Maaga pa lang ay pumasok na si Alorna sa kanyang kumpanya. Buong magdamag, hindi siya halos nakatulog. Paulit-ulit na bumabalik sa isip niya ang sinabi ni Grace. Ang posibilidad na hindi lahat ng alam niya tungkol sa aksidente ay totoo. Sa ngayon, iyon ang tanging bagay na nagpapalakas sa kanya.
Ang pag-asang baka may paliwanag pa si Valerian na hindi niya narinig.
Pagpasok niya sa kanyang opisina ng Beauty and Carry, bumuga siya ng hanin. Maayos ang ayos ng buhok. Simple pero elegante ang suot. Subalit kahit anong tibay ng loob, hindi niya inaasahan na sa mismong pagbukas ng pinto ng kanyang opisina ay naroon na agad si Jefferson. Nakaupo sa sofa at parang matagal ng naghihintay.
Nakasandal ito, nakataas ang isang paa sa tuhod at may hawak na tasa ng kape. Relax na relax pero ang ngis
