حكايه بنات

البارت التاسع

*في اوضه خلود*

-عهد بهدوء: خلود ؟

-خلود بحده: لو سمحتي ي عهد انا مش عايزه اسمع كلمه عن الموضوع دا خلاص كانت صفحه وانتهت

-مليكه: لا مكنش صفحه وانتهت ي خلود دا كان الكتاب كله مش معقول بالسهوله دي هتنسي حبك ليه

-خلود بعياط: لا هنسي وجعني و**رني ومهتمش بحبي ولا باللي ممكن يحصلي ف انا هنسي مكنش فارق معاه انا هبقي عامله ازاي طول م هو غايب ومعرفش عنه اي حاجه عايش ولا ميت كويس ولا لا مهتمش ب كل دا وراح اتجوز امجد اتجوز ي عهد

-ميرنا: بس هو عمل كدا عشان يحميكي ي خلود لانه بيحبك عمل كدا هو ابسط حاجه كان ممكن يعملها انه ييجي يحضر الخطوبه ومراته دي تعمل اللي هددته بيه وقتها كان هيخسرك وانتي مكنتيش هتكملي معاه

-خلود بإستغراب: انتي بتدافعي عنه ؟

-عهد: لا ي خلود هي مش بتدافع عنه بس هي بتقول اللي احنا مستوعبينه انتي عشان مصدومه مش قادره تستوعبي الكلام اللي هو قاله ولا اللي احنا بنقوله

-خلود بعياط: يعني اي ؟ يعني هتسيبوني ابقي لوحدي وتدافعوا عنه ؟

-مليكه: مستحيل حد فينا يسيبك احنا كلنا واحد ومشكلتك هي مشكلتنا بس احنا عايزينك تهدي انتي وأمجد بينكم حب سنين مش شهر ولا شهرين

-ميرنا: بالظبط ي خلود احنا هنسيبك ترتاحي وبكره هنجيلك تكوني هديتي شويه ونعرف نتكلم

-عهد: انتي هتروحي فين ؟

-ميرنا: هرجع شقتي

-خلود: لا مش هتروحي ف مكان خليكي معايا ي ميرنا انا محتاجه حد يكون جمبي

-ميرنا بحزن: خلاص حاضر هفضل معاكي وخليكي متأكده ان احنا كلنا معاكي وكل حاجه هتبقي كويسه ماشي ؟

-خلود بعياط: ماشي

-مليكه: انا لازم امشي دلوقتي وهبقي اكلمكم هتروحي ي عهد اوصلك ؟

-عهد: انا هروح بس روحي انتي عشان متتأخريش علي معادك

-مليكه: ملكيش دعوه يلا

*في بيت شهد*

-شهد بتعب: السلام عليكم

-رائد: وعليكم السلام ورحمه الله مالك ي شهد ؟

-شهد: مفيش ي حبيبي انا كويسه

-هدي: كويسه ازاي انتي مش شايفه وشك أصفر ازاي ؟

-رائد بقلق: انتي كلتي حاجه النهارده ؟

-شهد: لا

-هدي: حرام عليكي ي شهد انتي بتهزري

-رائد: معلش ي حبيبتي ممكن تجيبي حاجه تاكلها

-هدي: حاضر ثواني

-رائد: انتي لي بتجهدي ف نفسك كدا ؟ شغل ودراسه وقله اكل ينفع كدا ؟

-شهد بتعب: م انت عارف ان انا بنسي وكدا ف خلاص ساعت م بحس بجوع باكل

-هدي: اتفضلي بس كدا مينفعش ي شهد صحتك اهم من دا كله

-رائد: قوليلها عشان دماغها ناشفه

-شهد بإبتسامه: خلاص بقا هاكل اهو

-هدي بتساؤل: اي الورق الكتير اللي معاكي دا ؟

-شهد ببرود: ت**يم جديد هبدأ فيه للشغل

-هدي: كل دا ؟

-رائد: متجهديش نفسك ي شهد

-شهد بإبتسامه: متخافش ي حبيبي انا قدها يلا هقوم دلوقتي اريح شويه عشان ابدأ اشتغل عليه تصبحوا علي خير

-رائد: وانتي من اهل الخير

-هدي بإبتسامه: وانتي من اهله ي حبيبتي

*في بيت عهد*

-عهد بهدوء: السلام عليكم

-حنان بتعب: وعليكم السلام ورحمه الله وبركاته

-عهد بخوف: مالك ي ماما ؟

-حنان: مفيش ي حبيبتي انا كويسه

-عهد: كويسه ازاي شكلك تعبان تعالي نروح المستشفي

-حنان بسرعه: لا ي بنتي مش مستاهله

-عهد: خدتي علاجك ي ماما ؟

-حنان: اه ي حبيبتي

-عهد: طب قومي ارتاحي تعالي

-حنان: استني اما اجهزلك العشا طيب

-عهد: مش عايزه حاجه ي ماما تعالي فين محمد وعلا ؟

-حنان بهدوء: علا نامت ومحمد مع اصحابه

-عهد: طب تعالي يلا

-حنان بتعب: اه الحمد لله متحرمش منك ابدا ي بنتي

-عهد: ولا منك ابدا يارب

-حنان: الشغل كان كويس ؟

-عهد بإبتسامه هاديه: اه ي حبيبتي كان كويس الحمد لله وعمو ابراهيم موصي عليا متقلقيش

