حكايه بنات

البارت السادس

*بعد مرور اسبوعين علي ابطالنا ميرنا اتعافت بشكل ملحوظ وبقت احسن،زين اكتر تفكيره كان في عهد وبدأ يجهز نفسه لاستقبالها في الشغل وانها هتكون قدامه اكتر الوقت،شهد مراحتش الشركه من اخر مره كانت فيها مع عمر،عمر حاول يوصلها كتير لكن مش قادر ومفيش قدامه حل غير انه يستني انها ترجع تاني،امجد بيتعامل ببرود مع داليا وفي محاوله انه يزهقها عشان تطلب الطلاق خلينا نشوف الاحداث هتمشي ازاي*

*امجد طول الاسبوعين اللي فاتوا مكنش بيفكر في حد غير خلود لكن مش قادر يكلمها هيقولها اي لو كلمها ؟ وكمان مينفعش يكلمها وهو لسه في واحده علي ذمته دخل البيت لقاها قاعده قدام التليفزيون دخل ساكت حتي مبصش عليها*

-داليا بحده: ف حاجه اسمها سلام عليكم وانت داخل او حتي قول ازيك ي كلبه ي اللي قاعده

-امجد ببرود: مش عايز نكد ع المسا

-داليا: كلمني زي م بكلمك ي امجد

-امجد: نعم عايزه اي ؟

-داليا: انت لي بتتعامل معايا بالبرود دا بقالك اسبوعين انا عملتلك اي ؟

-امجد: ولا حاجه

-داليا بعصبيه: اومال اي الطريقه دي ؟

-امجد بتحذير: صوتك ميعلاش تاني وتحترمي نفسك وانتي بتكلميني فاهمه ؟

-داليا بعتاب: لي ؟ بقيت كدا امتا ؟

-امجد: من وقت م عاشرتك ونسيت قلبي من وقت م مشيت وراكي ودوست علي مشاعري وياريتك قدرتي دا لا انتي كنتي بتعملي الع** وانا اسكت واقول معلش تعالي علي نفسك دلوقتي تتغير وتحس باللي انت بتعمله لكن مفيش وانا خلاص معتش عندي طاقه وزهقت من العلاقه دي

-داليا بتساؤل: قصدك اي ؟

-امجد: افهمي زي م تفهمي

-داليا: يعني اي ي امجد ؟ زهقت مني ؟ مبقتش بتحبني ؟ اومال اتجوزتني لي ؟

-امجد بصوت عالي وعصبيه: عشان كنت غ*ي وبسبب ضغطك عليا وجيتي ف ظروف كنت محتاجه فيها كل قرش عشان ارجع اقف علي رجلي تاني دوستي ع الحته دي عندي خلتيني سيبتها وبعدت عنها فهمتيني انك بتحبيني قولت خلاص هحاول اتخطاها واكمل معاكي خليتيني اكره نفسي لما فكرت ف كدا انتي انانيه ي داليا ومش بتحبي غير نفسك وكنتي عايزه تثبتي للكل انك تقدري تخليني ملكك وقدرتي تعملي دا برافو عليكي لكن دمرتي نفسك ودمرتيني ودمرتي خلود انتي عشان تحققي اللي انتي عايزاه دمرتي ناس كتير

-داليا بصدمه: يااه انت شايل كل دا ف قلبك وساكت من زمان بس خلي بالك ي امجد انا اللي بنيتك وقادره ف لحظه اهدك تاني وارجعك تشحت ف الشوارع زي كلاب السكك انت فاهم ؟ وطلاق مش هطلب طلاق عشان مش داليا الطبجي اللي تسيبها وتروح للي اسمها خلود دي هي مش احسن مني ي امجد

-امجد بتهديد: لو جبتي سيرتها علي ل**نك تاني صدقيني هتشوفي وش مش هيعجبك ابدا

-داليا: ماشي ي امجد بس افتكر اني مش هعديهالك

*عهد النهارده هيكون اول يوم ليها في الشغل وهترجع تشوف زين تاني،زين ؟ هي عهد لي بقت تفتكره كتير الايام دي ؟ يارب سامحها هي مش قصدها يارب سامحها علي كدا طلعت سلمت علي حنان وعلا ومحمد كانوا قاعدين*

