البارت السابع
1519 Words
*في شركه الادويه*
-زين بإبتسامه: ماشاء الله عليكي شكلك شاطره ف الكليه وحابه الشغل علي م اعتقد هيبقي ليا منافسين
-عهد بإبتسامه هاديه: العفو طبعا ي دكتور ازاي كل الحكايه ان انا بحب الكليه وبحب شغلي واي حاجه بعملها وشايفه ان لازم ادي كل حاجه حقها وبالمناسبه انا اه شاطره ف دراستي الاولي علي دفعتي اربع سنين
-زين بفخر ومرح: بسم الله ماشاء الله ربنا يحميكي ي بنتي خمسه عليكي خمسه
-عهد بضحكه: مش للدرجادي
-زين: لا لا شكلي هقول ل اختي تشتري بخور واجيبه معايا وانا جاي ابخرك بيه عشان متتحسديش
-عهد بضحكه: اللي تشوفه ربنا يخليكم لبعض
-زين بإبتسامه: تسلمي انا بتكلم كتير وشكلي صدعتك صح ؟
-عهد بمرح: بصراحه اه اوي
-زين: اي ؟
-عهد بضحكه: بهزر طبعا بس احنا ورانا شغل وانا لازم اخلص بدري عشان ورايا حاجات تانيه
-زين: هعديهالك دي عشان خاطر الضحكه بس لكن المره الجايه هعديها برده عادي اتفضلي
-عهد بضحكه: والله مش طبيعي
*خلود كانت قاعده مع ميرنا وبيتكلموا فجأه لقت رقم غريب بيرن اترددت شويه وبعدين فتحت وكانت صدمه بالنسبالها*
-خلود: الو ؟
-وحشتيني ي خلود
-خلود بصدمه: امجد ؟
-امجد: وحشتيني
-خلود بعياط: امجد انت فين ؟ مختفي فين الفتره دي كلها انت عارف انا كنت قلقانه عليك ازاي ؟ لي عملت فيا كدا ي امجد لي ؟
-امجد: ممكن تهدي وتبطلي عياط انا كويس ومفيش فيا اي حاجه انا بس حبيت اسمع صوتك واطمن عليكي وفتره وكل حاجه هترجع زي م كانت
-خلود بسرعه: انت فين انا عايزه اشوفك انت وحشتني اوي ي امجد
-امجد بتوتر: اول ما ارجع من السفر هنقعد ونتكلم ف كل حاجه خلي بالك بس من نفسك لحد م اشوفك
-خلود: حاضر وانت كمان
-امجد: مع السلامه *وقفل*
-ميرنا: ارتاحتي ؟
-خلود: لا مش اوي حاسه ان ف حاجه كبيره هو مخبيها
-ميرنا: حاجه اي ؟
-خلود: مش عارفه لما يرجع هعرف
-ميرنا: هو مسافر ؟
-خلود: بيقول
-ميرنا: المهم انك اطمنتي عليه ويرجع بالسلامه ان شاء الله
*في بيت امجد*
-داليا: كنت بتكلم مين ي امجد ؟
-امجد ببرود: حاجه متخصكيش
-داليا: لا انا مراتك يعني يخصني ونص كمان كنت بتكلمها ؟
-امجد ببرود اكتر: اه ف مانع ي مراتي ؟
-داليا بعصبيه: لا دا انت زودتها اوي دي مبقتش عيشه
-امجد بإبتسامه جانبيه: بسيطه اطلقك واخلصي من العيشه دي
-داليا: هو انت مش شايف انك بتتكلم ف الموضوع دا كتير ؟
-امجد: ودا ملفتش نظرك ل حاجه ؟
-داليا: انا هعملك اللي نفسك فيه بس لما انفذ اللي انا عايزاه
-امجد: قصدك اي ؟
-داليا: حاجه متخصكش
-امجد: ماشي ي داليا بس قسماً بالله لو قربتي من خلود هيكون اخر يوم ف عمرك فاهمه ؟
-داليا ببرود: امجد ي حبيبي بلاش تقول كلام انت مش قده ماشي ي حبيبي ؟ احضرلك الغدا ؟
-امجد بنرفزه: انا نفسي اخلص منك بقا
-داليا بضحكه: قريب ي حبيبي قريب
*شهد من وقت ما خرجت من المكتب وهي مفيش حاجه بتتردد قدامها غير اخر جمله قالها "انا لو قدامي عدل الدنيا كله مع اي بنت غيرك هختار اتظلم معاكي" لحد ما عبير ض*بتها علي كتفها*
-شهد: اي ف اي ؟
-عبير: ف اي انتي مالك ؟
-شهد بتوتر: مفيش مالي
