حكايه بنات

البارت الثاني عشر

*في بيت زين*

-ملك: اي اللي رجعك بدري كدا ومالك ي زين ؟

-زين بهدوء: خلصت شغل وجيت

-ملك: حبيبي مالك زعلان كدا لي ؟

-زين بحزن: عهد مامتها تعبانه وف المستشفي روحت شوفتها عياطها وزعلها وجعني اوي ي ملك

-ملك: لا حول ولا قوه الا بالله استهدي بالله ي حبيبي ان شاء الله تبقي كويسه

-زين: حاسس انه لا لان كله كان واقف قلقان شكل الدكتور مطمنش حد فيهم

-ملك: ي حبيبتي ربنا معاها ويصبرها

-زين: يارب عن اذنك ي ملك هدخل اقعد ف اوضتي شويه

-ملك: خليك قاعد معايا شكلك مش كويس

-زين: معلش ي حبيبتي عايز اقعد لوحدي شويه

-ملك بقله حيله: علي راحتك بس متضايقش نفسك وكل حاجه هتبقي احسن

-زين بإبتسامه هاديه: ان شاء الله

-اميره: خالو ماله ي ماما ؟

-ملك: تعبان شويه من الشغل ي حبيبتي روحي يلا العبي ف اوضتك علي م بابا ييجي عشان نتغدي

-اميره: حاضر

*زين شكلها وهي بتعيط مش بيفارقه وهي بتقوله ماما بتروح مني ومليش غيرها كان نفسه يكون مهم في حياتها ويبقي ليه صفه يقدر يقف جمبها وميسيبهاش لحظه لكن للاسف مفيش بس لحظه دي قالتله هستناك معني كدا ان هي عايزاه جمبها وهو زي الغ*ي مشي ومفضلش بس هو مينفعش يفضل قاعد هنا لازم يكون جمبها خد مفاتيحه وركب العربيه ورجع المستشفي*

-ابراهيم بإستغراب: خير ي زين ف حاجه ؟

-زين: ابدا ي دكتور بس مينفعش اسيبكم ف الظروف دي

-ابراهيم: كتر خيرك يبني

-زين: اومال عهد فين ؟

-مليكه: ف العنايه المركزه

-زين: هو الدكتور قالكم اي بالظبط ؟

-ميرنا: قال ان لو الساعات الجايه عدت علي خير هيبقي اتكتبلها عمر جديد

-تيام: انا اسف ف اللي هقوله بس هي كان لازم يحصل معاها كدا لانها مكنتش بتاخد الادويه بتاعتها

-شهد بصدمه: نعم ؟ ازاي يعني ؟

-مليكه: احنا روحنا سألنا دكتور الصيدليه لو هي كانت بتاخد من عنده العلاج قال ان عهد كانت بتطلب منه الادويه ويروحوا يودوها ل طنط كانت بترجعها تاني

-ماجده بحزن: مكنتش عايزه تشيل بنتها اكتر من طاقتها ي حبيبتي

-ميرنا: عهد لو عرفت حاجه زي دي هتزعل اوي

-خلود: مليكه بلاش تجيبي السيره دي قدامها كفايه اللي هي فيه

-علا: مليكه ؟

-مليكه: نعم ي قلب مليكه ؟

-علا بحزن: هي ماما مش هترجع معانا البيت ؟

-ماجده بعياط: ي حبيبتي ي بنتي

-مليكه بعياط: لا مين اللي قالك كدا هي بس بتاخد العلاج بتاعها واكيد هترجع معانا ان شاء الله

-علا: طب انتي لي بتعيطي وكمان عهد بتعيط ؟

-شهد: اي دا اي دا تعالي كدا لما اقولك ؟

-علا: نعم ؟

-شهد: العيال دول وحشين متقعديش معاهم تاني خليكي معايا انا مبعيطش اهو وانتي كمان متعيطيش عشان البنات الحلوه الشاطره مش بتعيط ماشي ؟

