حكايه بنات

البارت الحادي عشر

*بعد مرور ساعتين قدام العمليات الدكتور خرج وملامح وشه متدلش علي خير*

-عهد بعياط: هي فين ؟ هي كويسه صح ؟

-ميرنا بصدمه: عا** ! قولنا اي اللي حصل !

-عا** بهدوء: احنا عملنا اللي علينا لو الساعات الجايه عدت علي خير يبقي ربنا كتبلها عمر جديد

-عهد بعياط: يعني اي ؟

-عا**: ادعولها ميرنا تعالي معايا دقيقه

-ميرنا: حاضر ثواني عهد خليكي قويه اخواتك محتاجينك

-عهد بسرعه: محمد وعلا انا عايزاهم

-مليكه: هروح اجيبهم من البيت دلوقتي حاضر بس اهدي

-تيام: هاجي معاكي

-مليكه: طب يلا

-شهد بهدوء: عهد اجيبلك حاجه تاكليها ؟

-عهد بعياط: لا مليش نفس

-ماجده: مينفعش ي حبيبتي تفضلي كدا لازم تكوني قويه عشان ماما واخواتك محتاجينك

-عهد بعياط: انا من غيرها ولا حاجه ي طنط ضهري ات**ر بعد موت بابا لكن لو ماما حصلها حاجه انا هموت

-ابراهيم: بعد الشر عليها ي بنتي هي هتقوم بالسلامه انتي بس ادعيلها

-عمر بهمس: ع الاقل لازم انتي تاكلي حاجه عشان تعرفي تبقي جمبها

-شهد بحزن: مش قادره اشوفها كدا ي عمر عهد طول عمرها اقوي واحده فينا مشوفتهاش م**وره بالشكل دا قبل كدا

-عمر: دا طبيعي دي مامتها ومن كلامكم شكلها كانت تعبانه ف هي غصب عنها ادعيلها بس وهي ان شاء الله تقوم بالسلامه

-شهد بعياط: يارب قومها بالسلامه عشانا كلنا يارب

-عمر بحزن: متعيطيش ي شهد العياط مش هيعمل حاجه وانا جمبك

-شهد: عمر انا اسفه لغبطتلك يومك

-عمر: لا متقوليش كدا دا واجبي انا مضطر دلوقتي اسيبكم واروح المكتب هخلص شويه شغل وارجعلك تاني

-شهد: متتعبش نفسك

-عمر: ي ستي انا حابب اتعب معاكي ملكيش دعوه تحبي اجيبلك حاجه وانا جاي ؟

-شهد بهدوء: لا شكراً

-عمر: خلي بالك من نفسك ومن صاحبتك

-شهد: اكيد

*في مكتب عا***

-ميرنا: ف اي ي عا** !

-عا**: انا محبتش اتكلم قدامهم بس هي حالتها متأخره واحتمال متعديش مرحله الخطر

-ميرنا بصدمه: اي ؟

-عا**: انا عايزه تمسكي نفسك عشان تقدري تقويها وتفضلي جمبها بس دي الحقيقه فرصه انها تعيش ضعيفه جدا

-ميرنا بعياط: مستحيل طب مفيش اي طريقه ي عا** ؟

-عا** بحزن: للاسف احنا كل اللي قدرنا عليه لكن دي حاجه ف ايد ربنا

-ميرنا بعياط: ياارب شكراً ي عاصم

-عا**: قوليلي انتي تعرفيهم منين وانتي فين بقالك سنين مش بشوفك لي ؟

-ميرنا بتوتر: عهد تبقي صاحبتي من واحنا صغيرين وانا ملبوخه ف دراستي وكدا

-عا**: فنون جميله زي م كنتي بتحلمي !

-ميرنا بإستغراب: لسه فاكر ؟

-عا**: اكيد طبعاً ع العموم مبسوط جدا اني شوفتك تاني

-ميرنا: وانا كمان لسه زي م انت ي عا** متغيرتش

-عا**: يمكن الدقن ؟

-ميرنا بإبتسامه: اه شويه طب انا هقوم اشوف عهد

-عا**: انا معاكي ي ميرنا لو احتاجتي اي حاجه انا جمبك

-ميرنا: شكراً عن اذنك

*في بيت خلود*

-امجد: خلود موجوده ؟

-لا ي فندم محدش موجود كلهم ف المستشفي

-امجد بخوف: مستشفي ؟ خلود حصلها حاجه ؟

-لا لا هي كويسه بس انسه عهد والدتها تعبت ونقلوها المستشفي

-امجد: طب شكراً

*في عربيه مليكه كان تيام اللي بيسوق*

-تيام بهدوء: لسه بتحبي عهد زي زمان

-مليكه: اكيد لسه بحبها عهد وقفت جمبي كتير وعملت عشاني كتير

-تيام: هي طنط حنان تعبانه من امتا ؟

-مليكه بحزن: بقالها سنتين

-تيام: طب وطول السنتين دول مكنش ف عمليه او اي حاجه ؟

-مليكه: الدكاتره كانوا بيقولوا حالتها مش مستاهله عمليه لكن دلوقتي انا اتصدمت لما لقيته بيقول ان حالتها متأخره معني كدا مكنتش بتاخد العلاج ؟

