SA kagustuhang mahanap agad ni Geofferson si Brent ay tila sinuway niya ang sinabi ng ama na ang kakilala nitong private investigator na ang bahala sa paghahanap.
Kaya naman sinubukan niya itong hanapin sa social media pero mukhang matagal nang hindi active ang account nito. Mukhang hindi nakahiligan ni Brent ang social media. Kaya naman sa tingin niya ay mahihirapan siya itong hanapin nang siya lang.
Ilang saglit pa ay may unknown number na tumawag sa kaniya. Kaya naman walang alinlangang sinagot niya ang linya. "Who's this?" seryoso niyang pagbungad.
"Si Geofferson ba ito?"
"Ako nga, and sino ka naman?"
Narinig niya ang mahinang paghagikhik nito. "Ako si John Clemente."
"John?" pag-uulit niya ng pangalan nito.
"Yes, it's me. Ahm, ako 'yung private investigator na kakilala ng da
