البارت الثالث
1472 Words
*مليكة شافت انهم ميقدروش يمشوا ويسيبوا ميرنا لوحدها خصوصاً انه هيكون اول يوم من غير جرعه ال*****ن رغم ان عهد اتعاملت طبيعي بعدها لكن ملامحها فيها حزن كبير كان الاول بسبب مامتها ودلوقتي مشكله ميرنا بدأت تشك انها زي الجبل مبيتهزش او هي بتدعي كدا فاقت من تفكيرها علي صوت ميرنا وهي بتصرخ*
-خلود بعياط: هي بتصرخ كدا لي ؟
-عهد: دا طبيعي لان مخدتش الجرعه ف وقتها بعد اذنك ي عمو لو سمحت تبعت حد يجيب المهدأ دا من الصيدليه
-احمد: حاضر ي بنتي
-مليكه: هنتصرف ازاي ؟
-عهد: انا وانتي وشهد نطلعلها دلوقتي وانتي ي خلود اول م العلاج يوصل هاتيه واطلعي
-خلود: حاضر
-شهد: يلا بينا قبل م تعمل ف نفسها حاجه
-خلود: خلوا بالكم
*عهد من اول ما عرفت الخبر وهي بتحاول تبين انها بارده لكن جواها نار فقلبها وزعلها علي صاحبه عمرها واللي هي وصلتله وكان بموافقتها اول ما دخلت عليها الاوضه كانت حالتها متعجبش العدو وهي اكتر حد بيحبها حست ان حد ض*بها ب سكينه لما جرت عليها وهي بتعيط*
*ميرنا جسمها كان بيتكهرب عدي نص ساعه علي معاد الجرعه ومخدتهاش دخول عهد كان بالنسبالها حبل نجاه قالت ان قلبها هيحن اول ما تشوفها جرت عليها زي الطفله اللي كانت تايهه وشافت امها*
-ميرنا بعياط: ابوس ايدك ي عهد ابوس ايدك لو معاكي حاجه اديهالي
-عهد ببرود: لا مش معايا ولو معايا مستحيل اد*كي حاجه
-ميرنا بصراخ: انتيييي بتعمليييييي فياااا كدااا لييييي انتي مش امي ي عهد فاهمه ؟
-عهد: انا اه مش امك ومجرد واحده صاحبتك عشان كدا انا بعمل فيكي اللي بعمله دا وعشان دا واجبي ك انسانه قبل م اكون دكتوره وقبل م اكون صاحبتك
-ميرنا: هتبدأ تديني ف محاضرات اهي بقا بقولك هاتي الكيس
-مليكه: لا مش هتاخدي حاجه ي ميرنا ولازم تفوقي من الزفت دا
-ميرنا بصراخ: ملكوش دعوه بيا سيبونيي ف حااليييي
-عهد: شهد مليكه امسكوها كويس
-خلود: الحقنه ي عهد
-ميرنا: حقنه اي دي ؟
-شهد: مينفعش تفضلي كدا لازم تبقي قويه ي ميرنا
-ميرنا بعياط: مش قادره ي شهد جسمي كله بيوجعني عشان خاطري المره دي بس
-عهد: محدش فينا هيتعاطف معاكي ابدا ي ميرنا ودلوقتي مش هتحسي ب حاجه
-مليكه: تعالي ي ميرنا ارتاحي علي السرير تعالي
-ميرنا بهدوء: انا تعبانه ي مليكه
-مليكه بحزن: هتبقي كويسه صدقيني
-عهد: خلينا نطلع خلود اقفلي الباب كويس ومتفتحيش ليها غير الصبح
-خلود: حاضر هتمشوا ؟
-شهد: رائد رن عليا كتير اكيد قلقان لازم امشي
-عهد: وانا عشان ماما ومليكه اكيد أهلها قلقانين عليها والصبح هنيجي
-احمد: ربنا يخليكم لبعض ي بنتي ويشفيها
-اللهم امين يارب
*حنان كانت بتعدي بالرحمة ل ابو عهد سابهم لا حول بيهم ولا قوه وبنته الكبيره اول فرحتهم متبهدله حبيبة أمها صعبان عليها حالها وحالهم ياما قالتله كتير اعمل حاجه للعيال مكنش بيسمع كلامها بقت تتمني يشوف اخرتها*
-علا: ماما هي عهد اتأخرت لي ؟
-حنان: زمانها ف الطريق ي حبيبتي روحي نامي انتي
-علا: مبعرفش انام غير وهي وخداني ف حضنها وبتقرألي قرأن