-حنان: ربنا يباركله ويخليه

-عهد: امين يارب هسيبك تنامي وترتاحي تصبحي علي خير

-حنان: وانتي من اهله ي بنتي

*في بيت زين*

-ملك بضحكه: مش كفايه تفكير وتنام بقا ولا اي ؟

-زين: مش كفايه رخامه بقا انتي ولا اي ؟ من ساعت م جيت وانتي مبطلتيش عايزه اي ؟

-ملك: اشوف مين اللي خ*فت النوم من عينك دي

-حازم: انا كمان عايز اشوف

-ملك: تشوف اي ؟

-زين: تشوف اي انت كمان ؟

-حازم: النوم اللي اتخ*ف من عينك ف اي ؟

-زين بضحكه: اتقلوا شويه

-ملك: هتخليني اشوفها امتا ؟

-زين: ملك ي حبيبتي هي لسه عارفاني النهارده دي حتي رفضت اني اوصلها مكان م هي رايحه وطول الوقت هاديه وكلامها قليل جدا ولما بتتكلم يعني حاجه كدا خيال ف واحده واحده بس لحد م احس ان خلاص هطلب ايديها ووقتها ابقي شوفيها

-ملك: عايزه اقولك انت شوقتني اشوفها اصلا

-حازم: باين عليها بنت محترمه وكويسه ف لو بتصدك ف الكلام حاول متضغطش عليها وادخل البيت من بابه احسن

-زين بإصرار: هعمل كدا

-ملك: امتا ؟

-زين: فتره بس ي ملوكه علي حتي م تتعود عليا عشان حتي تبقي قبلاني فاهمه ؟

-ملك: ماشي ي حبيبي ربنا يقدملك اللي فيه الخير وينولك اللي ف بالك يارب

-زين بإبتسامه: ربنا م يحرمني منك ولا من دعواتك ي حبيبتي

-حازم: انا قاعد علي فكره

-زين: مخدتش بالي تصدق دي اختي الكبيره وهي اللي مربياني ي اهبل

-حازم: اه اذا كان كدا ماشي اتفضل خليها تنيمك جرا اي ي عم زين قوم يلا خليني اقعد مع مراتي شويه لو سمحت ي سنجل ؟

-زين بضحكه: مستحملاه ازاي دا ؟

-ملك بضحكه: الحب اعمي

-حازم: شكرا ي مراتي ي حبيبتي

-زين: يلا تصبحوا علي خير وابقي خلي اميرتي هي اللي تصحيني الصبح

-ملك بضحكه: حاضر

*في بيت نادين*

-وائل: بقولك اي ي حبيبتي ؟

-نادين: اي ي روحي ؟

-وائل: جربي ترني علي ميرنا ممكن ترد المره دي او يكون تليفونها اتفتح

-نادين: بس

-وائل: ي حبيبتي دي اختك الصغيره ومحاوله تتطمني عليها هتكون حلوه مش هتضر وبالمره مامتك تتطمن عليها

-نادين: حاضر

*ميرنا كانت قاعده مع خلود بتحاول تهديها وتخليها تنام لحد ما وصلها رنه تليفونها رقم غريب استنت شويه وبعدين ردت*

-ميرنا: سلام عليكم

-نادين بهدوء: وعليكم السلام ميرنا ؟

-ميرنا: ايوا انا ميرنا مين حضرتك ؟

-نادين بحزن: مش عارفه صوتي ي ميرنا ؟

-ميرنا بإستغراب: معلش مش واخده بالي

-نادين بعياط: انا نادين ي ميرنا

-ميرنا بصدمه: نادين ؟

-نادين بعياط: وحشتيني اوي ي ميرنا انتي فين ؟

-ميرنا ببرود ع** اللي هي حاسه بيه: عايشه اهو

-نادين: مكانك فين بدور عليكي بقالي كتير ومش عارفه اوصلك

-ميرنا: وتتعبي نفسك لي ؟

-نادين بصدمه: قصدك اي ؟

-ميرنا بحده: اي اللي فكرك بيا دلوقتي ؟ متصله عايزه مني اي ؟ مش كفايه اللي شوفته بسببكم لسه عايزين مني اي ؟

-نادين: ميرنا اهدي انا وماما عايزين نطمن عليكي

-ميرنا: لا كتر خيركم والله مقصرتوش طول م انا بعيد عنكم كويسه وقوليلها متشغلش بالها بيا كتير وتركز ف حياتها ومع جوزها وانتي كمان انا مش محتاجه حد فيكم سلام

