"Atoy ang daming tao. Wow naman, ang ganda naman dito." Inilibot ko ang aking paningin sa kabuuan ng studio. Hinawakan din ako ni Atoy at inalalayan niya akong kumuha ng form na nasa security guard.
"Paki-fill up nito, Garlic. Bilisan mo para makapila tayo kaagad habang mas maaga," sabi niya sa akin sabay bigay ng form.
Sinimulan ko na ring fill-apan ang form na ibinigay niya.
"Atoy ang bastos naman ng form na 'to," pabulong kong sabi sa kaniya.
"Ha? Bakit, ano ba ang nakasulat?" kunot-noo niyang tanong sabay kuha ng form sa akin.
"Basahin mo nga, nakalagay diyan sa isang linya ang-s*x. Hindi ba bastos iyan? Madalas kong naririnig iyan sa mga tambay sa kanto na nag-iinuman sa probinsiya namin. Nagpapayabangan sila ng kung ilan na ang na-s*x nila sa mga naging syota nila," nakanguso ko
