"Magandang hapon, Stephanie."
Naalimpungatan si Steph dahil sa dalawang malamyos na tinig na bumati sa kaniya. Pagdilat niya ay nakita niya sa gilid ng kaniyang kama ang dalawang babaeng mukhang dyosa sa ganda. Mga naksuot ng puting bestidang silka na naaadornohan ng mga bulaklak na may iba't ibang kulay. Ang isa ay mukhang mestisa na may asul na mga mata at ang isa ay mukhang bumbayin ang ganda na may brown eyes. Pareho silang slim at matatangkad.
Napabalikwas nang bangon si Steph. "Sino kayo?"
"Ako si Nimfa," pakilala ng mestisa.
"Ako si Helga," pakilala ng mukhang bumbayin. "Kami ay mga handmaiden ni Artemis."
Nakahinga nang maluwag si Steph. "A-ah... anong ginagawa n'yo rito?" Lipat-lipat ng tintin si Steph sa dalawang handmaiden.
Ngumiti si Nimfa. "Ipinadala kami ni Artemis para