-علا: يعني عهد ومليكه مش شاطرين ؟

-شهد: اه ومش حلوين برده

-تيام: ف دي كدابه ي شهد

-خلود: م تيجي معايا ي لولو نجيب شوكولاته وعصير ونيجي تاني ؟

-علا بفرحه: موافقه

-ماجده: ربنا يخليكم لبعض كلكم

-زين: شكلكم صحاب من زمان

-مليكه: احنا وعينا ع الدنيا لقينا نفسنا مع بعض

-شهد: امجد مش عايزاك تتضايق لو خلود اتكلمت معاك ب اسلوب مش كويس بس انت شايف اللي بيحصل

-امجد: متقلقيش انا شكلي هبدأ اتعود فتره لحد م كل حاجه ترجع زي الاول

-احمد: ربنا يهدي الحال بينكم

-ميرنا: انا هروح اتطمن علي عهد

-شهد: خديني معاكي

*علي التليفون*

-نادين بصدمه: انت عرفت منين ؟

-وائل: شوفتها داخله المستشفي مع بنت فضلت انادي عليها مسمعتنيش محبتش ادخل وراها

-نادين: طب مسألتش مين اللي هما رايحين يشوفوه ؟

-وائل: لا انا قولت اعرفك عشان لو حابه تروحي تشوفيها

-نادين: طب اقفل هكلم ماما ونروحلها هناك

-وائل: ماشي ي حبيبتي بس خلي بالك من نفسك

-نادين: حاضر

-غاده: الو ؟

-نادين: ماما انا عرفت ميرنا فين

-غاده بفرحه: بجد هي فين ؟

-نادين: المستشفي

-غاده: بتقولي اي ؟

-نادين: متقلقيش ي ماما مش هي اللي تعبانه هي راحت عشان تشوف حد هناك تقريباً

-غاده: مستشفي اي ي نادين ؟

-نادين: مستشفي ** وانا هقابلك هناك

-غاده: ماشي ي بنتي

*في بيت داليا*

-مختار بعصبيه: انتي ازاي ساكته لحد دلوقتي ؟

-داليا: ي بابا انا فكرت انه هيعقل ويرجع عن اللي ف دماغه لكن اكتشفت اني كنت غلطانه

-مختار بعصبيه: مش دا اللي **رتي كلمتي عشانه ؟ مش دا اللي قولتي بيحبني وعايزني ؟

-داليا بخبث: هو لسه بيحبني ي بابا بس ف واحده تانيه هي اللي خدته مني

-مختار: وهو بالعقل لو بيحبك هيسمح ل واحده تانيه تاخده منك ؟

-داليا: خلاص ي بابا المهم ان انا دلوقتي عايزه حقي

-مختار: انتي تغلطي الغلطه وترجعي تقولي عايزه حقي ؟

-داليا: عشان انت ابويا ولازم تقف جمبي

-مختار: والمطلوب مني اي ؟

-داليا بإبتسامه خبث: ترجعه يشحت تاني زي م كان

-مختار: ودا انا اعمله ازاي وبعدين هو لما جه يتقدملك كانت حالته الماديه كويسه

-داليا بتوتر: ي بابا اتصرف اعمل اي حاجه انت مش هتسيب حق بنتك كدا

-مختار: ماشي ي داليا لما اشوف اخره دلعنا فيكي هتوصلنا ل اي

-داليا: وريني نفسك بقا ي امجد هتعمل اي لان مش انا اللي تسيبني عشان واحده تانيه

*عند العنايه المركزه*

-ميرنا بهدوء: عهد !

-شهد: ي عهد مينفعش تفضلي واقفه هنا اخواتك محتاجينك جمبهم بالذات علا

-ميرنا: حبيبتي قومي معانا وادعيلها انها تقوم بالسلامه

-عهد بعياط: انا هيحصلي اي لو هي راحت مني ؟

-شهد: بلاش الكلام دا بعد الشر عليها بس قومي معايا

-عهد بعياط: انا مليش غيرها ي شهد لو راحت مني هموت ي ميرنا

-ميرنا بحزن: والله هتكون كويسه انتي بس قومي مينفعش تقعدي كدا من غير اكل ولا شرب

*فجأه صوت صفاره طالعه من اوضه العنايه كانت دليل علي ان حنان ماتت*

-عهد بصدمه: لا لا الجهاز دا بايظ فين الدكتور ي مااامااا

-شهد بعياط: اهدي ي عهد

-عهد بصراخ وصدمه: ماااماا لاا هي عايشه ي شهد متعيطيش هي عايشه والله الدكتور هييجي دلوقتي يقولكم عشان تتأكدوا