-عهد بإبتسامه: صباح الخير

-حنان: صباح النور ي حبيبتي

-عهد: ازيكم ي ابطال عاملين اي ؟

-علا ببراءه: انا الحمد لله بخير قولتها صح زي م علمتيني ؟

-عهد بضحكه: صح ي روح قلبي اخبار البطل وحبيبي الاول اي ؟

-محمد بإبتسامه: الحمد لله ي حبيبتي بخير

-عهد: دراستك ماشيه كويس ؟ عايزين كليه حلوه زيك كدا

-محمد: ان شاء الله

-حنان: رايحه الشغل ؟

-عهد: اه ي حبيبتي ادعيلي

-حنان: ربنا معاكي ي بنتي ويحميكي

-عهد: عاوزين حاجه ؟

-سلامتك

*زين فرحان اخيرا النهارده بدايه الشهر متحمس اوي انه يشوفها مبسوط وض*بات قلبه سريعه زي اول مره شافها يارب اجعل فيها الخير واجعلها من نصيبه دي كانت دعوته طلع وهو الابتسامه مفارقتش وشه وملك طبعا عارفه السبب وحبت تضايقه*

-ملك: صاحي بدري ولابس ومتشيك والابتسامه علي وشك هتتحسد

-زين بإبتسامه: بصي مش هرد عليكي عشان مزاجي يفضل حلو ابعد مراتك عني ي عم حازم م تشوفي ماما ي اميره

-اميره ببراءه: متزعليش خالو حبيبي ي ماما

-زين بضحكه: يسلملي الحلو دا

-حازم: خير يارب اي اللي بينكم ؟

-زين: انا عن نفسي براءه وعندي شغل ولازم امشي

-ملك بضحكه: ابقي سلملي ع الشغل ي زين

-زين بضحكه: دا بتاعي لوحدي

-حازم: هو شغل ولا شغله ؟

-زين بضحكه: برافو عليك جدع

-اميره: هاتلي شوكولاته وانت جاي ي خالو

-زين: المصنع كله يكون عندك بس كدا

-ملك بسرعه: مصنع اي ي زين انت نسيت أن البنت مريضه سكر ولا اي ؟

-زين: حبيبتي شوكلاته واحده مش هتأثر وبعدين علاجها موجود متخافيش

-ملك: ماشي ي حبيبي تيجي بالسلامه

-حازم: حبيبه بابا نفسها ف شوكولاته ؟

-اميره: ايوا

-حازم: عنيا الاتنين

-ملك: انا خايفه عليها ي حازم مستوي السكر عندها بيعلي

-حازم: متقلقيش ي حبيبتي بنتي قويه زي امها وهتبقي كويسه

*ميرنا صحت النهارده حاسه انها انسانه تانيه الفتره اللي فاتت وضعها اتحسن كتير شكلها رجع زي ما كانت وبقت بتاكل كويس حتي جسمها اتظبط صلت ولبست هدومها ونزلت كانت خلود ووالدها احمد قاعدين*

-خلود بفرحه: دا اي الصباح اللي زي القمر دا ؟

-ميرنا بإبتسامه: صباح الورد

-احمد: الحمد لله انك بقيتي احسن ي بنتي شكلك الله اكبر عليكي

-ميرنا بهدوء: والله ي عمو كل دا بفضل ربنا ووقفتكم جمبي حقيقي مش عارفه اشكركم ازاي

-احمد: متقوليش كدا ي بنتي انتي زي خلود بالظبط

-خلود: انتي اختي وصاحبتي ي هبله انتي ولو موقفناش جمبك مين اللي هيعمل كدا يعني البواب ؟

-ميرنا بضحكه: عهد والبنات هيفرحوا اوي لما يشوفوني كدا

-خلود: والله فعلا انا الفرحه مش سيعاني بجد الحمد لله

-ميرنا: طب عايزه اتكلم معاكي عن اذنك طبعا ي عمو

-احمد: اتفضلوا ي بنتي

-خلود: تعالي

*في اوضه ميرنا*

-خلود: ها ي ستي احكيلي

-ميرنا: انا عايزاكي انتي اللي تحكيلي

-خلود: احكيلك اي ؟

-ميرنا: عن امجد

-خلود بحزن: بلاش نتكلم ف الموضوع دا لان معنديش حاجة اقولها

-ميرنا بهدوء: عايزه افهم ازاي ؟ انتوا علاقتكم مكنش فيه زيها

-خلود بعياط: صدقيني ي ميرنا معرفش هو فجأه اختفي ومعرفش عنه حاجه من وقتها مش عارفه اعمل اي ؟ معرفش حتي انا عملت اي عشان يسيبني بالطريقه دي