-تيام: احتمال اصل مستحيل تكون بتاخد ادويه ويحصلها كدا

-مليكه بصدمه: بس ازاي ؟

-تيام: هنروح البيت دلوقتي ونعرف

-مليكه: لا استني الصيدليه دي كانت بتجيب منها العلاج تعالي معايا كدا

-تيام: السلام عليكم

-الدكتور: وعليكم السلام ورحمه الله خير اؤمروني

-مليكه: حضرتك عارف عهد ؟

-الدكتور: ايوا ي بنتي مالها ؟

-مليكه: كانت بتيجي تاخد ادويه ل مامتها من هنا علي طول صح ؟

-الدكتور: احنا كلنا بنوصل الادويه لحد البيت لكن والدتها كانت بترفض تاخدها ولما روحتلها بنفسي ف يوم وسألتها قالت ان عندها الادويه كلها ومش محتاجه حاجه استغربت لان عهد جات وقالت أن ادويتها خلصت

-مليكه بصدمه: يعني كلامك صح ي تيام

-تيام: طب شكراً ي دكتور

-مليكه: كلامك صح مكنتش بتاخد علاج

-تيام: اركبي خلينا نروح البيت اتأخرنا علي اخواتها

*في بيت شهد*

-رائد: ازاي متعرفيش راحت فين ؟

-هدي: ي حبيبي هي فجأه عيطت وخدت عمر ونزلت سمعتها بتتكلم علي مستشفي او حد تعبان

-رائد بخوف: ممكن تكون طنط حنان تعبت ؟

-هدي: طب كلمها انت عشان حاولت اكلمها كتير مردتش عليا

-رائد بقلق: انتي فين ي شهد ؟

-شهد بتعب: انا ف المستشفي مع عهد

-رائد: مالها ف اي ؟

-شهد بحزن: طنط حنان تعبت ولسه طالعه من العمليات ادعيلها ي رائد

-رائد: طب اجيلك ؟

-شهد: لا ي حبيبي متتعبش نفسك

-رائد: ابقي طمنيني كل شويه

-شهد: حاضر مع السلامه

*في بيت عهد*

-مليكه: حبايبي انتوا كويسين ؟

-علا بعياط: ماما فين ؟

-مليكه بحزن: هاخدك ونروحلها دلوقتي ي حبيبتي

-تيام: ازيك ي بطل انت محمد صح ؟

-محمد: ايوا انا مين حضرتك ؟

-تيام: انا ي سيدي اسمي تيام ابقي خطيب مليكه

-مليكه بصدمه: اي ؟

-علا: انت بتكدب ي عمو لان مليكه مش مخطوبه

-مليكه: ايوا ي حبيبتي هو بيكدب لانه ابن عمتي وبيهزر

-تيام: بس انا مبهزرش

-مليكه: يلا بينا نمشي عشان عهد مستنيانا

-محمد: هي كويسه ؟

-مليكه: محتجاك ومحتجانا كلنا نبقي جمبها انت راجلها ولازم تبقي ف ضهرها صح ؟

-محمد: اكيد

-تيام: طب يلا بينا

-مليكه بهمس: انا هقتلك ي تيام

-تيام بضحكه: يبقي ليا الشرف اتفضلي

*في شركه الادويه*

-زين: هو دكتور ابراهيم مجاش النهارده لي ؟

-مش عارف والله ي دكتور

-زين: طب ودكتوره عهد جات ؟

-لا برده مشوفتهاش

-زين: طب اتفضل غريبه الاتنين مجوش لي ؟

*كان قلقان ودماغه بتودي وتجيب ازاي تاني يوم في الشغل ليها ومتجيش اتردد كتير بس في الاخر اتصل علي دكتور ابراهيم بحجه أن في اوراق مهمه عايزه يوقع عليها*