-عبير: من ساعت م جيتي من عند بشمهندس عمر وانتي سرحانه هو ضايقك ب حاجه ؟
-شهد: لا محصلش حاجه
-عبير: طب وحشتيني كنتي مختفيه لي كدا ؟
-شهد: شويه مشاكل والحمد لله كل حاجه رجعت زي م كانت
-عبير: طب انتي كويسه ؟
-شهد بإبتسامه: اه كويسه متقلقيش انا لازم اقوم امشي
-عبير: علي فين ؟
-شهد: ع البيت سلام
*لسه جايه تقوم لقته قدامها بصت ل عبير ورجعت بصتله لما لقيت صوته البارد وصلها*
-عمر ببرود: علي فين ؟
-شهد بإرتباك: خلصت شغل وهمشي
-عمر: لا مفيش مشي دلوقتي لسه ف شغل
-شهد بإستغراب: بقول ل حضرتك انا خلصت شغلي
-عمر ببرود: وانا قولتلك ي بشمهندسه لسه ف شغل ورايا علي المكتب
-شهد: لكن
-عمر بحده: من غير ولا كلمه
-عبير: هو ماله اول مره اشوفه كدا ؟
-شهد ببرود: وانا هعرف منين عمتا مفيش حد بيفضل زي اول مره عرفناه فيها
-عبير: طب روحي وراه احسن م يحصل مشكله
*عمر لحد دلوقتي مش عارف لي اتكلم كدا هو اول مره يتكلم بالاسلوب دا مع حد عمتا لكن دي شهد ازاي قدر يعمل كدا بس واضح ان دا الاسلوب اللي هينفع معاها لحد ما تقتنع لقاها داخله وشها في الارض وعلامات البرود باينه عليها لكن لمح توتر في عينيها لحد ما وصله صوتها*
-شهد ببرود: خير اي الشغل اللي موجود ؟
-عمر: اقعدي
-شهد: قعدت اتفضل
-عمر: الت**يم دا انا عايزه كمان يومين
-شهد بصدمه: يومين ؟ مستحيل
-عمر ببرود: ولا مستحيل ولا حاجه انتي معندكيش امتحانات ولا ف دراسه دلوقتي ومفيش حاجه تهمك غير الشغل صح ؟
-شهد: دا لوي دراع مثلا ؟
-عمر: لا حاشا لله انتي اللي قولتي وانا محتاج الت**يم وبصفتك اشطر مهندسه عندي ف عايزك تعمليه
-شهد بتحدي: يومين والت**يم يكون عندك
-عمر بإبتسامه جانبيه: وانا قاعد مستنيكي
-شهد: اي ؟
-عمر: تجيبي الت**يم
-شهد: ماشي ي عمر
-عمر: لا لا بشمهندس عمر متنسيش الألقاب عشان مهمه
-شهد بحده: حاجه تانيه ؟
-عمر ببرود: اتفضلي علي مكتبك والت**يم لو مخلصش خلال يومين اعتبري نفسك مرفوده
-شهد بصدمه: مرفوده ؟ للدرجادي ؟ كل دا عشان اي يعني ؟
-عمر: من غير كلام كتير اتفضلي علي مكتبك
-شهد: تمام
نادين
*كانت قاعده قدام التليفزيون لقت غادة بترن عليها زي كل يوم*
-نادين: ماما ازيك ؟
-غاده: الحمد لله ي حبيبتي انتي اخبارك اي وجوزك عامل اي ؟
-نادين: كويسين الحمد لله
-غاده: مكلمتيش اختك تتطمني عليها برده ي نادين ؟
-نادين بطول بال: يووه ي ماما انتي مش بتزهقي من الكلام ف الموضوع دا ؟
-غاده: دي اختك الصغيره ي نادين انا وابوكي بعد م اطلقنا وكل واحد فينا اتجوز وعاش حياته وانتي اتجوزتي وعيشتي حياتك محدش سأل فيها ف الاول والاخر هي بنتي وقلبي واكلني عليها
-نادين: يبقي دوري عليها بنفسك وشوفي هي فين
-غاده: انتي مش هامك اختك للدرجادي هي عملتلك اي عشان تبقي كدا معاها ؟
-نادين: المشكله انها معملتش خمس سنين معرفش عنها حاجه بقا وجودها زي عدمه لقيتها اهلا وسهلا ملقتهاش خلاص ربنا معاها
-غاده: ي خساره تربيتي فيكي ي نادين
-نادين: تاني ي ماما ؟
-غاده: ابوكي بيكلمك ؟
-نادين: اه مكلمني امبارح بتسألي لي ؟
