Pagdating namin ni Atoy sa mansion ay agad kaming sinalubong nina Nanay Sofie at mga Ateng kong pantulak.
"Oh, Garlic kumusta. Anong balita sa contest, ha?" bungad kaagad ni Ate Pepsi sa akin.
"Excited na kami, Garlic. Sabihin mo na sa amin," pangiting saad naman ni Ate RC.
"Bakit ganiyan ang mukha mo, Garlic? Atoy anong nangyari? Bakit para kayong nadaganan ng isang dosenang niyog?" tanong naman ni Nanay Sofie.
Nagkatinginan kaming dalawa ni Atoy.
"Sabihin mo na, Garlic," sabi naman ni Atoy sa akin sabay siko sa aking balikat.
"Ikaw na kaya ang magsabi, Atoy," balik-saad ko naman sa kaniya.
"Bakit ba nagtuturuan kayong dalawa? Sabihin na nga ninyo, kung ano ang nangyari sa kontest," pilit naman ni Ate Pepsi.
"Bakit ang lungkot-lungkot ng mga mukha ninyo? Huwag ninyong sabihin na
