Nagbalik si Steph sa kaniyang silid para magpahinga, subalit hindi siya matahimik sa sitwasyong kinasusuungan niya. Nais niyang makausap ang mga kaibigan at makapagpaalam nang maayos sa kanila. Gusto rin niyang kunin sa kaniyang silid ang mga binigay na regalo sa kaniya ng mga Olympian. Maaari niyang magamit ang mga iyon sa alanganing oras.
Nagpalakad-lakad sa kaniyang silid si Steph. Pinag-iisipang mabuti ang gagawin. Mahigit isang oras na siyang nag-iisip at nag-aalangan, pero desidido na siya ngayon. Bumuntong hininga siya saka tinawag ang sa tingin niya ay makatutulong sa kaniya.
"Apollo," sambit niya sa pangalan ng Olympian. Agad na sumulpot ito sa kaniyang silid. "Salamat at dumating ka," nakahinga siya nang maluwag kahit paano.
"Steph?" Nagpalingon-lingon pa ito sa silid. "Oo nga
