Hindi siya sanay sa ganito. Ang gumising ng maaga, magbihis ng simple, at dumiretso sa kotse hindi para sa trabaho o meeting, kundi para lamang sundan ang isang tao.
Pero nitong mga araw na ito, parang wala nang saysay ang normal niyang mundo kung hindi niya nakikita si Alorna.
Nasa loob siya ng itim na sasakyan, nakaparada sa kanto, habang pinagmamasdan kung paano bumaba sina Alorna at Jefferson mula sa kotse nito. May bitbit silang ilang folders at canvass bag. Mukhang galing sa meeting o art supply store.
Tahimik siyang sumunod, pinapabagal ang pag-andar ng kanyang sasakyan.
Hindi na niya mabilang kung ilang beses na niyang ginawa ito nitong linggo. Minsan mula café, minsan mula gallery, minsan naman mula mismong bahay ni Jefferson.
At ngayon, habang nakikita niyang sabay na tumata