-ميرنا بعياط: عا** بالله عليك شوف اي اللي حصل

-عا**: حاولوا تاخدوها من هنا

-عهد بصراخ: انا مش هتحرك شوف امي فيها ايي

*كلهم اتجمعوا عند العنايه بعد ما سمعوا صريخ عهد*

-خلود بقلق: ف اي ؟

-عهد بصدمه: مماتتش هي لسه عايشه انا متأكده الجهاز دا مش شغال

-مليكه بعياط: اي ؟ ازاي ؟

-عهد بصراخ: بقولك مماتتش ي مليكه اسكتي ومتعيطيش محدش يعيط

-ماجده بعياط: انا لله وانا اليه راجعون

-عا** بحزن: انا اسف ي جماعه شدوا حيلكم

-مليكه بصدمه: ي نهار اسود

-شهد بعياط: لاا الله يرحمك ي طنط

-ميرنا بعياط: عهد !

-خلود بعياط: ازاي ؟ ياارب صبرنا علي مصيبتنا يارب

-عهد بصدمه: انتوا بتعيطوا لي ؟ هي هتطلع دلوقتي الدكتور دا كذاب

-زين بحزن: عهد استقوي بالله انتي مؤمنه

-عهد بصراخ: لا ي زين لا متقولش كدا هي عايشه طنط ماجده انتي صاحبتها ادخلي قوليلها تطلع معايا يلا نمشي

-شهد بعياط: ي عهد عشان خاطري متعمليش ف نفسك كدا ع الاقل عشان اختك

-تيام بحزن: مليكه امسكي نفسك شويه عشان تقدري تقويها

-مليكه بعياط: مش هقدر ي تيام انت شايف حالتها عامله ازاي ؟

-ابراهيم بحزن: مينفعش ي بنتي لازم تبقوا جمبها

-عهد: ميرنا قولي ل عا** يطلع ماما تروح معايا يلا

-ميرنا بعياط: ي عهد

-عهد بصراخ: انتي مش سمعاني قوليله يلا

-زين: عهد اسمعي مامتك راحت للي احسن مننا كلنا اللي بتعمليه دا مينفعش

-عهد بصدمه: انت كذاب كلكم بتكذبوا عليا انا هقوم اشوفها بنفسي

-زين وهو بيمسكها: بقولك اهدي بقا مينفعش تدخلي جوا دلوقتي

-عهد بصراخ: ي ماااماا ماما ي زين خليها ترجع معايا انا مش هقدر اعيش من غيرها ي امييييي