-حنان بإبتسامه: تعالي ي اوزعه اقعدي هنا لحد م هي تيجي محمد اخوكي نام ؟
-علا ببراءه: مات
-حنان بصدمه: بتقولي اي ؟
-علا: اه والله ي ماما اول م حط دماغه علي المخده كدا راح ف حته تانيه
-حنان بضحكه: حرام عليكي ي علا وقعتي قلبي م هو ي حبيبي ف الدروس طول اليوم ومذاكره ربنا يعينه
-علا: ماما ؟
-حنان: نعم ؟
-علا: هو بابا سابنا وراح فين ؟
-حنان بتنهيده: بابا راح ف مكان احسن من هنا ب كتير
-علا: يعني سافر ؟
-حنان بإبتسامه: سافر مكان جميل اوي بابا عند ربنا اللي ارحم واحن علينا من اي حد
-علا: يعني مش هنعرف نشوفه تاني ؟
-حنان: اكيد هييجي يوم ونشوفه ي حبيبتي
*هي دلوقتي متقبله الموضوع يا حبيبتي لكن لما هتكبر شويه هتعرف ان موت ابوها **ره ل ضهرها مات وهي لسه 4 سنين بقاله سنتين الله يرحمه عم محمود لقت عهد داخله باين عليها الحزن النهارده*
-عهد بهدوء: السلام عليكم
-حنان: وعليكم السلام ورحمه الله وبركاته مالك ي عهد ؟
-عهد: مفيش ي حبيبتي اليوم النهارده كان طويل خدتي علاجك ؟
-حنان: اه ي حبيبتي
-عهد بإبتسامه: اهلا اهلا ب حبيبه قلب عهد من جوا وحشتيني
-علا: وانتي كمان وحشتيني اوي اتأخرتي لي ؟
-عهد: حقك عليا هروح اغير هدومي واجيلك نقرأ القرآن عشان تنامي مش وراكي مدرسه الصبح ؟
-علا: اه
-عهد: طب يلا اسبقيني علي السرير
-علا: حاضر تصبحي علي خير ي امي
-حنان بإبتسامه: وانتي من اهل الخير ي حبيبه ماما
-عهد: يلا يلا اجري
-حنان: عهد ؟
-عهد: نعم ي ماما ؟
-حنان: انتي كويسه ي بنتي شكلك بيقول ف حاجه كبيره مزعلاكي ؟
-عهد: هنيمها واجيلك محتاجه ل حضنك اوي ي ست الكل
*رائد كان دي اول مره في حياته يشوف شهد بالحاله دي حجابها كان متبهدل وشكلها باين انها معيطه وحزينه منظرها حسسه بخوف عليها*
-رائد بخوف: شهد حبيبتي انتي كويسه ؟
-شهد بتعب: اه كويسه عايزه ارتاح بس شويه
-رائد: اي اللي حصل معاكي طيب ولي شكلك متبهدل كدا ؟
-شهد: مش قادره اتكلم دلوقتي ي رائد الصبح هحكيلك
-رائد: ماشي ي حبيبتي اللي يريحك مش هتتعشي ولا اتعشيتي مع صحابك ؟
-شهد: لا ي حبيبي مليش نفس يلا تصبح علي خير
-رائد بقله حيله: وانتي من اهله
*شهد كانت الاول مستغربه رد فعل رائد لما شافها بس لما شافت نفسها في المرايه صدقته حجابها كان بايظ وعينيها باين عليها العياط والقلق اللي شافته النهارده بسبب ميرنا فضلت تدعيلها ان ربنا يرحمها برحمته ويشفيها يارب وفي وسط تفكيرها في ميرنا مر قدامها عمر ابتسامته وهدوءه لحد دلوقتي مش قادره تجاوب علي اسئلتها انه لي بيتعامل معاها كدا الفتره دي لحد ما حست انه لا كفايه تفكير في عمر وهتقوم تنام وراها يوم طويل بكره*
*عمر كان بيفكر هو ازاي حبها كدا بس يعمل اي لو اي حد بيفهم ويعرف يحب اول ما يشوفها ويشوف ضحكتها قلبه ميبقاش ملكه هي بسيطه لدرجه ان حتي فرحتها بسيطه زيها مكنش عارف انه هيحب شهد كدا هو مش هيعمل حاجه غير انه يدعي ربنا انها تكون ليه وهو عارف انه مش هيخذله*
