حكايه بنات

البارت العاشر

*تاني يوم الصبح في بيت مليكه*

-مليكه بإبتسامه: صباح الخير

-ابراهيم: صباح النور خير يارب بتضحكي ع الصبح كدا لي ؟

-ماجده بضحكه: صباح النور ي حبيبتي

-مليكه: اي ي بابا هو انا بصحي عامله ازاي يعني ؟

-ماجده: بيهزر معاكي بس الشياكه دي كلها رايحه فين ؟

-مليكه: هروح اطمن علي طنط حنان وبعدين اروح ل خلود

-ابراهيم: صحيح عهد جات الشغل امبارح زين عرفني انها ممتازه وكويسه

-مليكه: دا حقيقي وهي بتحب المجال بتاعها

-ماجده بتوتر: هي حنان تعبانه ي مليكه ؟

-مليكه: تقريباً كدا ي ماما ربنا يستر

-ابراهيم: هنبقي نروحلها ي ماجده متقلقيش

-ماجده: ماشي

-مليكه: يلا انا همشي وابقي اطمنكم عليها

*جات تفتح الباب لقت تيام في وشها ومبتسم وغمازاته ظاهره اوي وبيبصلها من تحت النضاره*

-تيام بإبتسامه هاديه: صباح الخير

-مليكه ببرود: صباح النور

-تيام: علي فين ؟

-مليكه: نعم ؟

-تيام: سؤالي واضح رايحه فين ؟

-مليكه: يخصك يعني ؟

-تيام: غصب عنك

-مليكه: انت بتتكلم معايا كدا لي ؟

-ماجده: اهلا ي تيام ي حبيبي تعالي واقف برا لي ؟

-مليكه بصوت عالي: انا ماشيه ي ماما

-تيام: مش هتمشي قبل م تقولي رايحه فين ؟

-مليكه بملل: رايحه ل عهد خلاص ؟

-تيام بإبتسامه: سلميلي عليها

-مليكه: بااارد

-تيام: سمعتك علي فكره

-مليكه: احسن برده

-ابراهيم: تعالي ي تيمو

-تيام بإبتسامه: صباح الخير انا كنت جاي اتكلم معاكم خمس دقايق وهمشي تاني

-ماجده: خير ي حبيبي ؟

-تيام: كل خير متقلقيش بس اهم حاجه مليكه متعرفش

-ابراهيم: طب قول يبني ف اي ؟

-تيام بإبتسامه: هقولكم

*شهد صحت من بدري عشان تقعد تخلص الت**يم لان محدش يتحداها في حاجه وبالذات لو كان عمر لقت عبير بتتصل*

-شهد: صباح الخير

-عبير: صباح الورد عامله اي دلوقتي ؟

-شهد: الحمد لله

-عبير: مش هتيجي النهارده ؟

-شهد بإستغراب: لا م انتي عارفه ان انا مش جايه غير بكره او بعده ف اي ؟

-عبير: اصل بشمهندس عمر جه وسأل عليكي

-شهد: نعم ؟ م هو عارف ان انا مش جايه

-عبير: لما قولتله كدا قال مش شغلي

-شهد بعصبيه: يعني اي ؟ هو اتجنن دا ولا اي ؟

-عبير: براحه شويه ي شهد انا قولتله هكلمها قالي ياريت وخليها تكلمني

-شهد بصدمه: لا دا مش طبيعي وانا مش هكلمه

-عبير: بلاش تعاندي عشان متخسريش شغلك انتي بقالك سنتين هنا وعملتي شغل كتير للشركه

-شهد: وهو مش مقدر كدا يبقي يغور هو وشغله هو مفكر نفسه اشتراني ولا اي ؟ دا الف شركه تتمناني

-بس انتي لو سيبتي شركتي محدش تاني هيقبلك

-شهد بصدمه: عمر ؟

-عمر بحده: بشمهندس عمر

-شهد: خير حضرتك مش المفروض عارف ان انا مش جايه اليومين دول ؟

-عمر ببرود: والسبب ؟

-شهد: اه دا عِند بجد بقا ؟ طب اسمع ي بشمهندس حضرتك ادتني ت**يم كبير وطلبته مني ف يومين مع انك عارف انه مستحيل وانا وافقت عشان مبحبش حد يتحداني لكن ان انا اجي الشغل وانا بعمله دا اللي مستحيل فعلا وانا مش هعمله وهسلم لحضرتك ت**يمك ومعاه ورقه استقالتي وسواء وافقت عليها او رفضتها انا مش مكمله ف شركتك دي تاني وياريت يكون كلامي مفهوم

*قفلت في وشه الخط اولا لانها مش بتحب حد يتحداها ثانيا نبرته اللي بيتكلم بيها عمر ما حد كلمها بالطريقه دي قبل كدا هو مفكر نفسه مين يعني*

*في شركه عمر*

-عمر بعصبيه: عنوان بيتها اي ؟

-عبير بخوف: مش عارفه ي بشمهندس

-عمر بصوت عالي: يعني اي صاحبتك ومش عارفه عنوانها ؟

-عبير: احنا مجرد زمايل ف الشغل مش اكتر ودا مش معناه اني اكون عارفه عنوان بيتها بس اكيد حضرتك هتلاقيه ف الملف بتاعها

