البارت الخامس

1835 Words

*ميرنا كانوا طول الوقت قاعدين معاها في الاوضه مفيش واحده فيهم فكرت تسيبها لحظه حتي عهد ومليكه رجعوا من مشوارهم بسرعه بقت قاعده تبص لكل واحده فيهم وبدأت تعيط وهي بتفتكر اهلها واختها الكبيره وفاقت علي صوت عهد* -عهد بخوف: مالك ي ميرنا بتعيطي كدا لي ؟ -خلود: ميرنا قوليلنا حاسه ب اي ؟ -ميرنا بعياط: حاسه بقهر قلبي م**ور من اللي بيحصلي -مليكه: لي بتقولي كدا احنا جمبك وهنفضل معاكي لحد م تعدي من المحنه دي -ميرنا بعياط: المشكله مش فيكم المشكله ان ليا اهل ميعرفوش انا عايشه ولا ميته كويسه ولا لا ميعرفوش عني حاجه حتي اختي اللي المفروض كانت تبقي حنينه عليا وتبقي جمبي مش بتسأل عليا غير ف المناسبات هي دي عيشه ترضي حد ؟ انا كل اللي حصل واللي وصلني ل هنا بسببهم -شهد: بلاش ترمي اللوم كله عليهم ي ميرنا انتي واحده مؤمنه بالله مهما كان اللي حصل معاكي أنا عارفه انه صعب لكن مكنش ينفع ايمانك يضعف وتيأسي لدرجه انك تتعاطي م**رات -مليكه بهدوء: شهد معاها حق ي ميرنا وبعدين احنا كنا معاكي طنط حنان مفيش اطيب منها ومن قلبها وبتعتبرنا كلنا زي عهد وعلا بالظبط وكمان ماما موجوده وبتعزكم زيي واكتر بابا موجود وعمو احمد كمان موجود وكلهم بيحبوكي ولو علي اختك م احنا اربعه معاكي اهو ونسد عين الشمس ولا مش عاجبينك م تقولي حاجه ي عهد ؟ -عهد بهدوء: سيبونا لوحدنا -مليكه: بس -عهد: بعد اذنك ي مليكه عايزه اتكلم معاها لوحدنا -مليكه: حاضر قوموا يلا *لقت البنات سابوهم وخرجوا ونظرات عهد مش باين فيها غير حنيه وخوف مش اول مره تشوفهم لكن اكتر مره كانت محتاجه تشوفهم لقت نفسها تلقائي في حضنها وبتعيط* -ميرنا بعياط: انا تعبت اوي ي عهد عارفه ان اللي عملته غلط وحرام لكن انا برده اتظلمت وعشان انسي اللي حصل مكنش قدامي حل غير كدا محدش فيهم فكر فيا ولا فكروا ييجوا يشوفوني مره وكله كان علي يدك من خمس سنين منعرفش عن بعض غير ان احنا عايشين قوليلي اعمل اي ي عهد اعمل اي ؟ -عهد بحزن: انا عارفه ان مش سهل عليكي تعيشي من غير اهلك كأنك يتيمه وهما عايشين لكن ربنا سبحانه وتعالى قال بسم الله الرحمن الرحيم"وعسي ان تكرهوا شيئاً وهو خيرٌ لكم وعسي ان تحبوا شيئاً وهو شرٌ لكم والله يعلم وانتم لا تعلمون" صدق الله العظيم يعني ممكن لو كنتي قاعده مع اهلك او حد فيهم كان عايش معاكي يمكن كنتي اتعذبتي معاهم ممكن ض*ب وكل شويه خناق ومشاكل انتي ف غني عنها وف الاول والاخر انتي مكنتيش هتفضلي عايشه معاهم عمرك كله كان مسيرك هتتجوزي صح ؟ وانتي غلطانه انك تروحي للق*ف دا برجلك ازاي كنتي بتصلي وف نفس الوقت بتعملي كدا ؟ انا عارف ان ربنا معانا ف كل وقت وانك تعصيه وتصلي وهو يقبل توبتك لكن انتي كنتي بتأذي نفسك بالسم دا ارجعي لربنا تاني ي ميرنا هو اكيد حطك ف كل دا عشان ترجعيله قوليله يارب انا محتاجالك خليك جمبي وهو عمره م هيخذلك ابدا دا ربنا اسمه الرحمن الرحيم -ميرنا بعياط وهدوء: يااارب عارفه ي عهد كالعاده دايما كلامك بيريحني بحس انك قادره تشيلي جبل من عليا بكلامك -عهد بهدوء: دا واجبي لانك صاحبتي واختي اتفقنا نبدأ من جديد صح ؟ -ميرنا: صح -عهد: اول م تفوقي نركز عشان امتحاناتك ومشاريعك ونرجع نظبط كل حاجه تاني -ميرنا بإبتسامه: حاضر ربنا يخليكي ليا -عهد: ويخليكي ليا اسيبك ترتاحي وانزل اشوف العصابه اللي تحت دي *زين من ساعت ما شافها وهو مبسوط حاسس انه خلاص لقي البنت اللي بيحبها حتي قبل ما يشوفها خلص شغل وروح البيت مبقاش عايز يشوف وش حد بعدها عايز صورتها تفضل قدامه لحد ما يشوفها تاني بس هو يعني معقول هيستحمل 15 يوم لسه علي ما يشوفها لقي ملك بتوقفه* -ملك: داخل كنيسه م تقول سلام عليكم ولا اي حاجه ؟ -زين بإبتسامه: السلام عليكم ورحمه الله وبركاته ي ستي -ملك بإستغراب: وعليكم السلام ورحمه الله بس خير كدا ف اي ؟ -زين بفرحه: لقيتها ي ملك أخيرا لقيتها -ملك: هي مين دي ي حبيب قلب ملك ! -زين: البنت اللي بشوفها ف احلامي علي طول -ملك: زين ي حبيبي انت سُخن ؟ ف حاجه بتوجعك اجبلك مُسكن ؟ -زين: مُسكن اي انتي كمان بقولك اخيرا لقيتها وتقوليلي حاجه بتوجعني -ملك: م انت بتقول كلام غريب -زين: اقعدي وانا هقولك بس قوليلي فين اميره وحازم ؟ -ملك: نزلوا مشوار -زين: بصي ي ستي بقالي فتره بشوف بنت ف احلامي جميله اوي ي ملك اوي ابتسامه هاديه وزي القمر ولابسه حجاب كنت بصحي من النوم ض*بات قلبي سريعه من الفرحه او من الحب مش عارف النهارده في الشغل لقيت نفس الطله ونفس الابتسامه وطريقه الحجاب كل حاجه ي ملك داخله عليا كدا وهاديه بشكل يريح القلب والعين كمان وانتي بتشوفيها كدا تحسي انك بتعملي تنضيف لعيونك من اي حاجه شوفتيها قبلها من ساعت م شوفتها وانا بحاول مشوفش حد تاني بعدها -ملك بضحكه: اي دا كله اي دا كله زين انت كويس ي حبيبي انا اول مره اسمعك بتتكلم كدا عن بنت ؟ -زين بضحكه: ودا ملفتش نظرك ل حاجه ؟ -ملك بغباء: لا حاجه اي ؟ -زين: ان مفيش بنت قدرت تعمل فيا زي م هي عملت -ملك: واسمها اي ست الحُسن والجمال ؟ -زين بإبتسامه جانبيه: عهد -ملك: اسمها حلو اكيد هي جميله زي اسمها كدا -زين: بقولك قمر ملاك نازل من السما بقولك اي ؟ -ملك: استر يارب -زين: عايز اتجوزها -ملك بصدمه: انت اتجننت ي زين ؟ -زين: اه عشان كدا عايز اتجوزها -ملك: لا انت مش طبيعي كدا انت لا تعرفها ولا تعرف عنها حاجه واول مره تشوفها كانت النهارده اهدي كدا واعقل الكلام اللي بتقوله -زين بإصرار: بس انا عايزها وهعرف عنها كل حاجه وانا ميهمنيش غيرها وهتجوزها ي ملك -ملك: زين ي حبيبي انا عمري م اكرهلك الخير انا اختك واكيد عايزه اشوفك مبسوط بس مش بالطريقه دي ع الاقل استني لما تتعامل معاها وتشوف طبعها اي اعرفها كويس وبعدين اتقدملها -زين: ماشي ي ملك انا هقوم ارتاح شويه -ملك: زين ؟ -زين: نعم ؟ -ملك بهدوء: متزعلش مني ي حبيبي وصدقني اول م تتأكد من مشاعرك انا بنفسي هقولك يلا نروح نتقدملها -زين: ان شاء الله ي حبيبتي اللي فيه الخير يقدمه ربنا *عمر بعد ما شافها كدا النهارده اتأكد انه قادر يحبها في كل حالاتها وهي مبسوطه وكمان وهي زعلانه مش قادر يعمل حاجه غير انه بيفكر فيها مقدرش يمنع نفسه من الخطوه الجايه وهي انه يعترفلها بمشاعره مسك تليفونه ورن عليها وبعدين شويه ردت وكان صوتها بنفس الهدوء* -شهد بهدوء: السلام عليكم خير ي بشمهندس ؟ -عمر: وعليكم السلام ورحمه الله لا ابدا حبيت بس اطمن عليكي لان شكلك الصبح كنتي تعبانه او فيه حاجه مضيقاكي -شهد بإرتباك: شكراً ي بشمهندس انا كويسه -عمر: بقولك اي كفايه كل شويه بشمهندس بشمهندس انا ليا اسم علي فكره -شهد: بس الالقاب مهمه انا بشتغل عند حضرتك -عمر: ي ستي انا عايزك تقوليلي عمر بس وهبقي مبسوط والله -شهد بتساؤل: هو ممكن افهم ف اي ؟ -عمر: حابب اتكلم معاكي ف موضوع مهم -شهد: طب اتفضل سمعاك -عمر: مش هينفع علي التليفون ينفع اشوفك ؟ -شهد: طب انا حالياً مع صحابي قدامي نص ساعه -عمر بسرعه: تمام بعد نص ساعه هشوف ف كافيه ** اللي علي البحر -شهد بإستغراب: تمام باي *كان متوتر شويه بس حاسس انها هتتقبل حبه ليها ودعي ان ربنا يكون معاه هي لو موافقتش عليه هيخ*فها ومحدش هيعرف يوصلها* *شهد بقت قاعدة تفكر يا تري هو عمر بيعمل كل دا لي اي اللي في دماغه خايفه يكون تفكيرها صح ساعتها هي مش عارفه ردها هيكون اي عمرها ما شافته غير مديرها في الشغل وبس مفيش حاجه طلعتها من تفكيرها في عمر غير صريخ ميرنا اللي كان مالي المكان كله طلعت هي وعهد ليها بسرعه* -ميرنا بصراخ: اطلعوا برا يلااا -عهد: اهدي -ميرنا بصوت عالي: اناا قولتت اطلعوااا برااااا -شهد: ميرنا احنا هنا عشان نساعدك -ميرنا: مش عايزه مساعده حد فيكم شكراً اطلعوا برا احسن م أأذي حد فيكم -عهد بحده: ولو مطلعناش وريني هتعملي اي ؟ -ميرنا: بلاش تتحديني ي عهد واطلعي ؟ -عهد: معلش انتي عارفاني بحب التحدي -ميرنا بتعب: معاكي الكيس ؟ -عهد: كيس اي ؟ -ميرنا بعصبيه: انتي عارفه قصدي ي عهد -عهد: ااه قصدك ال*****ن ؟ -ميرنا بنفاذ صبر: اه -عهد ببرود: لا مش معايا -ميرنا بصراخ: اااه -شهد: هنعمل اي ؟ -عهد: هي هتهدي لوحدها دلوقتي -شهد: مش قادره اشوفها كدا واسكت -ميرنا بتعب: عهد احضنيني جامد حاسه اني ه**ر الاوضه كلها دلوقتي -عهد بهدوء: انا معاكي كل حاجه هتكون احسن -شهد: هبعتلك مليكه -عهد: ماشي هشش اهدي خالص حاولي تغمضي عينك وتنامي -ميرنا بعياط: تعباانه ي عهد تعبااانه -عهد: هتبقي كويسه دلوقتي *نزلت ل مليكه* -شهد: مليكه عهد عايزاكي فوق انا مضطره امشي -خلود: رايحه فين ؟ -شهد: مشوار كدا هخلصه واروح البيت -مليكه: طب خلي بالك من نفسك -شهد: حاضر يلا باي *راحت الكافيه اللي عمر قالها عليه ولقته مستنيها وشكله مستني من وقت ما قفل معاها دخلت قعدت* -عمر بإبتسامه: مبسوط انك جيتي -شهد: مكنش ينفع مجيش بس ممكن تقولي ف اي ؟ -عمر: هقولك بس الاول تحبي تشربي حاجه ؟ -شهد: لا شكراً -عمر: مينفعش تقعدي ومتشربيش حاجه -شهد بإرتباك: ممكن عصير -عمر بمرح: طب الفراوله بتشرب مانجا ولا اي بالظبط ؟ -شهد بإبتسامه: نعم ؟ -عمر: عاوزه عصير اي ؟ -شهد: فراوله بس ممكن الاول تقولي اي الموضوع المهم ؟ -عمر: م**مه يعني ؟ -شهد: اه -عمر بهدوء: انا بحبك ي شهد من اول يوم دخلتي فيه مكتبي وانا بحبك يعني بقالك سنتين محتله عقلي وقلبي مش قادر افكر ف حاجه غيرك ولا اعمل اي حاجه غير اني عايز اشوفك قدامي علي طول وفاكر يوم الانترفيو لما قولتي انك مش مهتمه بحاجه غير شغلك ودراستك بس لكن حاولي ع الاقل تفتحي قلبك ليا انا عايزك وشاريكي ومستعد اثبتلك دا بالطريقه اللي انتي عايزاها -شهد بإرتباك: انا عايزه امشي -عمر بإستغراب: طب انتي حتي مردتيش عليا ي شهد -شهد بحده: لو سمحت ي عمر عايزه امشي عن اذنك -عمر: طب شهد اسمعيني -شهد: دلوقتي مش هينفع الوقت اتأخر *عمر بعد ما اعترفلها حس ملامحها اتغيرت هي اول ما قعدت كانت متوتره وبعدها حسها زي ما تكون كانت متوقعه اللي هيقوله فجأه لقاها مش موجوده قدامه اتضايق من رد فعلها لكن هيفضل م**م علي رأيه ومش هيسيبها غير وهي موافقه عليه وتكون في بيته وحلاله* *امجد من وقت ما بعد عن خلود واتجوز داليا وهو حاسس انه عمل اكبر غلطه في حياته وحشته ووحشه ضحكها وهزارها وحبها داليا مش قادره تعوضه عنها بالع** دي بتكرهه فيها* -داليا ببرود: هو انت هتفضل قاعد كدا ؟ -امجد: عايزاني اعمل اي يعني ؟ -داليا: قوم شوفلك اي حاجه اعملها بدل م انت لا شغله ولا مشغله كدا -امجد بعصبيه: داليا احترمي نفسك وانتي بتكلميني انا مش عايز اتمادي معاكي وامد ايدي عليكي -داليا بصوت عالي: والله ي استاذ امجد م هي دي اللي ناقصه كمان انك تمد ايدك عليا -امجد بعصبية: دا انتي العيشه معاكي بقت تق*ف ي شيخه انا سايبلك البيت كله وماشي -داليا: علي فين لا تكون رايح ل حبيبه القلب -امجد: اكبر غلطه عملتها ف حياتي اني مش معاها دلوقتي ومعاكي ياريتها تسامحني -داليا: لاحظ انك كدا بتغلط ي امجد -امجد: وياريت عندك دم وتطلبي الطلاق ع الاقل ارجع ل خلود وانا ضميري مرتاح -داليا: دا بعينك -امجد: هنشوف ي داليا *الليله مرت وزين وعهد مبطلوش تفكير في بعض وعهد تفكيرها زايد في ميرنا واهلها،عمر واللي حصل معاه في الكافيه،شهد بتفكر هترد ب اي وهتعمل اي مع عمر،امجد طلع متجوز لكن تفكيره كله مع خلود* -ي تري اي اللي هيحصل مع ابطالنا ومسار الروايه هيروح ل فين ؟

Free reading for new users

Scan code to download app

App Store Google Play

Facebookexpand_more