Sumigaw si Atlas. "Sa akin lang si Steph! Walang makakaagaw sa kanya sa inyo!" Puno ng poot at pagka-miserable ang mga mata nina Atlas at Luis, nagtangka ulit magharap ang dalawa at hindi nakinig sa pag-awat ni Marla.
Umawat na rin sina Blue, Jared at Lav sa dalawa dahil nagpakawala ulit ng black energy ball si Luis, pero ang tinamaan ay si Blue kaya napikon ito at gumanti ng water attack. Ang tinamaan niya sa pag-atakeng iyon ay sina Lav at Jared kaya basa ang dalawa. Nagliwanag ang mga mata ni Jared, sumugod ito kay Blue. Inilabas ang Golden Spear na bigay ng kaniyang ina at iniwasiwas kay Blue pero nakailag ito. Susugod sana pabalik si Blue pero pumagitna na si Steph.
"Magsitigil kayo!" hiyaw niya. Nagliliwanag ng kulay ginto ang kaniyang mga mata, inalis nito ang salamin. Lahat ng na