-عمر: كل واحد علي شغله

*عمر شاف ان شهد بدأتها معاه غلط وهو مكنش عايز الموضوع يوصل ل كدا بس هي ضغطت عليه هو عمره ما فكر انه يتعامل معاها كدا لكن انها توصل لانها متكملش في الشغل دا مش هيسمح بيه ركب عربيته وراح بيتها وهو مش عارف هيقول اي او هيعمل اي لكن كل اللي عارفه ان هو عايز يشوفها ويقنعها تفضل*

*عهد نامت بليل بصعوبه قلقها علي حنان وشكلها وهي تعبانه مفارقهاش فضلت رايحه جايه علي اوضتها صحت صلت ولبست وطلعت ملقتهاش في الصاله وعلا ومحمد قاعدين*

-عهد: صباح الخير

-محمد: صباح النور ي حبيبتي

-علا: صباح النور ي دودو

-عهد: ماما فين ؟

-محمد: انا دخلت عليها من شويه لقيتها نايمه محبتش اصحيها لانها كانت تعبانه امبارح

-عهد بخوف: يعني هي لحد دلوقتي مصحتش ؟

-محمد: لا

*دخلت اوضتها ازاي محمد مخدش باله من جسمها الازرق ؟ دعت ان يارب تكون عايشة واكيد هي كويسه بدأت تنادي عليها وهي خايفه*

