28
sa bundok, alaala ni antonio
MAGHAPON silang naglakad. Patigil tigil. May inakyat silang bundok na korteng paa ng higante, na sa sobrang tarik ay tila madadaganan sila ng dambuhalang tipak. Nagkandasugat
ang kanyang mga palad, tuhod, at may galos na siya sa pisngi. Namamaga ang kanyang paa, hindi dahil masikip ang rubber shoes niya, ngunit hindi kinaya ng disenyo ng sapatos na iyon ang umbok-tagtag
ng pag-akyat. Umuulan na rin ng madalas at kasama sa hamon ng akyat-baba ang mga madudulas na talampas, putika’t malilintang mga trail. Siguro, kung makikita lang siya ni Mamang no’n,
awtomatikong magpapakulo ng tubig at pupunasan siya ng bimpo. Baka maluha pa sa dami ng kanyang mga sugat. Mapailing sa mga lintang isa-isa niyang tinatanggal sa kanyang talampakan. At tiyak, ito
pa ang ma
