Agad kaming sumakay sa kaniyang kotse habang hila-hila pa rin niya ang aking kamay.
"T-teka, Sir Peanut, b-bakit ba tayo aalis?" nauutal kong tanong sa kaniya.
Napakaseryoso naman ng kaniyang hitsura. Agad niyang pinaandar ang kotse, nasa front seat ako katabi niya. Hindi na maipinta ang kaniyang mukha. Hala, galit na naman? Parang bumalik na naman ang dati niyang ugali na laging sumasalubong ang kilay lalo na kapag galit.
Nagtatanong lang naman kanina si Atoy kung puwede na niya akong ayaing mag-dinner date bukas ng gabi, bigla na lamang umiba ang timpla ng mukha nito. Nagme-menopause ba si Mani?
"S-Sir...saan ba talaga tayo pupunta? Si Baby Chilric, sina Tiya Sonita, ang mga-"
Hindi ko natapos ang mga tanong ko dahil pinahinto niya ang kotse sa gilid at saka bumaling siya sa akin at