-غاده: عادي ابقي سلميلي علي جوزك ولو عرفتي حاجه عن اختك طمنيني ي نادين
-نادين: اوكيه ي ماما حاضر يلا باي
*بعد ما قفلت لقت وائل وصل*
-وائل: مساء الخير
-نادين بإبتسامه: مساء الفل ي حبيبي حمد لله على السلامه
-وائل: الله يسلمك ي روحي الغدا جاهز هموت م الجوع
-نادين: علي م تاخد دش وتغير هدومك اكون جهزت السفره
-وائل: ماشي ي حبيبتي انتي كويسه ؟
-نادين: اه الحمد لله
-وائل: مامتك كلمتك تاني ؟
-نادين: اه ومش بتبطل تسأل علي ميرنا انا مش عارفه اعملها اي هي م**مه تحطني ف موقف انا مش عايزاه
-وائل: ي حبيبتي دي بنتها برده وبقالهم سنين مش عارفين عنها حاجه
-نادين بعصبيه: وسابوها من الاول لي ؟ كان عندها 17 سنه لما سابوها لولا صحابها واهلهم الله اعلم كان اي اللي حصلها كل حد فيهم عاش حياته جايه دلوقتي تعمل نفسها ام وعايزه تطمن علي بنتها ؟
-وائل بهدوء: اهدي شويه وكل حاجه هتتحل وهي اكيد كويسه
-نادين: والله ي وائل مبقتش فارقه كتير يلا ي حبيبي قوم علي م احضر الغدا
*خلود من وقت مكالمه امجد وهي مش متطمنه وقلبها مقبوض حاسه ان فيه حاجه وحشه هتحصل وفعلا احساسها مكدبش لما لقت جرس الباب بيرن وكانت واحده وباين انها مش ناويه علي خير*
-خلود: مين حضرتك ؟
-داليا: مدام داليا الطبجي مرات امجد
-ميرنا بصدمه: اي ؟
-احمد: امجد ؟
-خلود بصدمه: انتي بتقولي اي ؟
-داليا: زي م سمعتي انتي بقا خلود ؟
-خلود: انتي كذابه وتعرفيني منين عايزه مني اي ؟
-داليا: من نحيه كذابه ف لا انا بقولك الحقيقه اما اعرفك منين ف الاستاذ امجد مش بيبطل كلام عنك عايزه منك اي بقا ف انا عايزاكي تبعدي عن جوزي لانه بيحبني وانا كمان بحبه ومش هسمح ل اي حد مهما كان مين يفرق بينا والا اللي هيحصل مني مش هيعجبه فاهمه ؟
-احمد بعصبيه: اتفضلي اطلعي برا بيتي
-داليا: انا حبيت اقول الكلمتين دول عشان السنيوره تفهم ومتمشيش ورا راجل متجوز عشان عيب ي شاطره ماشي ؟
-خلود بصدمه: انتي كدابه اطلعي برا اطلعي
-داليا: انا عارفه انه كلمك النهارده تقدري تتصلي عليه وتسأليه ومظنش انه هينكر سلام
-ميرنا بحزن: خلود ؟
-خلود بعياط: هي كدابه ي ميرنا اللي هي بتقوله دا مش صح امجد مستحيل يعمل فيا كدا امجد بيحبني ي بابا انتي كنتي قاعده وهو بيكلمني مش هو قال انه مسافر ؟ لا لا هي اكيد كدابه
-احمد بصوت عالي: انا مش عايز كلام ف موضوع امجد دا تاني وتنسيه خالص فاهمه ؟
-خلود بعياط: لا ي بابا بلاش تظلمه هو اكيد معملش فيا كدا امجد بيحبني اه بيحبني
-ميرنا بعياط: تعالي معايا ي خلود تعالي
-خلود بصدمه: هو بيحبني هو قالي انه بيحبني ي ميرنا
-ميرنا بحزن: انا عارفه ي حبيبتي ارتاحي
-خلود: عايزه اكلمه
-ميرنا: طب ارتاحي ولما تصحي هنكلمه
-خلود بعياط: انا متأكده انها بتكذب عايزه توقع بينا انا متأكده
-اي سبب تعامل عمر بالشكل دا وي تري هيستمر علي كدا ؟
-شهد هتستحمل كتير ولا هتعترف بمشاعرها او ممكن تعمل حاجه تانيه عمر مش متوقعها ؟
-زين هيتعلق ب عهد اكتر ي تري مشاعره صح ولا دا مجرد وهم ؟
-عهد هتحب زين ولا هتعتبره مجرد زميل ؟
-رد فعل امجد بعد م يعرف ان داليا راحت ل خلود ؟
- Writer
