طب هقولك علي حاجه بس من غير عصبيه ولا تتضايقي -عهد: ف اي ؟ -مليكه: بابا عايز دكاتره كويسين في شركه الادويه وقالي اعرض عليكي اي رأيك ؟ -عهد: م انتي عارفه ي مليكه الفتره دي فتره امتحانات ومقدرش اشتغل واشوف طلبات البيت ودراسه كمان -مليكه: ي حبيبتي انا مش بقولك روحي من الصبح خلصي امتحانات براحتك وبعدها تقدري تروحي الشركه مكانك موجود بس عشان خاطري تقبلي المره دي وبلاش تعملي فرق بينا ي عهد -عهد بإبتسامه هاديه: حاضر ي روحي خلينا نمشي الاول نشوف المصيبه اللي مستنيانا دي -مليكه بضحكه: اركبي *عهد لقت ان مليكه م**مه انها تساعدها حتي لو كانت بطريقه غير مباشره مكنتش تقدر ترفض المره دي لانه شغل وهي فعلا محتاجه الشغل فوافقت وصلوا شقه ميرنا وكانت شهد هناك وكمان خلود اول ما عهد شافت شكل ميرنا خافت هالات سودا كانت بتداريها بالميكب وشها اصفر جسمها فجأه دبلان كأنها علي طبيعتها النهارده* -عهد بخوف: هي تعبانه ولا اي ؟ ميرنا مالك ؟ -شهد: سألتها الصبح لو كانت تعبانه كنت هعدي عليها نروح للدكتور بس قالتلي انا كويسه -مليكه: كويسه ازاي ؟ دا وشها أصفر جدا -خلود: ممكن تهدوا وانا هقولكم ف اي -ميرنا بعياط: خلود عشان خاطري -خلود: كفايه ي ميرنا كدا -عهد بجديه: ف اي ي خلود اتكلمي -خلود بتوتر من نبره عهد: ميرنا مدمنه هيروين -مليكه بصدمه: بتقولي اي ؟ -شهد بنفس الصدمه: نعم ؟ *خلود شافت ان رد فعل مليكه وشهد كان متوقع لكن اللي مقدرتش تفهمه هو سكوت عهد وانها منطقتش بكلمه حتي وشها مكنش عليه اي تعبيرات وفجأه صوتها بقي عالي لدرجه خوفت ميرنا وخوفتهم هما التلاته* -عهد بصوت عالي: انتي اتجننتي ؟ ازاي تعملي كدا ولي اصلا تعملي كدا ؟ نسيتي ربنا ؟ نسيتي الحجاب اللي بتلبسيه وانتي خارجه ؟ نسيتي انك مسلمه واللي بتعمليه دا حرام ؟ كان عقلك فين وانتي رايحه تتعاطي الزفت دا وتملي جسمك سموم ؟ قوليلي كنتي بتفكري ف اي وقتها ؟ ناقصك اي عشان تعملي كدا ؟ -ميرنا بعياط: اهدي ه هفهمك -عهد بعصبية: تفهميني اي ؟ هتقولي اي ؟ -مليكه: اسمعيها ي عهد -عهد بعصبيه: انا مش هسمع كلمه انتي لازم تبطلي الق*ف مين اللي بيبعهولك ؟ انطقي ؟ -ميرنا بعياط: دي واحده معايا ف الكليه هي وشلتها -عهد بحده: واحنا كلنا مش ماليين عينك ؟ *شهد لقت عصبيه عهد كانت مبرره خصوصاً انها بتتعامل معاهم كلهم كأنها ام ليهم وخوفها علي ميرنا هو اللي خلاها بتتكلم كدا لحد ما قالت كلمه عمرهم ما توقعوها* -عهد بحده: هو انتي عشان اهلك رموكي وكل واحد فيهم عايش حياته هتمشي علي حل شعرك ي ميرنا ؟ مش هسمحلك فاهمه ؟ -ميرنا بصراخ: انتي ملكيش حق تتكلمي معايا كدا ي عهد فاهمه ملكيش حق انا كبيره وعارفه انا بعمل اي كويس ومش محتاجه منك تفهميني شكرا مستغنيه عن خدماتك -شهد بعصبيه: ميرنا متقوليش كلام تندمي عليه انتي مش ف وعيك ف بلاش تغلطي بالكلام -ميرنا: لا انا ف وعيي وعارفه انا بقول اي كويس *اتصدموا من اللي حصل بعد كلام ميرنا لقوا كف عهد الصغير طبع علي وش ميرنا وبتبصلها بعصبيه وبتداري في عيونها حنيتها وخوفها عليها* -ميرنا بعياط: بتض*بيني ي عهد ؟ -عهد: عشان تفوقي من اللي انتي فيه ازاي واحده بتصلي زيك وعارفه ربنا تعمل اللي بتعمله دا ؟ -خلود: الحل اي دلوقتي ؟ -عهد: الحل ي خلود انك هتاخديها عندك البيت لان مش عايزين نروح مصحه مفيش غير باباكي اللي معاكي ف البيت تقعد ف اوضه لوحدها وانا كل يوم هجيلها ولازم اخليكي ترجعي زي الاول ي ميرنا برضاكي او غصب عنك -ميرنا بعياط: عشان خاطري ي عهد متزعليش مني انتي بالذات مش عايزاكي تبعدي عني خليكوا معايا انا عايزه ابطل السم دا انا مبقتش بقدر اعمل حاجه -مليكه بحزن: احنا معاكي ي ميرنا لحد ما ترجعي كويسه -شهد: محدش فينا يقدر يسيبك او يبعد عنك انتي برنسيسه الشله ولازم ترجعي زي الاول -خلود: انا وبابا هنشيلك في عيونا والله ي ميرنا متخافيش -ميرنا بعياط: انا بحبكم اوي ومبسوطه اني طلعت بيكم بعد العمر دا كله عهد ؟ هتفضلي ساكته ؟ -عهد ببرود: معنديش حاجه اقولها خلود كلمي باباكي عرفيه وانتي ي شهد حضريلها شنطه هدومها واتأكدي ان مفيش فيها اكياس هيروين ولا حاجه مليكه اسنديها معايا ندخلها الحمام *خلود كلمت باباها وكانت متوقعه رده وانه مش هيعترض وفعلا جهزهوا شنطتها وراحوا بيها علي بيت خلود في الوقت دا مكنتش محتاجه حد غير امجد يبقي جمبها ويدعمها لكن كالعاده مش موجود* -عهد: انا اسفه ي عمو علي اللبخه دي بس هي فتره مؤقته لحد ما ترجع كويسه -احمد: ولا لبخه ولا حاجه ي بنتي انتوا كلكم زي خلود بالظبط وان شاء الله كل حاجه ترجع زي الاول واحسن -عهد: يارب خلود خلي بالك منها وهي معاد الجرعه هتلاقيها بتصرخ وممكن ت**ر اي حاجه اوعي تفتحيلها او تديها اللي هي عايزاه مهما حاولت تعمل اي حاجه وتدخلي ومعاكي عمو تمسكوها كويس لحد م تهدي وتنام -خلود بعياط: هي هتتعب اوي ي عهد -عهد: عارفه بس احسن م السم دا يفضل ف جسمها -مليكه: الصبح لما تصحي هتلاقيها بتجيب كل اللي ف بطنها دا طبيعي لانها مخدتش الجرعه ف وقتها ومعدتها هتبدا تتعود علي عدم وجوده -شهد: كلنا هنبقي معاكي ي خلود وجمبها متقلقيش -خلود: ربنا يخلينا لبعض -عهد بهدوء: عارفه انك تعبانه وان اللي حصل دا مش وقته بس صدقيني هي حاجه هتبعدك عن التفكير فيه لحد م نلاقي حل ماشي ؟ -خلود بإبتسامه: متقلقيش طول م انتي جمبي هفضل كويسه -رحله علاج ميرنا بدأت ي تري هيقدروا فعلا يرجعوها زي الاول ولا لا ؟ -اي حكايه عمر وهيعترف ل شهد بحبه ولا هيفضل ساكت ؟ -شهد هتقبل الحب دا ولا هتفضل شغلها ودراستها ؟ -عهد هتتصرف ازاي ؟ -اي حكايه امجد ؟ استنوا البارت الجديد؟

Free reading for new users

Scan code to download app

App Store Google Play

Facebookexpand_more