حكايه بنات

البارت الثامن

*في بيت امجد*

-امجد بعصبيه: كنتي فين ي هانم ؟

-داليا: كنت ف مشوار

-امجد: م انا عارف بس اي المشوار المفاجئ دا ومن غير م تعرفيني انك نازله ؟

-داليا ببرود: كنت عند خلود ي امجد

-امجد بصدمه: خلود ؟

-داليا: اه حبيبه القلب

-امجد بعصبية وصوت عالي: وانتي اللي وداكي عندها هو انا مش حذرتك متروحيش هناك عايزه توصلي ل اي ؟

-داليا بعصبيه: انت جوزي ومن حقي احافظ عليك وانك متبقاش لحد غيري انا بحبك ي امجد وعايزاك

-امجد بعصبيه: وانا مش عايزك مبحبكيش قولتيلها اي ؟ انطقي قولتيلها اي ؟

-داليا: قولتلها تبعد عنك لان انا وانت بنحب بعض وانها لو قربت منك هأذيها

-امجد بعصبيه: انتي اتجننتي انتي ازاي تعملي كدا وهي حصلها اي قالتلك اي ؟

-داليا بصراخ: ومالك خايف عليها كدا لي ؟ م انت اللي سيبتها من الاول جاي تغلطني دلوقتي لي ؟

-امجد: غلطه غلطه وبدفع تمنها انها بعيد عني وعن حضني بس انتي هتدفعي تمن اللي عملتيه دا وغالي اوي

-داليا بصراخ: بدفعه بدفعه انك كارهني وبتعاملني اوحش معامله

-امجد: صدقيني قليل

-داليا: انت رايح فين ؟

-امجد: رايحلها لازم اصلح اللي انتي عملتيه وبعدها مش هتفضلي علي ذمتي دقيقه زياده

-داليا بعياط: ابوس ايدك ي امجد بلاش تعمل فيا كدا انا بحبك

-امجد: مفيش حد بيحب حد بيأذيه

-داليا: يعني انت كدا مش بتحبها ؟

-امجد بعصبيه: انا وانتي عارفين كويس اوي انا سيبتها واتجوزتك لي ف بلاش الكلام دا وبلاش تكرهيني فيكي اكتر من كدا

-داليا بعياط: امجد ي امجد

*قدام شركه الادويه*

-زين بإبتسامه: انا مبسوط ب اليوم دا اول مره يعدي عليا يوم ف الشغل واكون مبسوط كدا

-عهد بهدوء: فعلا كان يوم حلو

-زين: طب تحبي اوصلك مكان م انتي رايحه ؟

-عهد بسرعه: لا لا انا هروح لوحدي شكراً

-زين بمرح: انتي خوفتي كدا هود*كي ليهم سليمه مش ناقصه حته متخافيش

-عهد بضحكه: مش كدا والله بس الفكره ان مينفعش نكون انا وانت لوحدنا طب احنا ف الشغل معانا زمايلنا لكن انت هتوصلني بصفتك اي ؟

-زين بإبتسامه هاديه: زي م تحبي بس تخلي بالك من نفسك

-عهد: اكيد عن اذنك

-زين بهدوء: اتفضلي اتفضلي ي وش السعد والخير والجمال وكل حاجه اااه اي يارب الحلاوه دي كلها انا همشي قبل م اتجنن وهي تسمعني

*في بيت مليكه*

-مليكه: انا ماشيه ي ماما

-ماجده: رايحه فين ي ملوكه ؟

-مليكه: البنات متجمعين دلوقتي عند خلود ساعه كدا وارجع

-ماجده: متتأخريش عمتك وابنها رجعوا من السفر امبارح وهنروح نسلم عليهم

-مليكه بفرحه: بجد ؟

-ماجده بخبث: ومالك فرحانه كدا لي ؟

-مليكه بتوتر: ها لا اصل عمتو وحشتني بس

-ماجده: عمتو برده ماشي يلا متتأخريش

-مليكه بضحكه: اه منك انتي وحركات الأمهات بتاعتك دي سلام

-ماجده: ربنا يفرح قلبك ي حبيبتي

*في بيت خلود عهد كانت وصلت واول ما شافت خلود*

-عهد بصدمه: اي دا مالها ي ميرنا ؟

-ميرنا بحزن: حصل موقف من شويه وحش اوي ي عهد

-عهد: موقف اي اللي يخليها بالشكل دا ؟

-ميرنا: واحده جات بتقول انها مرات امجد وهددتها لو مبعدتش عنه هتشوف حاجه مش هتعجبها

-عهد بصدمه: اي ؟ متجوز ؟

-ميرنا: هي من وقت م عرفت وهي مصدومه ونامت بالعافيه

-عهد بحزن: ي قلبي بس هي مينفعش تنام وهي زعلانه كدا خلود ؟ خلود ي حبيبتي قومي انا عهد

-خلود بعياط وتعب: ع عهد ؟

-عهد بحزن: اه ي قلب عهد قومي

-خلود بعياط: شوفتي اللي حصل ي عهد هي اكيد بتكذب صح امجد مستحيل يعمل فيا كدا ي عهد امجد بيحبني وانتي عارفه كلنا عارفين أنه بيحبني