-زين بحزن: انا معاكي اهدي اهدي بقا اختك محتجالك

-عهد بعياط: مش هقدر

-ميرنا بعياط: عا** لازم نحطها ف اوضه وتاخد مهدأ

-عا**: الاوضه ف اخر الطرقه فاضيه وديها والممرضه هتجيلك حالا

-ميرنا: عهد تعالي معايا

-عهد بعياط: مش هسيبها لوحدها وامشي

-زين: هنروح الاوضه التانيه نستناها

-عهد بعياط: مش بتكذب عليا ي زين صح ؟

-زين بحزن: لا تعالي يلا

-عمر بصدمه: اي اللي حصل ؟

-شهد بعياط: ماتت ي عمر

-عمر بحزن: انا لله وانا اليه راجعون استقوي بالله ي شهد

-شهد بعياط: مش قادره اشوفها ف الحاله دي ومش عارفه اعملها حاجه

-عمر: خليكي بس جمبها عشان تقويها

-شهد: ممكن تخليك جمبي

-عمر: انا جمبك ومش هسيبك غير وانتي كويسه

-شهد بعياط: لا خليك جمبي علي طول

-عمر: حاضر

*في اوضه عهد كانت ماسكه ايد زين ومسابتهاش*

-الممرضه: الحقنه هتخليها تنام ياريت تسيبوها ترتاح

-ميرنا: شكراً

-زين: انا دقيقتين وهطلع وراكي

-ميرنا: براحتك

-زين بحزن: انا اسف علي كل اللي بيحصلك وحصلك وانا مش معاكي اسف انك لحد دلوقتي متعرفيش ان انا بحبك بس انا بوعدك ان انا هفضل جمبك عمري كله ي عهد وهعوضك عن كل حاجه وحشه حصلت معاكي

*قدام العنايه المركزه*

-ميرنا بصدمه: انتوا ؟

-غاده بفرحه: بنتي

-نادين: ميرنا

-ميرنا: بنتك ؟ انا مش بنتك

-ماجده: غاده ؟

-ميرنا بعياط: جايه بتضحكي ف وشي وبتقولي عليا بنتك ؟

-نادين: ميرنا اسمعي

-ميرنا بحده: انتي تسكتي خالص انا لا عايزه اسمع منكم حاجه ولا عايزه اعرفكم تاني اصلا

-عا**: ميرنا بلاش الكلام دا

-ميرنا: لو سمحت ي عا** متدخلش

-غاده: انتوا بتعملوا اي هنا ؟

-ماجده بحزن: حنان تعيشي انتي

-غاده بصدمه: اي ازاي ؟ وامتا ؟

-عا**: كانت محتاجه عمليه قلب مفتوح لكن الاسف حالتها اتأخرت

-غاده بعياط: ماتت ؟ بقالي خمس سنين مشوفتهاش ي ماجده وماتت

-ماجده: ادعيلها بالرحمه ي غاده

-شهد: بلاش تتكلمي معاها كدا ي ميرنا

-ميرنا بعياط: اتكلم معاها ازاي ؟ هي ب اي حق جايه تسأل عني ؟ انا مش هتكلم ف الموضوع دا دلوقتي عشان خاطري عهد واللي هي فيه

-مليكه: هي فين ؟

-زين: واخده مهدأ ونايمه اول م تصحي هتفوق من الصدمه واعتقد دي هتبقي اصعب مرحله

-شهد: طب وعلا احنا كلنا هنا مع عهد مينفعش نسيب علا لوحدها

-زين: انا عندي اقتراح لو تقبلوا طبعا انا بنت اختي ف نفس سنها تقريباً ممكن اخدها معايا وحتي اختي تاخد بالها منها عشان اكيد محدش هيكون فاضي ولحد م ترجعوا البيت

-ابراهيم: مش عايزين نتقل عليك ي زين

-زين بسرعه: متقولش كدا ي دكتور هي فين ؟

-خلود: كلمي عمو ي علا

-زين: اهلا اهلا اي القمر دا ؟

-علا: حضرتك تعرفني ؟

-زين: اكيد طبعاً وعندي ليكي مشوار صغير لو توافقي طبعا ؟

-علا: هنروح فين ؟

-زين: هعرفك علي بنوته قمر شبهك كدا وتبقوا صحاب يلا بينا ؟

-علا: اروح معاه ي خلود ؟

-خلود: متخافيش ي حبيبتي عمو هيخلي باله منك بس اوعي تتشاقي ؟

-علا: حاضر يلا ي عمو

-مليكه: خلي بالك منها ي زين

-زين: متقلقوش انا هوديها البيت وارجع خلوا بالكم من عهد

-تيام: متقلقش

-شهد بتساؤل: بيحبها ولا بيعمل كدا مجامله ؟

-عمر: الشخص العاشق تفضحه عيناه

-تيام: فعلا باين اوي

-مليكه: مش وقته ي جماعه الكلام دا خلينا ف عهد هنتصرف معاها ازاي ؟

-شهد: م هو دا موضوعنا زين هو اللي هيعرف يتصرف معاها

-نهايه وبدايه جديده ف حياه كل شخص فيهم ي تري اي اللي هيحصل ؟