Dalawang araw ang lumipas matapos magtungo ni Alorna sa beach resort, balik trabaho na naman. Balik normal na naman bilang businesswoman.
Punong-puno ng mga kilalang personalidad ang ballroom ng isang five-star hotel. Mamahaling ilaw, eleganteng chandelier at klasikong musika mula sa isang live orchestra ang bumabalot sa buong paligid. Ang charity event na ito ay isa sa pinakamalaki ngayong taon at hindi puwedeng hindi dumalo ang mga taong nasa mundo ng negosyo.
Dumating si Alorna na nakasuot ng simpleng ngunit eleganteng gown at kulay emerald green na lalong nagpapatingkad sa maputi niyang balat. Sa tabi niya ay si Jefferson na naka-black tuxedo at nakaakbay ng bahagya na para bang natural na natural lang.
“Ang ganda mo ngayong gabi,” bulong ni Jefferson habang binubuksan pa niya ang
