Olympus
Sapo ang noo habang bumabangon si Steph mula sa mahabang pagkakatulog. Nahihilo pa siya at nanghihina ang pakiramdam. "Ano ang nangyari?" tanong ni Steph sa isang babaeng nasa silid niya. Aninag niya ito mula sa manipis na kurtina na nakaadorno sa kama na kinahihigaan niya.
"Ako si Leta, isa sa mga handmaiden ni Artemis." Hinawi nito ang kurtina at itinali iyon. Tumambad kay Steph ang magandang tanawin sa labas ng bintana. "Tatlong araw ka nang tulog."
"Ha? Nasaan ba ako?" Pilit inalala ni Step ang mga nangyari. Bigla niyang naalala si Achlys at si Charlie.
"Narito ka sa Olympus. Dinala ka rito ni Queen Hera upang makapagpahinga," malumanay na sagot ni Leta. Ngumiti ito sa kaniya.
"Hindi maaari..." Nagmamadaling nagkukumahog si Steph at tumayo mula sa kama. Hindi alintana ang