-عهد بخوف: م ماما ؟ ماما انتي سمعاني ؟ محمدد ي محمد

-محمد بقلق: ف اي ي عهد ؟

-عهد بصراخ: انت ازاي سايبها كدا ؟ لي مصحتنيش ؟

-محمد: مالها ي عهد ف اي ؟

-عهد بعياط: مفيش نفس وجسمها ازرق ومبتردش عليا ي محمد

-محمد بصدمه: اي ؟ ماتت ؟

-عهد بصراخ: اخرس ي محمد اخرس ومتقولش كدا اتصل بالاسعاف بسرعه

-محمد بسرعه: حاضر حاضر

-عهد بعياط: ماما ماما عشان خاطري ردي عليا

*سمعت صوت الجرس وعلا فتحت ولقت مليكه داخله عليها وخايفه*

-مليكه بخوف: مالها ي عهد ؟

-عهد بعياط: مليكه الحقيني

-مليكه: ف اي ؟

-عهد: مبتردش عليا ونفسها مقطوع

-مليكه بخوف: اي ؟ طب اسنديها معايا ننزلها العربيه مش هنستني الاسعاف

-عهد بسرعه: ماشي ماشي يلا

-مليكه: محمد ي حبيبي خليك هنا وخلي بالك من علا وانا شويه وهاجي اخدكم ماشي ؟

-محمد: حاضر

-علا بعياط: ماما مالها ي عهد ؟

-عهد بعياط: ماما كويسه ي حبيبتي تعبانه بس شويه خليكي مع محمد ماشي ؟

-علا: حاضر

*علي التليفون*

-ميرنا: ازيك ي ملوكه ؟

-مليكه بعياط: ميرنا تعالي ع المستشفي بسرعه

-ميرنا بخوف: ف اي ي مليكه ؟

-مليكه بعياط: طنط حنان تعبت ورايحين المستشفي

-ميرنا: طب عهد فين هي كويسه ؟

-مليكه: حالتها وحشه هاتي خلود وعمو احمد وتعالي

-ميرنا بحزن: حاضر بس خلي بالك من عهد ي مليكه

-مليكه: اكيد

-خلود: ف اي ؟

-ميرنا بحزن: طب حنان

-خلود بصدمه: اي اللي حصل مالها ؟

-ميرنا: راحوا بيها المستشفي قومي البسي

-خلود: يارب استر طب شهد لازم نقولها

-ميرنا: هكلمها بس البسي يلا

*في بيت شهد عمر وصل*

-هدي: مين حضرتك ؟

-عمر: انا عمر الاسيوطي مدير شهد ف الشغل

-هدي: اهلا وسهلا اتفضل

-عمر: شهد موجوده ؟

-هدي: اه طبعا ثواني اتفضل

-شهد: مين ي هدي ؟

-هدي: البشمهندس عمر البسي حجابك واطلعي شوفيه عاوز اي

-شهد بصدمه: مين ؟ عمر ؟

-هدي بإبتسامه: اه قمر اوي ي بت ي شهد

-شهد: اتلمي ي هدي

-هدي: الاه بتغيري ولا اي ؟

-شهد: لا بس متنسيش اخويا

-هدي: ي ستي بهزر اطلعي يلا

-شهد: ماشي ودا جاي عايز اي دا كمان ؟

-هدي: بتلبس حجابها وطالعه تحب تشرب اي ؟

-عمر: لا شكراً متتعبيش نفسك

-هدي: مينفعش والله

-عمر بإبتسامه: ممكن قهوه مظبوط

-هدي: حاضر دقايق وتكون جاهزه

-شهد ببرود: أهلا خير ؟

-عمر: هو انتي بتقابلي ضيوفك كدا ؟

-شهد: حضرتك جاي عندك كلمتين قولهم وخد واجبك وتتفضل

-عمر: شهد انا عارف ان اللي حصل مني اليومين اللي فاتوا مينفعش

-شهد بتريقه: طب والله كويس انك عارف

-عمر بنفاذ صبر: اسكتي واسمعيني

-شهد بخوف: اتفضل

-عمر بهدوء: مهما كان انا راجل وعندي كبرياء وليا غرور وانتي **رتي الاتنين لما رفضتيني ورفضتي حبي من غير حتي م تديني فرصه انا مش جاي اعتذر منك لاني مغلطتش ف حقك لكن جاي اطلب منك متسيبيش الشركه زي م قولتلك انتي من اشطر المهندسين عندي وشركتي مش هتقدر تستغني عنك ف خلصي ت**يمك بكره وبعد بكره تبقي علي مكتبك ومش عايز نقاش ف الموضوع دا

-شهد: هو مش

-عمر: انا قولت مش عايز نقاش وان اللي قولته هو اللي هيمشي

*قطع كلامهم تليفون شهد*

-شهد: ثواني الو ؟

-ميرنا بحزن: شهد طنط حنان ف المستشفي

-شهد بصدمه: بتقولي اي ي ميرنا حصلها اي ؟

-ميرنا: مش عارفه انا وخلود ف الطريق تعالي ورانا عهد حالتها وحشه ومحتجانا جمبها

-شهد بسرعه: طيب طيب اقفلي انا جايه حالا

-عمر: ف اي ؟

-شهد: عمر انا لازم امشي ونكمل كلامنا بعدين

-عمر: مالك ي شهد هتمشي ازاي بحالتك دي ؟

-شهد: المستشفي لازم اروح المستشفى

-عمر: طب تعالي هوصلك

-شهد: لا انا هروح

-عمر بحده: انزلي معايا ي شهد يلا

*في المستشفي*

-عهد بعياط: يارب خليك معاها وخليها ليا يارب يارب انا مليش غيرها

-مليكه بحزن: متخافيش عليها ي عهد هتبقي كويسه

-عهد بعياط: لو حصلها حاجه هموت ي مليكه انا مليش غيرها

-مليكه: ادعيلها وصدقيني هتبقي كويسه

-ماجده: مليكه ؟

-مليكه: تعالي ي ماما

-ماجده: عهد حبيبتي

-عهد بعياط: ماما بتروح مني ي طنط وانا مش عارفه اعملها حاجه

-ماجده بحزن: متخافيش عليها ي حبيبتي هتقوم بالسلامه ان شاء الله

-ابراهيم: اهدي ي بنتي وادعيلها

-خلود: عهد طنط فين ؟

-عهد بعياط: ف العمليات ي خلود ادعيلها

-ميرنا بحزن: متخافيش ي عهد

-احمد: اطمني ي بنتي احنا كلنا معاكي

-تيام: هو اي اللي حصل ي مليكه ؟

-مليكه: انا روحت لقيت عهد بتعيط وطنط مش بتتنفس وجسمها كله ازرق

-تيام: يعني ممكن تكون كانت تعبانه من بليل

-عهد بصراخ: انا السبب هي كانت تعبانه بليل قولتلها تعالي نروح المستشفي موافقتش كان لازم اجيبها

-شهد: عهد عهد اسمعيني واهدي طنط هتبقي كويسه وهتقوم بالسلامه

-عهد بعياط: مكنش لازم اسيبها كدا ي شهد انا السبب

-شهد بحزن: ي حبيبتي انتي ملكيش ذنب دلوقتي الدكتور هيطلع يطمنا

-عهد بعياط: ياارب مليش غيرها يارب

*في بيت امجد*

-داليا: انت بتعمل اي ؟

-امجد: جاي اخد هدومي واسيبلك البيت كله عيشي فيه براحتك

-داليا: بس ي امجد انا عايزاك

-امجد: اسمعي ي داليا انا طلقتك يعني كلامك دا ملوش لازمه

-داليا: نتجوز تاني امجد انا بحبك بلاش تعمل فيا كدا

-امجد: وانا مش هكرر غلطتي مرتين ي داليا وبعد اذنك ابعدي عن طريقي بالذوق

-داليا: والا هتعمل اي ي امجد ؟

-امجد: بلاش تضطريني للحل التاني واظن ورقتك وصلتك

-داليا: بس مش هسيبها ف حالها ي امجد فاهم لو مفكر انها كدا هترجعلك تبقي بتحلم

-امجد: الموضوع دا يخصني انا وانا اللي هتصرف فيه متشغليش بالك

-داليا: ماشي ي امجد

-ي تري حنان هيحصلها اي ؟

-شهد هتكمل ف الشركه ولا لا ؟

-تيام اتفق علي اي مع احمد وماجده ؟

-امجد ناوي علي اي ؟