البارت الرابع
1928 Words
*تاني يوم الصبح*
*زين بيشوف انسانه مجهوله ميعرفش هي مين حتي ملامحها في احلامه مش قادر يشوفها مش قادر يشوف غير حجابها اللي دايما بتظهر بيه ويسمع صوت ضحكتها بتخليه يصحي من النوم ض*بات قلبه زايده صحي زي كل يوم علي صوت اغلي انسانه في حياته*
-ملك: هتفضل نايم ل امتي ي استاذ زين يلا قوم انت ناسي ان عندك شغل ؟
-زين بملل: خمس دقايق كمان ي ملوكه والنبي
-ملك: خليك انت اتدلع كدا زي العيل الصغير وانت اللي يشوفك ميقولش انك 25 سنه اصلا
-زين بغرور: اخوكي زي القمر ي بنتي
-ملك: اه طبعا مفيش شك هتقوم ولا اخلي اميره تيجي تصحيك بنفسها ؟
-زين بضحكه: هي فين حبيبه خالو دي ؟
-اميره بسرعه: خاااالو حبيبي وحشتني
-زين: وانتي كمان وحشتيني اوي اوي ي اميره خالو
-اميره ببراءه: يلا ي ماما حضري الفطار عشان خالو
-زين بضحكه: ي قلبي انا بقولك اي ؟
-اميره: نعم ؟
-زين: تتجوزيني ؟
-ملك بضحكه: والله مجنون
-زين: قولتي اي ؟
-اميره ببراءه: موافقه بس هتفسحني كل يوم ؟
-زين بضحكه: دا انتي تطلبي عنيا الاتنين ميغلوش عليكي
-ملك: قومي ي اميره خلي خالو يصلي ويلبس يلا
-اميره: متتأخرش عليا
-زين بضحكه: حمامه
*مفيش حاجه قادره تهون عليه زي وجود ملك واميره في حياته صلي ولبس هدومه وطلع والتفكير في ملاكه المجهول مش قادر يبطله*
-حازم بمرح: سامع انك طلبت الجواز من بنتي هل الكلام دا صحيح ي ولد ؟
-زين بضحكه: أجل ي سيدي هل تقبل بي ؟
-اميره: اه اقبل بك
-حازم: ماشاء الله البنت واقعه اوي
-ملك: حد يشوف زين وميقعش برده
-زين: هي الحفله عليا النهارده من الصبح كدا ؟
-ملك: لا ي حبيبي كمل فطارك يلا
-حازم: ايوا كمل فطار عشان تبقي حلو جمب بنتي ف الكوشه
-زين بضحكه: متقلقش انا عايزها هي احلي يلا انا همشي عشان اتأخرت
-ملك: ماشي ي حبيبي تيجي بالسلامه
-اميره: باي ي خالو
-زين: باي ي عيون خالو
*مليكه بصعوبه لحد ما نتمت امبارح بعد شكل ميرنا قامت غيرت هدومها ونزلت لقت مامتها وباباها قاعدين علي السفره مستنيين الفطار*
-مليكه: صباح الخير
-ماجده: صباح النور ي حبيبتي
-ابراهيم: صباح النور
-ماجده: جيتي امتا امبارح مشوفتكيش ؟
-مليكه: رجعت متأخر شويه
-ابراهيم: انتي كويسه ي مليكه ؟
-مليكه: اه ي بابا متقلقش
-ماجده: طب افطري ي حبيبتي
-مليكه: معلش ي ماما مليش نفس لازم اقوم امشي
-ماجده: هتروحي فين بدري كدا ؟
-مليكه: لما ارجع هحكيلكم كل حاجه
-ابراهيم: متتأخريش ي مليكه هستناكي تحكيلي
-مليكه: حاضر
*خرجت من البيت وهي متوتره وخايفه لما تروح عند خلود وتشوف حاله ميرنا وحاله المكان اللي هي فيه هتكون عامله ازاي وبقت تتمني تكون مفاقتش من امبارح طلعت ب عربيتها واتصلت علي عهد*
*عهد صحت جسمها كله بيوجعها بسبب اللي حصل مع ميرنا امبارح وزعلها وعياطها طول الليل ومنامتش غير بعد صلاه الفجر غيرت هدومها وطلعت كان علا ومحمد راحوا المدرسه وحنان كانت قاعده بتاخد العلاج*
-عهد: صباح الخير ي ست الكل
-حنان: صباح النور ي حبيبتي عامله اي دلوقتي ؟