-زين: سلام عليكم

-ابراهيم بحزن: وعليكم السلام ورحمه الله خير ي زين ؟

-زين بتوتر: انا اسف ي دكتور اني ازعجت حضرتك بس سألت عليك قالولي مجاش النهارده

-ابراهيم: حصل شويه ظروف معرفتش اجي ف حاجه ولا اي ؟

-زين: هو في اوراق للادويه الجديده محتاج توقيع حضرتك عليها النهارده

-ابراهيم: طب انا ف مستشفي ** هات الورق وتعالي مستنيك

-زين: تمام ي دكتور

*قلق اكتر صوته في الاول مكنش كويس ودلوقتي بيقوله مستشفي وعهد مجاتش يارب استر ركب عربيته وراح المستشفي*

*في المستشفي امجد كان وصل*

-امجد: السلام عليكم

-وعليكم السلام ورحمه الله

-احمد: اهلا ي امجد

-خلود بعصبيه: انت اي اللي جابك هنا ؟

-شهد: خلود مش وقته الكلام دا

-امجد: انا اسف بس عرفت باللي حصل ل طنط حنان ف قولت لازم اجي اطمن عليها

-خلود بإستهزاء: لا والله فيك الخير

-احمد بحده: خلود احترمي ان انا موجود حتي

-عهد بتعب: شكراً ي امجد تعبت نفسك

-امجد: متقوليش كدا ي عهد دا واجبي مش محتاجين اي حاجه اقدر اعملها ؟

-خلود بعصبيه: تعالي معايا

-شهد: رايحه فين ؟

-خلود: مش هتأخر

-ميرنا: ربنا يستر منها

-امجد: ف اي ي خلود ؟

-خلود: انت اللي ف اي ؟ اي اللي جابك هنا هو انا مش طلبت منك تبعد عني وعن اي حد يخصني ؟

-امجد: طلبتي كدا وانتي عارفه اني مش هقدر انفذ

-خلود بضحكه استهزاء: لا والله ضحكتني علي اساس انك مقدرتش قبل كدا ؟

-امجد: بلاش طريقه كلامك دي حتي بعد م عرفتي انا عملت كدا لي لسه برده م**مه علي رأيك ؟

-خلود: انا ميهمنيش انت عملت كدا لي كل اللي يهمني انك سبتني يوم خطوبتي قاعده مستنيه حضرتك ومجتش خليت اللي يسوي واللي ميسواش اتكلم عليا وانا مستاهلش منك كدا ي امجد مستاهلش

-امجد بعصبيه: انتي كنتي عايزاني اعمل اي اسيبها تموتك وابقي خسرتك ؟

-خلود بعياط: وهو انت دلوقتي **بتني ؟

-امجد بنفاذ صبر: خلود افهمي انا مستحيل كان يبقي ف ايدي انقذك من الموت ومعملش كدا افهميني ارجوكي

-خلود بعياط: ياريتك كنت سيبتها تموتني ي امجد كان هيبقي ارحم من انك تعمل فيا كدا

-امجد: خلود

-خلود: خلاص ي امجد انتهينا

*زين اول ما وصل المستشفي وشافها في الحاله دي حس ان الدنيا ضلمت فجأه بدأ يقرب منهم ومكنش شايف حد غيرها قاعد لحد ما سمع صوت دكتور ابراهيم*

-ابراهيم: اهلا ي زين فين الورق ؟

-زين بهدوء: اتفضل

-ابراهيم: ممتاز

-زين: هي مش دي عهد ؟

-ابراهيم بحزن: اه يبني هي

-زين: خير ف حاجه ؟

-ابراهيم: والدتها تعبانه شويه

-زين: ربنا يتم شفاها علي خير يارب

-ابراهيم: اتفضل الورق

-زين: عن اذنك دقيقه واحده

-ابراهيم: خد راحتك

-زين بهدوء: عهد !

-عهد بعياط: زين ! ماما ي زين بتروح مني

-زين بحزن: اهدي اهدي مينفعش تكوني ف الحاله دي هي اكيد محتجاكي معاها استقوي بالله وهو اكيد هيقف جمبك

-عهد بعياط: انا خايفه عليها اوي انا مليش غيرها

-زين: وربنا مش هيوجعك عليها متخافيش

-عهد: يارب

-زين: طب انا مضطر امشي دلوقتي

-عهد: انت عرفت منين ؟

-زين: والله انا كنت جاي اوقع ورق من دكتور ابراهيم لقيتك هنا

-عهد: شكراً علي سؤالك ي زين

-زين بإبتسامه: متقوليش كدا المهم خلي بالك من نفسك واطمني

-عهد: ان شاء الله

-زين: انا اسف اني مش هفضل معاكي بس اكيد هجيلك تاني

-عهد بهدوء: وانا هستناك

-ي تري مصير حنان هيكون اي ؟

-خلود هتفضل م**مه علي رأيها ؟

-تيام ومليكه شكل علاقتهم هيوصل ل اي ؟

-عمر وشهد هيفضلوا كدا ؟