*خلود دخلت عليها الاوضه كانت نايمه زي الملاك بقت تبصلها يا تري اي اللي وصلها ل كدا معقول أهلها ؟ عهد عندها حق بعد اهلها عنها هو اللي خلاها توصل للحاله دي بس لي واحدة زي ميرنا تعمل في نفسها وفيهم كدا ؟ كان نفسها يكون معاها امجد كانت محتاجه لوجوده جمبها في وقت زي دا يهون عليها فضلت تدعي انها تقدر توصله تطمن عليه حتي وطلعت من عند ميرنا راحت علي سريرها ومحستش بنفسها لأن اليوم كان مرهق*
*عهد بعد ما علا نامت طلعت لحنان اول ما رمت نفسها في حضنها حست ان الحِمل اللي علي قلبها بدأ يروح رغم ان قلبها هي تعبان الا انه قادر يشيل من هموم الدنيا اكوام ومتشتكيش ابدا يالله قد اي كانت محتاجه ل حضنها جدا وان الدنيا بعيد عنها وعن حضنها وحشه فيها ظلم وفيها ناس متعرفش ربنا الا من رحم ربي سمعت صوتها الهادي*
-حنان بهدوء: احكيلي ي حبيبتي قلبك شايل هم الدنيا كله لي ؟
-عهد بحزن: بعد وفاه بابا اكتشفت ان الدنيا فيها قسوه مكنتش اعرف انها موجوده يمكن عشان هو كان حاميني اكتشفت ان الناس وحشه اوي ي امي بيقدروا بكل سهوله يأذوا اللي حواليهم وهما مبسوطين وكل دا عشان خاطر الفلوس هو ف حد كدا هو لي ربنا خلق بني ادمين بالوحاشه دي ؟
-حنان: ربنا خلق كل حاجه حلوه بس الناس هي اللي طبعها غالبها من ايام هابيل وقابيل الاخوات قتلوا بعض م بالك بالبشر اللي عايشين معانا دلوقتي وميعرفوش بعض اصلا بس اي اللي حصل عشان تقولي كدا ي عهد ؟
-عهد بحزن: ميرنا ي ماما لي بنت عندها 22 سنه لسه ف بدايه شبابها اهلها يبقوا بايعينها بالشكل دا قاعده ف شقه لوحدها محدش يعرف عنها حاجه غيرنا ومعرفش امتا وازاي اتلمت علي شله عندها ف الكليه فضلوا وراها لحد م بقت مدمنه
-حنان بصدمه: ي نهار اسود مدمنه ؟
-عهد: حسيت ان رجلي مش شيلاني وانا شايفاها ضعيفه وم**وره قدامي النهارده ي ماما مش قادره اعملها حاجه حسبي الله ونعم الوكيل ف اللي يأذي حد بالشكل دا ولي الأهل يرموا بنتهم كدا وكل واحد متجوز وعايش حياته هما ازاي كدا ؟ مش قد الخلفه ميخلفوش بس ميعملوش كدا ف بنتهم الوحيده حرام عليهم
-حنان بحزن: لا حول ولا قوه الا بالله اهدي ي حبيبتي واكيد ربنا هيقف معاكم لحد ما ترجعوها كويسه تاني الدنيا بقا حالها عجيب لكن م علينا الا الاستحمال ي بنتي وان نقول الحمد لله علي اي حاجه
-عهد بهدوء: الحمد لله يارب اللهم اني لا اسألك رد القضاء ولكن اسألك اللطف فيه يارب
-حنان: قومي ي حبيبتي اتوضي وصلي وادعيلها ربنا يشفيها ويعفي عنها
-عهد: حاضر تصبحي علي خير ي ست الكل
-حنان: وانتي من اهله ي حبيبتي ربنا يحميكي ويبعد عنك كل شر ي عهد ي بنت حنان يارب
-عهد: ربنا م يحرمني من دعواتك ابدا يارب
-اول مشكله المجتمع بيواجهها هي مشكله طلاق الاهل وتدمير الاطفال سواء صغيرين او كبار في النص بينهم بيؤدي لمشاكل كتير ومنها مشكله ميرنا اللي ملقتش طريق قدامها غير الادمان عشان تخرج من الواقع اللي عايشه فيه ي تري مين الغلط ؟
-عهد هتقدر تتحمل كل المشاكل دي ؟
-خلود هتوصل ل امجد ؟
-عمر هيفضل ساكت فتره طويله ولا هيعترف بمشاعره ؟
- Writer
- chap_listContents
- likeADD