-عهد: الحمد لله خدتي علاجك كله ؟
-حنان: اه ي بنتي الحمد لله
-عهد: بالشفا ان شاء الله ف حاجه منه نقصاكي طيب ؟
-حنان: لا ي حبيبتي انتي خارجه ؟
-عهد: اه عندي مشوار كدا هروحه وارجع علي طول
-حنان: طب خلي بالك من نفسك
-عهد: حاضر ي حبيبتي
*قطع كلامهم تليفون عهد وكانت مليكه ردت عليها وهي بتبوس ايد حنان وخارجه من البيت*
-عهد: صباح الخير
-مليكه: صباح النور انتي فين ؟
-عهد: لسه خارجه من البيت هروح ل خلود
-مليكه: طب انا ف الطريق اهو وبعدها هاخدك ونروح ل بابا عشان تشوفي مكان شغلك وتعرفي كل حاجه
-عهد: النهارده ؟
-مليكه: اه دا هي نص ساعه مش هنتأخر يعني
-عهد: خلاص ماشي خلي بالك من نفسك
-مليكه: حاضر مع السلامه
*النهارده هتبقي اول خطوه في مشوار جديد من حياتها متعرفش الطريق دا وراه اي بس بتتمني يبقي ربنا كاتبلها فيه الخير*
*ميرنا فاقت حاسه ان فيه جبل علي جسمها كم الوجع اللي هي حاسه بيه مش قادره توصفه هي عدت يوم من غير ما تاخد هيروين ازاي ؟ دعت ربنا يساعدها تخرج من المشكله دي ويساعدهم ويقف جمبهم انهم يكونوا معاها قامت من علي السرير بصعوبه لحد ما وصلت للباب*
-ميرنا بتعب: خلوود ؟ ي خلود حد سامعني ؟
*لما محدش رد عليها رجعت علي السرير تاني ونامت من التعب واستنت حد ييجي*
*شهد كانت قاعدة مش عارفه يوم امبارح دا عدي ازاي وازاي ميرنا بقت بالشكل دا ؟ هي قاعده علي مكتبها الناس حواليها بيتكلموا وبيتحركوا وهي كل تفكيرها في ميرنا وازاي هتطلع من مشكلتها دي*
-عبير: سرحانه ف اي ي ام مكافأه ؟
-شهد بضحكه: والله م فيه حاجه هتوديني ورا الشمس غير عينك دي ي عبير
-عبير: اخص عليكي ي شهد
-شهد: بهزر معاكي بس انا منمتش كويسه وتعبانه
-عبير: طب وجيتي لي ؟
-شهد: النهارده لازم انهي الت**يم دا واسلمه للمهندس عمر ومينفعش فيه تأخير
-عبير: طب تحبي اساعدك ؟
-شهد: لا انا خلصت وهقوم اسلمه وامشي
-عبير: انتي كويسه طيب بلاش تقلقيني عليكي ؟
-شهد بإبتسامه: صاحبتك جامده متخافيش
-عبير: طب خلي بالك من نفسك وابقي طمنيني عليكي
-شهد: حاضر يلا سلام
*عمر من امبارح لدلوقتي شهد مغابتش عن باله لحظه عقله مش راضي يبطل تفكير فيها هو عارف انها هتروح مكتبه دلوقتي ومعاها ت**يم المشروع الجديد وكان متأكد أنها طلعته بأحسن صوره واحساسه فعلا مكدبش لما لقاها داخله وعلي وشها نفس الابتسامه لكن فيها حاجه غريبه بدأت تتكلم بهدوء*
-شهد بهدوء: صباح الخير ي بشمهندس
-عمر: صباح النور اتفضلي
-شهد: دا الت**يم النهائي اللي حضرتك طلبته اتفضل
-عمر بإنبهار: هايل ممتاز انا كنت واثق انك هتطلعيه كدا
-شهد: شكراً
-عمر بتساؤل: انتي كويسه ؟
-شهد بإستغراب: نعم ؟
-عمر: حاسك مش زي كل يوم ف حبيت اطمن عليكي
-شهد: انا كويسه شكراً علي سؤالك طب ف حاجه تانيه ؟
-عمر: لا
-شهد: طب هستأذن من حضرتك امشي دلوقتي
-عمر بإستغراب: دلوقتي ؟
-شهد: ف واحده صاحبتي تعبانه شويه ولازم اكون معاها
-عمر: اكيد طبعاً اتفضلي طب تحبي اوصلك ؟
-شهد: لا لا انا معايا عربيتي وهمشي شكراً ل حضرتك