-ميرنا بحزن: اهدي ي خلود اهدي ي حبيبتي واكيد هنوصل ل حاجه

-خلود بعياط: نفسي هو وحشني وقلقانه عليه

-ميرنا: لما عهد تيجي هنتكلم ف الموضوع دا ونشوف حل

*في بيت شهد*

-رائد: شهد ؟

-شهد: نعم ؟

-رائد: مش بتروحي الشغل بقالك فتره لي ؟

-شهد بإرتباك: م م انت عارف ان كان عندي امتحانات

-رائد: اكيد يعني مش عشان حاجه تانيه ؟

-شهد: لا دا انا حتي هقوم البس وامشي دلوقتي

-رائد: ماشي ي حبيبتي انتي كويسه يعني ؟

-شهد بإبتسامه: ايوا متقلقش

*بعد ما خرج حست انها عايزه تعيط هي مراحتش الشغل بقالها اسبوعين ومش عارفه دلوقتي هتروح ازاي ورد فعله هيكون اي لبست ونزلت وراحت المكتب*

*زين انبهر بكل الجمال اللي دخل عليه فجأه دا ازاي فيه شخص في العالم قادر يكون بالجمال دا قربت منه بهدوء*

-عهد بهدوء: السلام عليكم

-زين بإبتسامه: وعليكم السلام ورحمه الله وبركاته اي النور دا ؟

-عهد: شكراً نبدأ شغل ؟

-زين بضحكه: شكلك متحمسه اوي

-عهد بإبتسامه: بصراحه اه جدا

-زين: طب انا ف عندي حاجه عايز اقولها ممكن ؟

-عهد: اتفضل

-زين بهدوء: هو اعتراف انتي فيكي سحر مش طبيعي من قبل م اشوفك واعرفك وانا مش ببطل تفكير فيكي

-عهد بإرتباك: نركز ف الشغل احسن ؟

-زين: انا اسف لو كلامي ضايقك بس انا اللي ف قلبي علي ل**ني

-عهد: لا لا خالص انا عمتا بحب الصراحه والشخص الصريح

-زين بإبتسامه: بدايه حلوه اتفضلي

*عمر اول ما عرف انها وصلت المكتب طلبها وهو لحد دلوقتي مش فاهم رد فعلها ومحتاج يعرف ويفهم هي لي عملت كدا دخلت عليه بهدوء*

-شهد بهدوء: حضرتك طلبتني ؟

-عمر: اقعدي

-شهد: انا مرتاحه كدا

-عمر بنفاذ صبر: اقعدي ي شهد خلينا نتكلم

-شهد بحده: احنا مفيش حاجه نتكلم فيها ي عمر مفيش

-عمر بعصبيه: لا فيه ان انا بحبك وانتي معملتيش اي اعتبار لمشاعري دي وخدتي بعضك ومشيتي وبقالك اسبوعين مش بتيجي حتي تليفونك كان مقفول كل دا لي وعشان اي ؟

-شهد: عشان انا معنديش استعداد ل اي علاقه من دي خالص كل تفكيري ف دراستي وشغلي واصحابي وبس

-عمر بعتاب: ومفكرتيش تحطيني من ضمن تفكيرك واولوياتك مره واحده بس ي شهد تجربي ؟

-شهد بعياط: مش هقدر عمر انت شخص كويس ومحترم وناجح والف بنت تتمناك بس مش انا بلاش تظلم نفسك معايا

-عمر بنبره قويه: بس انا لو قدامي عدل الدنيا كله مع اي بنت غيرك هختار اتظلم معاكي ي شهد وانتهي النقاش لحد كدا تقدري تروحي مكتبك

-شهد: بس

-عمر بحده: انا قولت علي مكتبك ي شهد اتفضلي

-مسار جديد واحداث جديده بشخصيات جديده الفصول الجايه ?