Bumukas nang dahan-dahan ang nakasaradong pintuan ng simbahan. Napahaba naman ang leeg ko dahil na-curious ako kung sino-sino ang nasa loob. Kinabahan na naman ako.
"A-ano ba ang nangyayari? Bakit walang tao rito sa simbahan? Saan po ba tayo magprusisyon?" muli kong tanong sa bakla. Nasa likuran ko pa rin siya. Ngayon ko lang din napansin na may bitbit siyang basket. May ilang bulaklak pa sa loob nito.
"Sandali na lamang, Miss Garlic at mag-uumpisa na ang prusisyon," sagot naman niya sa akin na walang patid ang ngiti sa kaniyang mabalakubak na mukha.
"Susmaryahosep, patawara ako, oh Diyos sa aking pananalita sa aking isipan."
"Wait, Gurl at aayusin ko lang muna ang gown mo, ha." Nilapitan nga niya ako at saka inayos ang mahabang manggas ng suot kong gown.
Laylay ang manggas nito na