-عمر: شهد ؟
-شهد: نعم ؟
-عمر: خلي بالك من نفسك ومتخليش ضحكتك تختفي تاني
-شهد بإرتباك: حاضر عن اذنك
*فضل يأنب نفسه انه مكنش ينفع يتكلم معاها كدا دلوقتي هي هتفكر في اي! ؟ورجع تاني يقول ما تفكر زي ما هي عايزه هو عايزها تعرف انه بيحبها حتي لو بطريقه غير مباشره ودعي ان ربنا يهون عليه*
*شهد شايفة من امبارح انه مش طبيعي بس بتحاول متشغلش بالها بتصرفاته وكل تركيزها وتفكيرها في حياتها وصحابها وبس ركبت عربيتها وراحت بيت خلود اللي هيكون مكان تجمعهم الفتره الجايه كتير*
*زين اول ما وصل الشركه كان مرتاح حاسس ان اليوم النهارده هيكون مختلف حد من الموظفين قا**ه*
-دكتور زين ؟
-زين: اهلا صباح الخير
-صباح النور دكتور ابراهيم عاوز حضرتك ف مكتبه
-زين: ماشي هروحله اتفضل
*اول مره دكتور ابراهيم يطلبه في مكتبه هو خاف شوية وكان حاسس ان اليوم هيكون مختلف بس مش للدرجه دي خبط علي الباب سمع صوته من جوا انه يدخل ودخل*
-زين: صباح الخير ي دكتور
-ابراهيم: صباح النور ي زين تعالي اتفضل
-زين: خير ي دكتور حضرتك عاوزني ف اي ؟
-ابراهيم: خير طبعاً النهارده هيجيلنا شخص محتاج تدريب هو لسه بيدرس لكن محتاج الشغل ف انت هتكون احسن حد هنا يكون معاه ويتابعه
-زين: اكيد طبعاً معنديش مانع بس مين الشخص دا ي دكتور ؟
-ابراهيم: متستعجلش كلها ساعه بالكثير وتشوفه جهز نفسك انت بس
-زين بضحكه: جاهز ي دكتور بس طريقه حضرتك بتقول انه فصيله ذئاب بشريه
-ابراهيم بضحكه: رأيك هيتغير لما تقا**ه
-زين: ي مسهل هستأذن اخلص شغلي لحد م ييجي
-ابراهيم: اتفضل
*خلود كانت مستغربه ان ميرنا لحد دلوقتي لسه مفاقتش دعت ان ميكونش حصلها حاجه كانت لسه هتطلع عندها لقت جرس الباب بيرن*
-خلود: اهلا بالعصابه
-عهد: ميرنا مصحتش ؟
-خلود: لا
-مليكه: لحد دلوقتي ازاي يعني ؟
-خلود: انا كنت لسه هطلع اشوفها دلوقتي
-عهد: طب خدي شهد معاكي حضرولها فطار وانا ومليكه هنشوفها
-خلود: حاضر
*مليكه هي وعهد كانوا طالعين بيقدموا خطوه ويرجعوا خطوه خايفين يكون حصلها حاجه لحد ما فتحوا الباب كانت نايمه علي السرير مش حاسه باللي حواليها جسمها ضعيف وعيونها تحتها اسود لقت عهد بتقرب منها وبهدوء*
-عهد بهدوء: ميرنا ؟ ميرنا سمعاني ؟
-ميرنا بتعب: عهد ؟
-عهد: ايوا عهد ي قلب عهد قومي
-ميرنا بعياط: سيبتيني وروحتي فين ي عهد ؟
-عهد بحزن: انا اسفه حقك عليا
-ميرنا بعياط: هو اي اللي حصل امبارح ولي كل حاجه م**وره كدا ؟
-مليكه بهدوء: محصلش حاجه ي حبيبتي انتي حاسه ب اي ؟
-ميرنا: حاسه ان جسمي متكهرب ي عهد جسمي كله بيوجعني وصداع صعب اوي وحاسه اني عايزه اجيب كل اللي ف بطني من وجع معدتي مليكه هو انا هموت ؟
-مليكه بسرعه: بعد الشر عليكي ي ميرنا متقوليش كدا تاني
-عهد بحزن: انتي هتبقي كويسه وترجعي احسن من الاول ودا وعد مني
*لقوا شهد وخلود داخلين وكعاده شهد بتحب تهزر اكتر الوقت*
-شهد بمرح: وعندك احلي فطار ل احلي ميرنا وصلحه
-خلود بضحكه: مشروع قهوجيه وبتضحك علينا انها مهندسه