-عهد: اهدي اهدي كل حاجه هتتحل اهدي

-خلود بعياط: هو بيحبني انا متأكده تليفوني فين لازم اكلمه هي اكيد بتكذب

-ميرنا بعياط: عهد هي بتتكلم كدا لي ؟ انا خايفه عليها

-عهد: عمو احمد فين ؟

-ميرنا: لما سمع كدا اتخانق معاها وقالها موضوع امجد يتقفل وتنسيه خالص

-عهد بحزن: لا حول ولا قوه الا بالله خلود ي حبيبتي بصيلي كدا خلوود

-خلود: اي اي ؟

-عهد: اهدي اللي بتعمليه دا غلط

-خلود بصراخ: واللي بيحصل هو اللي صح ؟

*مليكه دخلت*

-مليكه بإستغراب: ف اي ؟ مالك ي خلود ؟

-خلود: مليكه مليكه تعالي انتي بتصدقيني صح ؟ مش امجد بيحبني ومستحيل يأذيني او يفكر ف كدا ؟

-مليكه: اي اللي حصل فهميني ؟

-خلود بعصبيه: ردي عليا صح ولا لا ؟

-مليكه بسرعه: صح صح بس اهدي ف اي ي عهد ؟

-عهد: مش وقته هحكيلك بعدين

-خلود: تليفوني فين ي ميرنا ؟

-ميرنا: تحت ف الصالون

-خلود: هنزل اجيبه لازم أكلمه

*في الصالون امجد وصل وقابل احمد*

-احمد بحده: انت جاي تاني عايز من بنتي اي ي امجد ؟

-امجد: ي عمي اسمعني

-احمد بعصبيه: اسمع اي م خلاص عرفنا كل حاجه

-امجد: والله العظيم غصب عني

-احمد: غصب عنك هو ف حد بيتجوز غصب عنه ي استاذ ي محترم ؟

-امجد: اديني فرصه افهمك

-احمد: مش عايز اسمع منك كلمه

*خلود كانت نازله علي السلم والبنات وراها وسمعت صوت امجد*

-خلود بفرحه: امجد ؟

-احمد: خلود اطلعي علي اوضتك وانت اتفضل برا من غير مطرود

-خلود: بابا انت بتكلمه كدا لي ؟

-احمد بحده: انا قولت اطلعي اوضتك

-خلود بصراخ: مش هطلع مش هسيب امجد واطلع

-عهد: لو سمحت ي عمو استني لحد م تسمعه بنفسها يمكن تفوق من صدمتها معلش

-خلود بعياط: كنت فين ؟ لي اختفيت بالطريقه دي ؟ هونت عليك ي امجد ؟

-امجد بحزن: انا اسف سامحيني

-خلود بعياط: متتأسفش انا مسمحاك

-احمد: خلود اطلعي فوق

-خلود: هو انت اتجوزت ي امجد ؟

-امجد بإرتباك: ه هو انا

-خلود: انت اي ؟

-احمد: طبعا معندوش حاجه يقولها

-خلود بسرعه: استني ي بابا لو سمحت اتكلم ي امجد ساكت لي ؟

-عهد: بلاش سكوتك دا ي امجد

-خلود بصراخ: سااكت ليي اتجوزت ولا لا ؟

-امجد بسرعه: اه اتجوزت

-خلود بصدمه: اه ؟ لي ؟

-امجد: عشان خاطري اسمعيني

-خلود بصراخ: اسمع اي ؟ انا عملت فيك اي عشان ت**رني بالشكل دا ؟ انت متخيل الكلام اللي سمعته من يومها ؟ عارف احساسي اي وانا قاعده مستنيه عريسي ييجي عشان يخطبني وهو ميجيش ؟ انت متخيل انت عملت فيا اي ي امجد ؟

-امجد بحزن: خلود انا

-خلود بحده: اوعي تنطق اسمي علي ل**نك تاني انت فاهم ؟ اتفضل بكل هدوء اطلع برا

-مليكه: خلود اسمعيه

-خلود بصراخ: انا مش عايزه اسمع حاجه متفكرش تقرب مني تاني ولا تحاول تتصل بيا وخليك جمب مراتك

-امجد بعصبيه: بس انتي لازم تسمعيني انا عملت كل دا عشانك خوفت عليكي انها تأذيكي كانت بتهددني لو متجوزتهاش هتقتلك وانا مكنش قدامي حل غير اني اتجوزها انا عملت كدا عشان احميكي

-خلود بصراخ وعياط: ياريتك سيبتها تقتلني انت كدا قتلتني ي امجد انت دمرتني

-امجد بحزن: ي خلود حاولي تفهمي

-خلود: الكلام انتهي ومعتش له لازمه اتفضل روح ل مراتك ومتفكرش تقرب مني ي امجد عشان ساعتها هأذيك

*وسابتهم وطلعت*

-امجد: ي عمي ارجوك تفهمني وتصدقني انا عملت كدا عشان احميها انا مكنش ينفع اسمع انها هتموت وف ايدي انقذها ومعملش كدا