*بعد ما قفلت بدأت تاخد نفسها بصعوبه خلود صحت تاني علي صوتها*

-خلود بعتاب: لي كلمتيها كدا ؟

-ميرنا: عشان دا اللي كان لازم يحصل ي خلود المهم نامي انتي متشغليش بالك اسفه اني صحيتك

-خلود: بلاش هبل المهم بس انتي كويسه ؟

-ميرنا بهدوء: ايوا يلا ي حبيبتي نامي انتي تعبتي النهارده

-خلود: طب خليكي نايمه جمبي متقعديش لوحدك عشان متعيطيش وانا مش جمبك

-ميرنا بإبتسامه: انا بحبك اوي ي خلود

-خلود: صدقيني وانا مليش ف الدنيا غيركم

-ميرنا: يلا ي قلبي تصبحي علي خير

-خلود: وانتي من اهله

*نادين استغربت من رد فعلها بعدين رجعت تفكر هي معاها حق*

-وائل: متزعليش منها غصب عنها هي اكيد عاشت حاجات محدش يعرف عنها حاجه

-نادين بعياط: انا بس زعلانه انها اتظلمت اوي طلاق بابا وماما اثر عليها وهي كانت صغيره وفجأه لقت نفسها لوحدها من غير اب ولا ام ولا حتي انا كنت معاها انا عاذراها بس اعمل اي عشان ارجعها ؟

-وائل: هنستني فتره ونكلمها تاني تكون هدت شويه ونحاول نوصلها ومتقلقيش انا معاكي وهنرجع كل حاجه زي م كانت

-نادين بعياط: يارب ي حبيبي ربنا يخليك ليا

-وائل بحنيه: ويخليكي ليا ي حبيبتي

*مليكه قاعدين عند عمتها بقالهم كتير وهو لسه مظهرش راجع من السفر امبارح هيكون فين يعني صحيح معندوش دم سمعت صوت ابراهيم*

-ابراهيم: يلا بينا عشان الوقت اتأخر

-اسماء: م تخليكم قاعدين شويه تيام زمانه علي وصول

-ماجده: ابراهيم عنده شغل الصبح وانتي اكيد تعبانه من السفر يوم تاني ان شاء الله

-ابراهيم: يلا ي مليكه ؟

-مليكه ببرود: ماشي ي بابا يلا

*جايين يقوموا لقوا الباب بيفتح وكان هو يالله نفس الطله اللي قادره تخ*ف قلبها من وهما صغيرين غمازاته ظهرت اكتر من قبل كدا اي دا ؟ عضلات كمان لا دا كدا اتطور خالص*

-اسماء بعتاب: اتأخرت كدا لي ي تيام كانوا لسه هيمشوا حالا

-تيام بإبتسامه: انا اسف ي خالو بس صحابي حبوا يسلموا عليا انا اسف

-ابراهيم: ولا يهمك ي حبيبي حمد لله على السلامه بسم الله ماشاء الله بقيت راجل قد الدنيا

-تيام: ازيك ي طنط عامله اي ؟

-ماجده بإبتسامه: الحمد لله ي حبيبي حمد لله على السلامه

-تيام: الله يسلمك ملوكه عامله اي ؟

-مليكه ببرود: الحمد لله

-تيام: اه طب عن اذنكم هتكلم مع مليكه دقيقه لوحدنا

-ابراهيم: بس بسرعه عشان نلحق نمشي

-تيام: حاضر تعالي معايا

*في البلكونه*

-مليكه: خير نعم عايز اي ؟

-تيام بضحكه: اي ي بنتي براحه شويه هتاكليني ؟

-مليكه: انت كمان بتضحك ؟

-تيام: طب بذمتك غمازاتي موحشتكيش ؟

-مليكه: لا

-تيام: امم ولا حتي هزاري ؟

-مليكه: لا

-تيام: دا الموضوع كبير بقا

-مليكه: اه

-تيام بخبث: طب وانا وحشتك ؟

-مليكه: اه

-تيام بضحكه: م انا عارف

-مليكه بعصبيه: علي فكره بقا انت معندكش دم ومش بتفهم ولا بتحس كل السنين دي متفكرش تكلمني حتي مره واحده تطمن عليا لا وجاي بكل هدوء اوي وتقولي عامله اي انت ازاي كدا بجد مستفز

-تيام: بس بس اهدي ف اي ؟

-مليكه: انت كمان بتسأل ف اي ؟

-تيام: اه عشان عايز اعرف

-مليكه: اسأل نفسك

-تيام: اه افتكرت

-مليكه: اشك

-تيام بهدوء: وحشتيني ي مليكه

-مليكه: كداب ف اصل وشك ومش هتصالحني بسهوله كدا سلام

-تيام بضحكه: اقسم بالله مجنونه زي م هي بس لسه زي القمر

-ي تري الاحداث هتمشي ازاي الفتره الجايه عهد وزين وشهد وعمر وامجد وخلود وداليا وتيام ومليكه وميرنا كل دول قصصهم مختلفه اي اللي هيحصل هنعرف البارت الجديد ??