Dikit nang dikit si Maam Vanilla kay Sir Peanut nang dumating kami sa clinic ni Doctor Keratin. Para siyang linta na hindi na umaalis sa pagkakahawak dito. Nakita ko pang ngumunguso na ang bibig ni Garlic. Alam kong naiirita na siya sa ginagawa ni Maam Vanilla at sinasadya talagang ipakita sa kaniya ang pagiging daring nito para pagselosin siya.
Siniko ko siya nang magkatabi kaming umupo sa waiting area. Naunang nakalista si Garlic. Nakita ko ring nagpalista sa secretary si Maam Vanilla. Hindi ko alam kung magpapa-check up din ito.
"Okay ka lang ba, Garlic?" tanong ko sa kaniya.
"Oo naman, Atoy. Kaya ko pa naman eh. I fight, fight for my baby. I know I am strong, beautiful and healthy. Madalas akong kumakain ng star margarine kaya walang dahilan para hindi ako maging malakas." Napangiti
