Sumunod na araw, hindi sila pumasok sa kani-kanilang kumpanya. Wala silang ibang ginawang dalawa kun'di ang gumala at magpakasaya. Gusto kasi ni Valerian na maglaan ng sapat na oras para sa kanyang pinakamamahal na si Alorna.
"Sandali, Val. May kailangan lang akong puntahan saglit. Importante kasi ito," biglang sabi ni Alorna habang nasa byahe sila.
"Ha? Hindi ba puwedeng bukas na lang?" saad ni Valerian.
Umiling si Alorna. "Hindi puwede eh. Sandali lang naman ako. Ibaba mo na lang ako sa labas ng mall. Magta-taxi na lang ako."
Bumuntong hininga si Valerian at saka tumango. Nagpatuloy siya sa pagmamaneho hanggang sa makarating sila sa mall doon.
"Hintayin mo ako sa bahay. Nasa iyo naman ang susi, 'di ba? Saglit lang ako, promise," saad ni Alorna.
Tumango si Valerian at saka tipid na
