Paalis na si Sir Peanut papunta sa kaniyang opisina. Nasa alley ako at tamang naglilinis ng hagdan. Habang naglalampaso ako ay nakita ko ang pares ng makikintab na sapatos sa harapan ko at nakatayo.
"Wow, very shine, like a mirror, I see my eyes, my face, my lips and shiny hair," nasabi kong bigla habang titig na titig ako sa napakakintab na sapatos. Gumagaling na talaga ako sa kaka-English, ah. Ano kaya ang ginagawa ng mga 'to sa harapan ko?
Hindi pa rin umaalis ang pares ng sapatos na nasa harapan ko kaya nag-angat na ako ng mukha. Laking gulat kong nakatingin sa akin si Sir Peanut.
"Hala, bakit kaya niya ako tinitingnan? Nakilala kaya niya ako noong isang gabi na ako ang kahalikan niya? Baka nasarapan siya at hinahanap niya ang matamis kong halik. Echos!" Nag-uunahan sa paglibot ang