-احمد بهدوء: فهمتك يبني بس كان لازم تقولها هي اتصدمت صدمه كبيره ولازم تسيبها دلوقتي لحد م تفوق وترتاح

-امجد بحزن: ي عهد صدقيني انا بحبها

-عهد: عارفه ي امجد هي دلوقتي مستحيل تقبل مننا كلام لما تفوق وتهدي اوعدك اني هتكلم معاها واحاول اوصل ل حل بس مراتك

-امجد: هطلقها والله العظيم هطلقها انا مبحبهاش انا محبتش ف حياتي غير خلود ومش هحب حد غيرها عشان خاطري فهموها كدا

-ميرنا: اهدي ي امجد واحنا ان شاء الله هنتصرف ونلاقي حل

-امجد بحزن: اتمني انها تسامحني وتوافق تسمعكم عن اذنكم

-عهد: امجد ؟

-امجد: نعم ؟

-عهد بهدوء: متقلقش كل حاجه هتتحل هي كمان بتحبك بس الصدمه كانت صعبه عليها شويه انت عارف خلود مش بتستحمل وكمان طول الفتره اللي فاتت كانت قلقانه عليك ومتعرفش عنك حاجه وبقت دماغها تودي وتجيب ف معلش استحمل معانا شويه

-امجد: انتي عارفه اني هشيلها ف عيوني بس هي توافق تسمعني مره واحده

-عهد: ان شاء الله

-امجد: عن اذنكم

*في شركه عمر*

-عبير بإستغراب: يومين ؟ ازاي ؟

-شهد: عِند

-عبير: انتي هتقدري تخلصي ت**يم زي دا ف يومين ي شهد ؟

-شهد بتحدي: هو دخل معايا ف تحدي وعِند وانا مبخسرش

-عبير: هو انتوا اي اللي بينكم ؟

-شهد: هيكون اي اللي بينا يعني ي عبير ؟

-عبير: انا بسأل بس مش اكتر والله طب هتعملي اي ؟

-شهد: هقوم اروح وارجعله بعد يومين ومعايا الت**يم

-عبير: عارفاكي عنيده وتعمليها

-شهد: سلام

-عمر: علي فين ؟

-شهد ببرود: رايحه البيت ف مانع ؟

-عمر: والت**يم ؟

-شهد: وهو انا مطلوب مني اعيش ف المكتب اليومين دول لحد م يخلص ؟

-عمر بضحكه: لا معاكي حق بس معاكي يومين وكويس انك فاكره

-شهد ببرود: انا مش بنسي حاجه متعلقه ب شغلي ومش جايه المكتب غير ومعايا الت**يم

-عمر بإبتسامه جانبيه: هنشوف وهو كذلك تحبي اوصلك ؟

-شهد: عارفه طريقي

-عمر بهمس: معتقدش المره دي انك عارفه لان طريقك ف ايدك وانتي بتضيعيه

-شهد بإستهزاء: وانت طريقي ؟

-عمر ببرود: واضح انك فهمتي غلط اتفضلي

-شهد بإستغراب: انت ازاي كدا ؟

-عمر: المعامله بالمثل ي بشمهندسه

*في بيت زين*

-حازم: حمد لله على السلامه ي ابو نسب

-زين بمرح: اهلا وسهلا ي حمايا

-حازم: طمني يبني شغلك ماشي تمام ؟

-زين بإبتسامه هاديه: تمام وزي القمر

-حازم: انت بتخون بنتي ي ولد ؟

-ملك: لا وانت الصادق دا حتي ف الحلم بي**نها

-زين بضحكه: هي فين اميره خالو دي ؟

-ملك: نايمه احكيلي يومك كان حلو ؟

-زين: اوي اوي اوي اوي

-حازم: م ترسيني ع الحوار

-زين بضحكه: بعدين ملوكه انا واقع من الجوع

-ملك: حاضر ي حبيبي غير هدومك علي م احضر السفره

*في بيت امجد*

-داليا: روحتلها وارتحت ي امجد ؟

-امجد بعصبيه: الاحسن ليكي متقفيش قدامي دلوقتي احسن م ادخل فيكي السجن

-داليا: لا مش هتحرك روحتلها وهترجعلها ؟

-امجد: بسببك انتي انا بخسرها ودا اللي انتي عايزاه بس دا احلامك ي داليا انا هعمل المستحيل عشان اوصلها وتبقي معايا فاهمه ومش هتقدري تمنعيني المره دي

-داليا: بقا كدا ؟

-امجد: اه واللي عندك اعمليه

-داليا: ماشي ي امجد انت اللي طلبت استحمل نتيجه افعالك معايا

-امجد: ورقه طلاقك هتوصلك بكره انتي طالق بالتلاته

-ي تري خلود هتقدر تسامح امجد ؟

-داليا هتعمل اي ؟

-اي سبب فرحه مليكه بوصول عمتها من السفر ؟

-عمر وشهد علاقتهم هتوصل ل فين ؟