-مليكه بضحكه: م هي مهندسه ف الحي الشعبي
-شهد: اتريقوا اتريقوا اتعلمتوا كدا ف بيوتكم ي محترمين ي بتوع المدارس سيبك منهم ي بنتي عملتلك فطار ايديا يستاهلوا معدتك الكبيره دي
-ميرنا بضحكه بسيطه: تسلم ايد*كي ي شهد
-عهد: بطلي لماضه شويه
-شهد: بنضحكوها ي ستي الاه
-ميرنا: انا بجد مش عارفه اشكركم ازاي ؟
-شهد: كُلي
-ميرنا: اي ؟
-شهد: انا هتشكريني لما تاكلي
-عهد: وانا لما تبقي كويسه
-مليكه: وانا لما ترجعي كُليتك تاني بعد م تبقي زي الفل
-خلود: اما انا بقا مش هخليكي تخرجي من هنا ابدا
-ميرنا بعياط: حقيقي ربنا يخليكم ليا انتوا عيلتي انا مليش اهل انا مليش حد غيركم
-عهد بحنان: واحنا هنفضل جمبك العمر كله بس نبطل عياط وناكل بقا عشان ورانا شغل
-شهد: شغل اي خير ؟
-عهد: هروح مشوار كدا مع مليكه بسرعه ونرجع تاني
-خلود: هتتأخروا ؟
-مليكه: لا متقلقيش وهي لسه بدري علي معاد الجرعه مش هنمشي غير لما هي تنام
-خلود: ماشي خلوا بالكم من نفسكم
*عهد اول ما وصلوا الشركه قلبها كان بيدق بسرعه كبيره اول مره تحصل مليكه لاحظت انها اتوترت مسكت ايديها ودخلوا وعند مكتب باباها*
-مليكه: لو سمحتي قولي للدكتور ابراهيم ان مليكه برا
-اتفضلي هو طلب ان اول ما توصلي ادخل حضرتك علي طول
-مليكه: شكراً
-ابراهيم: اهلا اهلا ب حبايب قلبي
-مليكه بإبتسامه: ازيك ي بابا ؟
-ابراهيم: الحمد لله ي حبيبتي
-عهد: ازيك ي عمو ؟
-ابراهيم: الحمد لله ي حبيبه عمو عامله اي ي عهد ؟
-عهد: الحمد لله بخير
-مليكه: بابا مين اللي هيتابع معاها عشان عايزين نمشي
-ابراهيم: طب تعالوا معايا
*زين كان حاسس ض*بات قلبه بدأت تزيد كأنها قريبه منه نفس الاحساس اللي بيحسه كل يوم لما بيحلم بيها وبيصحي من النوم بس معقول ؟ محسش بنفسه غير وهو شايفها قدامه بحجابها وابتسامه بسيطه وهي بتتكلم مع دكتور ابراهيم دي طلعت موجوده بجد فاق علي صوته*
-ابراهيم: دكتور زين ؟
-زين: اهلا ي دكتور اتفضل
-ابراهيم: خير سرحان ف اي ؟
-زين: ابدا ي دكتور
-ابراهيم: طيب ي سيدي احب اعرفك دكتوره عهد اللي هتبقي تحت اشرافك من اول الشهر الجاي
-زين: ي بختي
-عهد: نعم ؟
-زين: قصدي اهلا بيكي انا زين
-عهد: اهلا بيك عهد
-زين: عاشت الاسامي ممكن سؤال هو انا شوفتك قبل كدا ؟
-عهد بهدوء: لا معتقدش
-مليكه: طيب اي رأيك ف المكان ؟
-عهد بإبتسامه: حلو اوي بجد ي عمو مش عارفه اشكر حضرتك ازاي ؟
-ابراهيم: متقوليش كدا انتي زي مليكه بالظبط
-عهد: ربنا يخليك لينا يارب
-مليكه: طب نمشي بقا ؟
-عهد: يلا عن اذنك
-زين: لسه بدري
-عهد: افندم ؟
-زين: م تقعدوا اشربوا حاجه ؟
-مليكه بضحكه: لا شكرا ي دكتور زين عن اذنك
-عهد بضحكه: دا ماله دا ؟
-مليكه: مش عارفه
*فضل يقول لنفسه هي ايوا هي نفسها نفس الهدوء ونفس الجمال هي ملاكه اللي بيشوفها في احلامه علي طول معقول تكون فعلاً*
-ي تري ميرنا هيكون عندها اراده تتعافي ؟
-اي حكايه زين وهيعمل اي مع عهد ؟
-ي تري امجد هيظهر ولا لا ؟
-مشاعر عمر بتزيد قراره هيكون اي ؟
- Writer
